ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

     {173} Vaggasamaggasanninopannarasake te janantiti pabbate va
thale va thita simam okkante va okkamante va passanti.
Samaggasannino pana ananena va agata bhavissantiti sannaya
va honti. Vematikapannarasakam uttanatthameva. {175} Kukkuccapakata-
pannarasake yatha icchaya abhibhuto icchapakatoti vuccati evam
pubbabhage sannitthanam katvapi karanakkhane akappiye kappiya-
sannitasankhatena kukkuccena abhibhuta kukkuccapakatati veditabba.
     {176} Bhedapurekkharapannarasake akusalabalavataya thullaccayam vuttam. {177} Avasikena
agantukapeyyale yatha purime avasikena avasikapeyyale te
na jananti atthanne avasikatiadi vuttam evam te na
jananti atthanne agantukatiadina nayena sabbam veditabbam.
Agantukena avasikapeyyale pana yatha purimapeyyale avasika
bhikkhu sannipatantiti agatam evam agantuka bhikkhu sannipatantiti
anetabbam. Agantuke agantukapeyyalo pana ubhayapadesu
agantukavasena yojetabboti.
     {178} Avasikanam bhikkhunam catuddaso hoti agantukanam pannarasoti
ettha yesam pannaraso te tiroratthato va agata atitam va
uposatham catuddasikam akamsuti veditabba. Avasikanam anuvatti-
tabbanti avasikehi ajjuposatho catuddasoti pubbakicce kayiramane
Anuvattitabbam na patikkositabbam. Nakama databbati na anicchaya
databba. {179} Avasikakaranti avasikanam akaram acaranti
attho. Esa nayo sabbattha. Akaro nama yena tesam
vattasampanna va na vati acarasanthanam gayhati. Lingam nama
yam te tattha tattha line gamayati adissamanepi janapetiti
attho. Nimittam nama yam disva te atthiti nayanti.
Uddeso nama yena te evarupaparikkharati uddissanti apadesam
labhantiti attho. Sabbametam supannattamancapithadinanceva
padasaddadinanca adhivacanam. Yathayogam pana yojetabbam. Agantuka-
karadisupi eseva nayo. Tattha annatakanti annesam santakam.
Padanam dhotam udakanissekanti padanam dhotanam udakanissekam.
Bahuvacanassa ekavacanam veditabbam. Padanam dhotaudakanissekanti va
patho. Padanam dhovanaudakanissekanti attho.
     {180} Nanasamvasakadivatthusu samanasamvasakaditthinti samanasamvasaka
eteti ditthim. Na pucchantiti tesam laddhim na pucchanti apucchitvava
vattapativattam katva ekato uposatham karonti. Nabhivitarantiti
nanasamvasakabhavam madditum abhibhavitum na sakkonti tam ditthim na
nissajjapentiti attho. {181} Sabhikkhuka avasati yasmim avase
uposathakaraka bhikkhu atthi tamha avasa yam na sakkoti
tadaheva gantum so avaso uposatham akatva na gantabbo.
Annatra sanghenati sanghapahonakehi bhikkhuhi vina. Annatra
Antarayati pubbe vuttam dasavidhamantarayam vina. Sabbantimena
pana paricchedena attacatutthena va attapancamena va antarayepi
va sati gantum vattati. Anavasoti navakammasaladiko yokoci
padeso. Yatha ca avasadayo na gantabba evam sace
vihare uposatham karonti uposathadhitthanattham simapi nadipi na
gantabba. Sace panettha koci bhikkhu hoti tassa santikam
gantum vattati. Vissatthauposathapi avasa gantum vattati evam
gato adhitthatumpi labhati. Arannakenapi bhikkhuna uposathadivase
game pindaya caritva attano viharameva agantabbam. Sace
annam viharam okkamati tattha uposatham katvava agantabbam
akatva na vattati. {182} Yam janna sakkomi ajjeva gantunti yam
janeyya ajjeva tattha gantum sakkomiti evarupo avaso
gantabbo. Tattha bhikkhuhi saddhim uposatham karontenapi hi imina
neva uposathantarayo kato bhavissatiti.
     {183} Bhikkhuniya nisinnaparisayatiadisu hatthapasupagamanameva
pamanam. Annatra avutthitaya parisayati idam hi parivasiya-
parisuddhidanam nama parisaya vutthitakalato patthaya na vattati avutthiya
pana vattati tenaha annatra avutthitaya parisayati. Tassa
lakkhanam bhikkhunivibhange parivasiyachandadanavannanato gahetabbam.
Anuposatheti catuddasiko ca pannarasiko cati ime dve uposathe
thapetva annasmim divase. Annatra sanghasamaggiyati ya
Kosambikabhikkhunam viya bhinne sanghe puna sanghasamaggi kayirati tatharupim
sanghasamaggim thapetva. Tada ca sunatu me bhante sangho
ajjuposatho samaggiti vatva katabbo. Ye pana kismincideva
appamattake sati uposatham thapetva puna samagga honti tehi
uposathoyeva katabboti.
                Uposathakkhandhakavannana nitthita.
                     -------------



             The Pali Atthakatha in Roman Book 3 page 155-158. http://84000.org/tipitaka/atthapali/read_rm.php?B=3&A=3221&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=3221&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=191              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=5034              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=5156              The Pali Tipitaka in Roman Character :- http://84000.org/tipitaka/read/roman_read.php?B=4&A=5156              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]