|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Sanghabhedakkhandhakavannana
--------
{330} sanghabhedakkhandhake. Abhinnata abhinnatati pakata pakata
sakyakumara nama kaludayippabhutayo dasaduta saddhim parivarehi
anne ca bahu jana. Amhakanti amhesu. Amhakam kulatoti
va vuttam hoti. Gharavasattham anusissamiti gharavase yam
kattabbam tam janapessami. Atinetabbanti udakam pavesetabbam.
Ninnetabbanti yatha udakam sabbatthane samam hoti evam katabbam.
Niddapetabbanti tinani uddharitabbani. Bhusika uddharapetabbati
sukhumapalalamissa dhanna palalakapi apanetabba. Ophunapetabbanti
sukhumatinapalalaka pavahanattham vatam gahetabbam. Tenahi tvanneva
gharavasatthena upajanahiti tvanneva gharavasattham pajanahi.
Aham taya yathasukham pabbajahiti ettha aham taya saddhim pabbajissamiti
sahayasinehena sahasa vattukamo hutva puna rajjasirilobhena
parikaddhiyamanahadayo aham tayati ettakameva vatva sesam vattum
nasakkhiti evamattho veditabbo. {331} Nippatitati nikkhamita.
Manassinoti manassiyamana. Mananissitati vuttam hoti.
Paradattavuttoti ettha paradattavuttatta paradattavutto. {332} Yassantarato
na santi kopati tatiyamaggena samuhatatta yassa citte kopa
Na santi. Yasma pana bhavoti sampatti vibhavoti vipatti
tatha bhavoti vuddhi vibhavoti hani bhavoti sassato vibhavoti
ucchedo bhavoti punnam vibhavoti papam vibhavoti ca abhavoti ca
atthato ekamevetam tasma iti bhavabhavatanca vitivattoti ettha ca
ya esa sampattivipattivuddhihanisassatucchedapunnapapavasena iti
anekappakara bhavabhavata vuccati catuhipi maggehi yathasambhavam
tena nayena tam iti bhavabhavatanca vitivattoti evamattho ca
datthabbo. Nanubhavantiti na sampapunanti tassa dassanam
devanampi dullabhanti adhippayo. {333} Ahimekhalikayati ahim katiyam
bandhitva. Ucchangeti angesu. {334} Sammannatiti sammaneti.
Yam tumo karissatiti yam so karissati. {336} Khelasakoti ettha
micchajivena uppannapaccaya ariyehi vattabba khelasadisa tatharupe
paccaye ayam ajjhorahatiti katva khelasakoti bhagavata vutto.
{340} Patthaddhena kayenati potthakasadisena niccalena kayena. {342} Mayam
kho bhane rajanataka namati raja amhe janatiti
rajanatakasabhavena attanam ukkamsanto aha. Pahatthakannavaloti
dve 1- bandhe niccale katva 1-. Dukkham hi kunjara nagamasadoti
bho kunjara buddhanagam asadanam vadhakacittena upagamanannama
dukkham. Nagahatassati buddhanagaghatakassa. Patikutito patisakkiti
tathagatabhimukhoyeva pathamehi padehi avasakki. Alakkhikoti ettha
@Footnote: 1-1. bandhane niccale katva itipi. puranapotthake pana gandheti dissati.
Na lakkhetiti alakkhiko na janatiti attho. Aham papakammam
karomiti na janati. Na sallakkhetabboti alakkhiko na passitabboti
attho. {343} Tikabhojananti ettha tihi janehi bhunjitabbabhojanam. Tam
pannapessamiti tam anujanissami. Ganabhojane pana yathadhammo
karetabbo. Kappanti ayukappam. Brahmapunnanti setthapunnam.
Kappam saggamhiti ayukappameva. {344} Athakho devadatto
sangham bhinditvati so kira evam salakam gahetva tattheva
avenikam uposatham katva gato tenetam vuttam. {345} Pitthi me
agilayatiti ciram nisajjaya vedanatikkhatta badhati. Tamaham
ayamissamiti tam aham pasarissami. Adesanapatihariyanusasani
nama evampi te mano tathapi te manoti evam narassa cittam
janitva tadanurupa dhammadesana. {346} Mamanukubbanti mamanukiriyam
kurumano. Kapanoti dukkhito. Mahavarahassati mahanagassa.
Mahim vikubbatoti pathavim padalentassa. Bhimsam ghasanassati bhimsam
khadantassa. Nadisu jaggatoti ettha so kira hatthinago
sayanhasamayam tam nadinamikam pokkharanim ogahetva kilanto
sabbarattim vitinamesi jagarikam karoti. Tena vuttam nadisu
jaggatoti. {347} Sutati sota. Asandiddho ca akkhatiti nissandeho
hutva akkhata anusandhivasena yojetva. {350} Apaye nibbattissatiti
apayiko. Evam nerayiko. Kappam thassatiti kappattho.
Idani buddhasahassenapi tikicchitum na sakkati atekiccho.
Ma jatu koci lokasminti ma kadacipi koci satto lokasmim.
Upapajjathati uppajjatha. Jalamva yasasa atthati yasasa jalanto
viyatthito. Devadattoti me sutanti idiso devadattoti bhagavata
sutampi atthi tadeva gahetva idam vuttam. So pamadam anucinnoti
ettha pamadam cinatiti anucinno. Pamado appahinoti attho.
Asajja nanti papakena cittena patva vihethetvati va attho.
Avicinirayam pattoti idam pana asimsayam atitavacanam. Bhesmati
bhayanako. {351} Ekato upali ekoti dhammavadipakkhe eko.
Ekato dveti adhammavadipakkhe dve. Catuttho anusaveti salakam
gahetiti sangham bhindissamiti adhammavadicatuttho hutva. Anusavetiti
anunayanto saveti. Na tumhakamyeva narakabhayam atthi amhakampi
atthi na amhakampi avicimaggo pidahito na mayam akusalanam
bhayama yadi hi ayam adhammo ayam avinayo idam asatthusasanam
va bhaveyya na mayam ganheyyamatiadina nayena adhammam
dhammoti evam attharasa bhedakaravatthuni savetiti attho. Salakam
gahetiti evam anusavetva pana idam ganhatha idam rocethati
vadanto salakam gaheti. Ekato upali dve hontitiadisupi
eseva nayo. Evam kho upali sangharaji ceva hoti sanghabhedo
cati evam hoti na pana ettavata sangho bhinno hoti.
Bhikkhu kho upali pakatatto samanasamvasako samanasimayam thito
sangham bhindatiti ettha siya evam devadatto katham pakatattoti katham
Tava na pakatatto ranno ghatapitatta ruhiruppadassa ca
katattati. Ettha vadama anattiya tava viruddhatta ranno
ghatapanam natthi tenahi tvam kumara pitaram hantva raja hohi
aham bhagavantam hantva buddho bhavissamiti evam hi tassa anatti
kumaro pana raja hutva paccha pitaram maresi evam tava
anattiya viruddhatta ranno ghatapanam natthi ruhiruppade
pana katamatteyeva ruhiruppadappaccaya bhagavata abhabbata na
vutta. Na ca sakka bhagavato vacanam vinayeva tassa abhabbata
aropetum. Ruhiruppadako bhikkhave anupasampanno na upasampadetabbo
upasampanno nasetabboti idam pana bhagavata sanghabhedato paccha
vuttam tasma pakatattena devadattena sangho bhinnoti. Adhammam
dhammoti dipentitiadisu attharasasu bhedakaravatthusu. Suttanta-
pariyayena tava dasa kusalakammapatha dhammo akusalakammapatha
adhammo. Tatha cattaro satipatthana cattaro sammappadhana
cattaro iddhipada pancindriyani panca balani satta bojjhanga
ariyo atthangiko maggoti sattattimsabodhipakkhiyadhamma dhammo nama.
Tayo satipatthana tayo sammappadhana tayo iddhipada cha indriyani
cha balani attha bojjhanga navangiko maggoti ayam adhammo nama.
Cattaro upadana panca nivarana sattaanussaya attha
micchattati ca ayam dhammo. Tayo upadana cattaro nivarana
cha anussaya satta micchattati ayam adhammo. Tattha yankinci
Ekam adhammakotthasam gahetva imam adhammam dhammoti karissama evam
amhakam acariyakulam niyyanikam bhavissati mayanca loke pakata
bhavissamati tam adhammam dhammo ayanti kathayanta adhammam dhammoti
dipenti nama. Tatheva dhammakotthasesu ekam gahetva ayam adhammoti
kathenta dhammam adhammoti dipenti nama. Vinayapariyayena pana
bhutena vatthuna codetva saretva yathapatinnaya katabbakammam
dhammo nama. Abhutena vatthuna acodetva asaretva appatinnaya
katabbakammam adhammo nama. Suttantapariyayena ragavinayo
dosavinayo mohavinayo samvaro pahanam patisankhati ayam vinayo nama.
Ragadinam avinayo asamvaro appahanam appatisankhati ayam avinayo
nama. Vinayapariyayena vatthusampatti nattisampatti anusavanasampatti
simasampatti parisasampattiti ayam vinayo nama. Vatthuvipatti .p.
Parisavipattiti ayam avinayo nama. Suttantapariyayena cattaro
satipatthana .pe. Atthangiko maggoti idam bhasitam lapitam
tathagatena. Tayo satipatthana tayo sammappadhana tayo iddhipada
cha indriyani cha balani attha bojjhanga navangiko maggoti
idam abhasitam alapitam tathagatena. Vinayapariyayena cattaro
parajika terasa sanghadisesa dve aniyata timsa nissaggiya
pacittiyati idam bhasitam lapitam tathagatena. Tayo parajika
cuddasa sanghadisesa tayo aniyata ekattimsa nissaggiya pacittiyati
idam abhasitam alapitam tathagatena. Suttantapariyayena devasikam
Phalasamapattisamapajjanam mahakarunasamapattisamapajjanam buddhacakkhuna
lokam volokanam atthuppattivasena suttantadesana jatakakathati idam
acinnam. Na devasikam phalasamapattisamapajjanam .pe. Na jatakakathati
idam anacinnam. Vinayapariyayena nimantitassa vassavasam
vasitva apaloketva cariyapakkamanam pavaretva cariyapakkamanam
agantukehi saddhim pathamam patisantharakarananti idam acinnam.
Tasseva akaranam anacinnam nama. Suttantapariyayena cattaro
satipatthana .pe. Atthangiko maggoti idam pannattam nama.
Tayo satipatthana .pe. Navangiko maggoti idam apannattam
nama. Vinayapariyayena cattaro parajika .pe. Timsa nissaggiya
pacittiyati idam pannattam nama. Tayo parajika .pe. Ekattimsa
nissaggiya pacittiyati idam apannattam nama. Anapattim
ajanantassa atheyyacittassa na maranadhippayassa anullapanadhippayassa
na mocanadhippayassati tattha tattha vutta anapatti anapatti
nama. Janantassa theyyacittassatiadina nayena vutta apatti
apatti nama. Panca apattikkhandha lahukapatti nama. Dve
apattikkhandha garukapatti nama. Cha apattikkhandha savasesapatti
nama. Eko parajikapattikkhandho anavasesapatti nama.
Dve apattikkhandha dutthullapatti nama. Panca apattikkhandha
adutthullapatti nama. Purimanayeneva panettha vuttappakaram dhammam
adhammo ayanti kathayanta dhammam adhammoti dipenti nama.
Avinayam vinayo ayanti .pe. Adutthullam apattim dutthullapatti
ayanti kathayanta adutthullapattim dutthullapattiti dipenti nama.
Evam adhammam dhammoti va .pe. Adutthullapattim dutthullapattiti
va dipetva pakkham labhitva catunnam sanghakammanam annataram sanghakammam
ekasimayam visum karontehi sangho bhinno nama hoti. Tena
vuttam te bhikkhu imehi attharasahi bhedakaravatthuhi apakassantiti-
adi. Tattha apakassantiti parisam akaddhanti vijatenti ekamantam
ussadenti. Avapakasantiti ativiya pakasanti yatha visamsattha
honti evam karonti. Avenikanti visum. Ettavata kho
upali sangho bhinno hotiti evam attharasasu bhedakaravatthusu
yankinci ekampi vatthum dipetva tena tena karanena imam ganhatha
imam rocethati sannapetva salakam gahetva visum sanghakamme
kate sangho bhinno hoti. Parivare pana pancahupali akarehi
sangho bhijjatitiadi vuttam. Tassa imina idha vuttena
sanghabhedalakkhanena atthato nanakaranam natthi. Tam panassa nanakaranabhavam
tatthevam pakasayissama. Sesam sabbattha uttanamevati.
Sanghabhedakkhandhakavannana nitthita.
--------
The Pali Atthakatha in Roman Book 3 page 427-434.
http://84000.org/tipitaka/atthapali/read_rm.php?B=3&A=8764&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=3&A=8764&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=4&i=132
เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=3603
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=3701
The Pali Tipitaka in Roman Character :-
http://84000.org/tipitaka/read/roman_read.php?B=4&A=3701
Contents of The Tipitaka Volume 4
http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]