ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     Yavatake va pana ussahatiti yattake sakkoti. {106} Dasasu
sikkhapadesu purimanam pancannam atikkamo nasanavatthu pacchimanam
atikkamo dandakammavatthu. {107} Appatissati bhikkhum jetthakatthane
issariyatthane na thapenti. Asabhagavuttikati samanajivika na
bhavanti visabhagajivikati attho. Alabhaya parisakkatiti yatha
labham na labhanti evam parakkamati. Anatthayati upaddavaya.
Anavasayati kinti imasmim avase na vaseyyunti parakkamati.
Akkosati paribhasatiti akkosati ceva bhayadassanena ca tajjeti.
Bhedetiti pesunnam upasamharitva bhedeti. Avaranam katunti ma yidha
pavisati nivaranam katum. Yattha va vasati yattha va patikkamatiti
Yattha vasati va pavisati va. Ubhayenapi attano parivenanca
vassaggena pattasenasananca vuttam. Mukhadvarikam aharam avaranam
karontiti ajja ma khadatha ma bhunjathati evam nivarenti. Na
bhikkhave mukhadvariko aharo avaranam katabboti ettha ma
khada ma bhunjati vadatopi aharam nivaressamiti pattacivaram
anto nikkhipatopi sabbapayogesu dukkatam. Anacarassa pana
dubbacasamanerassa dandakammam katva yagum va bhattam va pattacivaram
va dassetva ettake nama dandakamme ahate idam
lacchasiti vattum vattati. Bhagavata hi avaranameva dandakammam
vuttam. Dhammasangahakattherehi pana aparadhanurupam udakadaruvalikadinam
aharapanampi katabbanti vuttam. Tasma tampi katabbam.
Tanca kho oramissati viramissatiti anukampaya na nassissati
vibbhamissatitiadinayappavattena papajjhasayena dandakammam karomiti
unhapasane va nipajjapetum pasanitthakadini va sise
nikkhipapetum udakam va pavesetum na vattati. {108} Na bhikkhave
upajjhayam anapucchati ettha tumhakam samanerassa ayam nama
aparadho dandakammamassa karothati tikkhattum vutte sace upajjhayo
dandakammam na karoti sayam katum vattati. Sacepi aditova
upajjhayo vadati mayham samaneranam dose sati tumheva dandakammam
karothati katum vattatiyeva. Yatha ca samaneranam evam
saddhiviharikantevasikanampi dandakammam katum vattati. Apalalentiti
Tumhakam pattam dassama civaram dassamati attano upatthanakaranattham
sanganhanti. Na bhikkhave annassa parisa apalaletabbati ettha
samanera va hontu upasampanna va antamaso dussilabhikkhussapi
parassa parisabhute bhinditva ganhitum na vattati. Adinavampana
vattum vattati taya nahayitum agatena guthamakkhanam viya katam dussilam
nissaya viharantenati. Sace so sayameva janitva upajjham va
nissayam va yacati datum vattati. Anujanami bhikkhave imehi
dasahangehi samannagatam samaneram nasetunti ettha kantakasikkhapada-
vannanayam vuttasu tisu nasanasu linganasanava adhippeta tasma
yo panatipatadisu ekampi kammam karoti so linganasanaya
nasetabbo. Yatha ca bhikkhunam panatipatadisu nanaapattiyo
honti na tatha samaneranam. Samanero hi kunthakipillikampi
maretva mankunandakampi bhinditva nasetabbatamyeva papunati.
Tavadevassa saranagamanani ca upajjhagahananca senasanagaho ca
patippassambhati sanghalabham na labhati lingamattameva ekam avasittham
hoti. So ce akinnadosova hoti ayatim samvare na titthati
nikkaddhitabbo. Atha sahasa virajjhitva duttham maya katanti puna
samvare thatukamo hoti linganasanakiccam natthi. Yathanivatthaparutasseva
saranani databbani upajjha databba. Sikkhapadani pana
saranagamaneneva ijjhanti. Samaneranam hi saranagamanam bhikkhunam
upasampadakammavacasadisam tasma bhikkhuna viya catuparisuddhisilam
Iminapi dasa silani samadinnaneva honti. Evam santepi
dalhikaranattham ayatim samvare patitthapanattham puna databbani. Sace
purimikaya puna saranani gahitani pacchimikaya vassavasikam lacchati.
Sace pacchimikaya gahitani sanghena apaloketva labho databbo.
     Adinnadane tinasalakamattenapi vatthuna abrahmacariye tisu maggesu
yattha katthaci vippatipattiya musavade hassadhippayatayapi musabhanite
assamano hoti nasetabbatam apajjati. Majjapane pana bhikkhuno
ajanitvapi bijato patthaya majjam pivantassa pacittiyam. Samanero
pana janitvava pivanto silabhedam apajjati na ajanitva.
Yani panassa itarani panca sikkhapadani tesu bhinnesu na
nasetabbo dandakammam katabbam. Sikkhapade pana puna dinnepi
adinnepi vattati. Dandakammena pana piletva ayatim samvare
thapanatthaya databbameva. Samaneranam majjapanam sacittakam
parajikavatthu. Ayam viseso. Avannabhasane pana araham
sammasambuddhotiadinam patipakkhavasena buddhassa va svakkhatoti-
adinam patipakkhavasena dhammassa va supatipannotiadinam patipakkhavasena
sanghassa va avannam bhasanto ratanattayam nindanto garahanto
acariyupajjhayadihi ma evam avacati avannabhasane adinavam
dassetva nivaretabbo. Sace yavatatiyam vuccamano na oramati
kantakanasanaya nasetabboti kurundiyam vuttam. Mahaatthakathayam
pana sace evam vuccamano tam laddhim nissajjati dandakammam
Karetva accayam desapetabbo. Sace na nissajjati tatheva
adaya paggayha titthati linganasanaya nasetabboti vuttam.
Tam yuttam. Ayameva hi nasana idhadhippetati. Micchaditthikepi
eseva nayo. Sassatucchedananhi annataraditthiko sace
acariyadihi ovadiyamano nissajjati dandakammam karetva accayam
desapetabbo appatinissajjantova nasetabboti. Bhikkhunidusako
cettha kamam abrahmacariggahanena gahitova. Abrahmacarim pana
ayatim samvare thatukamam saranani datva upasampadetum vattati.
Bhikkhunidusako ayatim samvare thatukamopi pabbajjampi na labhati
pageva upasampadanti etamattham dassetum bhikkhunidusakoti imam visum
dasamam angam vuttanti veditabbam.



             The Pali Atthakatha in Roman Book 3 page 83-87. http://84000.org/tipitaka/atthapali/read_rm.php?B=3&A=1735&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=1735&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=121              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3418              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3511              The Pali Tipitaka in Roman Character :- http://84000.org/tipitaka/read/roman_read.php?B=4&A=3511              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]