ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

                    Codanakandakavannana
                       ---------
     {360-361} idani evam uppannaya codanaya vinayadharena kattabbakiccam
dassetum anuvijjakenatiadimaraddham. Tattha dittham ditthenati
gathaya ayamattho. Ekeneko matugamena saddhim ekatthanato
nikkhamanto va pavisanto va dittho. So tam parajikena
codeti itaro tassa dassanam anujanati tam pana dassanam
paticca parajikam na upeti na patijanati. Evamettha yantena
dittham tantassa dittho mayati imina ditthavacanena sameti.
Yasma pana itaro tam dassanam paticca dosam na patijanati tasma
asuddhaparisankito hoti amulakaparisankitoti attho. Tassa puggalassa
suddho ahanti patinnaya tena saddhim uposatho katabbo.
Sesagathadvaye eseva nayo. Sesam sabbattha uttanamevati.
                Anuvijjakakicca vannana nitthita.
     {362-363} Codanaya ko aditiadipucchanam vissajjane. Sacce ca
akuppe cati sacce ca patitthatabbam akuppe ca. Yam katam va
na katam va tadeva vattabbam. Na ca codake va anuvijjake va
sanghe va kopo uppadetabbo. Otinnanotinnam janitabbanti
otinnanca anotinnanca vacanam janitabbam. Tatrayam janana vidhi
Ettaka codakassa pubbakatha ettaka pacchimakatha ettaka
cuditakassa pubbakatha ettaka pacchimakathati janitabba. Codakassa
pamanam ganhitabbam cuditakassa pamanam ganhitabbam anuvijjakassa
pamanam ganhitabbam. Anuvijjako appamattakampi hapento avuso
samannaharitva ujukam katva aharati vattabbo. Sanghena evam
patipajjitabbam. Yena dhammena yena vinayena yena satthusasanena
tam adhikaranam vupasammatiti ettha dhammoti bhutavatthu. Vinayoti
codana ceva sarana ca. Satthusasananti nattisampada ceva
anusavanasampada ca. Etena hi dhammena ca vinayena ca satthusasanena
ca adhikaranam vupasammati tasma anuvijjakena bhutena vatthuna
codetva apattim saretva nattisampadaya ca anussavanasampadaya ca
tam adhikaranam vupasametabbam. Anuvijjakena evam patipajjitabbam.
Sesamettha uttanameva.
     {364} Uposatho kimatthayatiadipucchavissajjanampi uttanamevati.
Avasanagathasu there ca paribhasatiti avamannam karonto kim ime
janantiti paribhasati. Khato upahatindriyoti taya chandadigamitaya
tena ca paribhasanena attana ca attano khatatta khato saddhadinanca
indriyanam upahatatta upahatindriyo. Nirayam gacchati dummedho
na ca sikkhaya garavoti so khato upahatindriyo pannaya abhavato
dummedho tisu sikkhasu asikkhanato na ca sikkhaya garavo kayassa
bheda nirayam upagacchati. Tasma na camisampi nissaya .pe.
Yatha dhammo tatha kareti. Tassattho. Na ca amisam nissaya
kare cuditakacodakesu hi annatarena dinnam civaradiamisam ganhanto
amisam nissaya karoti evam na kareyya. Na ca nissaya
puggalanti ayamme upajjhayo va acariyo vatiadina nayena
chandadihi gacchanto puggalam nissaya karoti evam na kareyya.
Athakho ubhopete vivajjetva yatha dhammo thito tatheva kareyyati.
     Upakannakam jappetiti evam kathehi ma evam kathayitthati kannamule
manteti. Jimham pekkhatiti dosameva gavesati. Vitiharatiti vinicchayam
hapeti. Kummaggam patisevatiti apattim dipeti. Akalena ca
codetiti anokase anajjhittho ca codeti. Pubbaparam na janatiti
purimakatham ca pacchimakatham ca na janati. Anusandhivacanakatham na janatiti
kathanusandhivinicchayanusandhivasena vacanam na janati. Sesam sabbattha
uttanamevati.
                Codanakandakavannana nitthita.
                       --------



             The Pali Atthakatha in Roman Book 3 page 554-556. http://84000.org/tipitaka/atthapali/read_rm.php?B=3&A=11264&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=11264&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=              The Pali Tipitaka in Roman Character :- http://84000.org/tipitaka/read/roman_read.php?B=4&A=              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]