ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

                 Patimokkhatthapanakkhandhakavannana
                        -------
     {383} patimokkhatthapanakkhandhake. Nandimukhiya rattiyati arunutthitakale
pitimukha viya ratti khayati. Tenaha nandimukhiya rattiyati.
Antoputinti antocittasantane kilesaputisabhavena antoputi.
Avassutanti kilesavassanavasena avassutam. Kasambujatanti akinnadosataya
sankilitthajatam. Yava bahagahanapi namati aparisuddha
ananda parisati vacanam sutvayeva hi tena pakkamitabbam siya
evam apakkamitva yava bahagahanapi nama so moghapuriso
agamissati acchariyamidanti dasseti. {384} Na ayatakeneva papato
hotiti na pathamameva gambhiro anupubbena gambhiroti attho.
Thitadhammo velam nativattatiti vicinam osakkanavaddhanamariyadavelam
natikkamati. Tiram vahetiti tiram appeti ussadetiti attho.
Annapativedhoti arahattapativedho. {385} Channamativassatiti apattim
apajjitva paticchadento annam navam apattim apajjatiti
idametam sandhaya vuttam. Vivatam nativassatiti apattim apajjitva
vivaranto annam apattim apajjatiti idametam sandhaya vuttam.
     {386} Thapitam hoti patimokkhanti ettha pure va paccha va thapitampi
athapitampi hoti khette thapitameva pana thapitam hoti tasma
Sunatu me bhante sangho ajja uposatho pannaraso yadi
sanghassa pattakallam sangho uposatham kareyyati ettha yava rekaram
bhanati tava thapetabbam idam hi khettam. Yakare pana vutte
thapentena paccha thapitam nama hoti. Sunatu meti anaraddheva
thapentena pure thapitam hoti. {387} Amulikaya ditthivipattiya patimokkham
thapeti akatayati tena puggalena sa vipatti kata va hotu
akata va patimokkhatthapanakassa sanna amulakavasena amulaka
hoti. Katakatayati katanca akatanca ubhayam gahetva vuttam.
     Dhammikam samaggim na upetiti kammam kopetukamataya sanghakamme
kayiramane neva agacchati na chandam deti sammukhibhuto ca patikkosati
tena dukkatam apajjati. Iccassa sapattikasseva patimokkham
thapitam hoti. Paccadiyatiti puna katabbam kammanti paccadiyati.
Tena ukkotanakena pacittiyam apajjati. Iccassapi sapattikasseva
patimokkham thapitam hoti. {388} Yehi akarehi yehi lingehi yehi
nimittehiti ettha maggena maggapatipadanadisu akaradisanna
veditabba. Tena ditthena tena sutena taya parisankayati ettha
ditthanca sutanca paliyam agatameva. Sace pana tehi ditthasutehi
parisankam uppadeyya tam sandhaya vutta taya parisankayati.
     {398} Attadanam adatukamenati ettha sasanam sodhetukamo bhikkhu yam
adhikaranam attana adiyati tam attadananti vuccati. Akalo
imam attadanam adatunti ettha rajabhayam corabhayam dubbhikkhabhayam
Vassarattoti ayam akalo viparito kalo. Abhutam idam attadananti
asantamidam maya adhammo va dhammoti dhammo va adhammoti
avinayo va vinayoti vinayo va avinayoti dussilo va puggalo
silavati silava puggalo dussiloti gahitoti attho. Vipariyayena
bhutam veditabbam. Anatthasanhitam idam attadananti ettha yam
jivitantarayaya va brahmacariyantarayaya va samvattati idam
anatthasanhitam attadanam viparitam atthasanhitam nama. Na
labhissami sanditthe sambhatte bhikkhuti appekada hi rajabhayadisu
evarupa attano pakkhassa upatthambhaka bhikkhu laddhum na sakka
honti tam sandhaya vuttam na labhissamiti. Appekada pana
khemasubhikkhadisu laddhum sakka honti tam sandhaya labhissamiti
vuttam. Bhavissati sanghassa tatonidanam bhandananti kosambikanam
viya bhandanam kalaho viggaho vivado sanghabhedo ca bhavissati.
Pacchapi avippatisarakaram bhavissatiti subhaddavuddhapabbajitam niggahetva
pancasatikasangitim karontassa mahakassapattherasseva dasavatthuke adhikarane
dasa bhikkhusahassani niggahetva sattasatikasangitim karontassa ayasmato
yasasseva satthibhikkhusahassani niggahetva sahassakasangitim karontassa
moggaliputtatissattherasseva ca paccha samanussaranam avippatisarakaram
hoti sasanassa ca vigatupakkilesacandimasuriyasassirikataya samvattati.
     {399} Acchiddena appatimamsenatiadisu yena gahatthapabbajitesu yokoci
pahato va hoti gihinam gandaphalanadini vejjakammani va katani
Tassa kayasamacaro upacikahi khaditatalapannamiva chiddo ca
patimasitum yatthakatthaci gahetva akaddhitum sakkuneyyataya sappatimamso ca
hoti viparito acchiddo appatimamsoti veditabbo. Vacisamacaro
pana musavadaomasavadapesunnaamulakanuddhamsanadihi chiddo ca
sappatimamso ca hoti viparito acchiddo ca appatimamso ca.
     Mettam nukhomecittantipalibodhe chinditva kammatthanabhavananuyogena
adhigatam mettam cittam. Anaghatanti aghatavirahitam vikkhambhanavasena
vigataghatanti attho. Idam pana avuso kattha vuttam bhagavatati
idam sikkhapadam katarasmim nagare vuttanti attho. {400} Kalena vakkhamitiadisu
eko bhikkhu ekam okasam karetva codento kalena
vadati nama sanghamajjhaganamajjhasalakaggayaguaggavitakkamala-
bhikkhacaramaggaasanasaladisu upatthakehi parivaritakkhane va
codento akalena vadati nama. Tacchena vadanto bhutena vadati
nama. Ambho mahallaka parisavacara pamsukulika dhammakathika patirupam
tava idanti vadanto pharusena vadati nama. Karananissitam pana
katva bhante mahallakattha parisavacara pamsukulika dhammakathikattha patirupam
tumhakam idanti vadanto sanhena vadati nama. Karananissitam
katva vadanto atthasanhitena vadati nama. Mettacitto vakkhami
no dosantaroti mettacittam upatthapetva vakkhami na dutthacitto
hutva. {401} Ajjhattam manasikaritvati atatano cittam uppadetva.
Karunnatati karunabhavo. Imina karunanca karunapubbabhaganca
Dasseti. Hitesitati hitagavesanata. Anukampitati tena hitena
samyojana. Dvihipi mettanca mettapubbabhaganca dasseti.
Apattivutthanatati apattito vutthapetva suddhante patitthapanam.
Vatthum codetva saretva patinnam aropetva yathapatinnaya
kammakaranam vinayapurekkharata nama. Ime panca dhammeti ye
ete karunnatatiadina nayena vutta ime panca dhamme
ajjhattam manasikaritva paro codetabboti. Sacce ca akuppe
cati vacisacce ca akuppanataya ca cuditakena hi saccanca vattabbam
kopo ca na katabbo neva attana kujjhitabbam na paro ghatetabboti
attho. Sesam sabbattha uttanamevati.
             Patimokkhatthapanakkhandhakavannana nitthita.
                       ---------



             The Pali Atthakatha in Roman Book 3 page 443-447. http://84000.org/tipitaka/atthapali/read_rm.php?B=3&A=9085&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=9085&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=-233              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=6664              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=6793              The Pali Tipitaka in Roman Character :- http://84000.org/tipitaka/read/roman_read.php?B=4&A=6793              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]