AtthaPali Vol.3

{75} Kintayam bhikkhu hotiti kinte ayam bhikkhu hoti. Annehi ovadiyo anusasiyoti annehi ovaditabbo ceva anusasitabbo ca. Bahullaya avatto yadidam ganabandhikanti ganabandho etassa bahullassa atthiti ganabandhikam bahullam. Yam idam ganabandhikam nama bahullam tadatthaya atilahum tvam apannoti vuttam hoti. {76} Abyattati pannaveyyattiyena virahita. Annataropi annatitthiyapubboti pasuro paribbajako. So kira dhammam thenissamiti udayittherassa santike pabbajitva tena sahadhammika vuccamano tassa vadam aropesi. Anujanami bhikkhave byattena bhikkhunatiadimhi byatto Pubbe bhikkhunovadakavannanayam vuttalakkhanoyeva. Yo pana antevasino va saddhiviharikassa va gilanassa sakkoti upatthanadini katum ayam idha patibaloti adhippeto. Vuttampi cetam pancahi upali angehi samannagatena bhikkhuna upasampadetabbam nissayo databbo samanero upatthapetabbo katamehi pancahi patibalo hoti antevasim va saddhiviharim va gilanam upatthatum va upatthapetum va anabhiratim vupakasetum va vupakasapetum va uppannam kukkuccam dhammato vinodetum va vinodapetum va abhidhamme vinetum abhivinaye vinetunti. {77} Pakkhasankantesuti titthiyapakkhasankantesu. Anujanami bhikkhave acariyanti acarasamacarasikkhapanakam acariyam anujanami. Acariyo bhikkhave antevasikamhitiadi sabbam upajjhayo bhikkhave saddhi- viharikamhitiadina nayena vuttavaseneva veditabbam. Namamattameva hi ettha nanam. {80} Antevasika acariyesu na sammavattantiti ettha pana yam pubbe na sammavattanaya ca yava civararajanam tava vatte akariyamane upajjhayassa parihani hoti tasma tam akarontassa nissayamuttakassapi amuttakassapi apattiyevati ca ekaccassa pattadanato patthaya amuttanissayasseva apattiti ca lakkhanam vuttam teneva lakkhanena nissayantevasikassa apatti veditabba. Nissayantevasikena hi yava acariyam nissaya vasati tava sabbam acariyavattam katabbam pabbajjaupasampadadhammantevasikehi Pana nissayamuttakehipi adito patthaya yava civararajanam tava vattam katabbam anapucchitva pattadanadimhi pana etesam anapatti etesu ca pabbajjantevasiko ca upasampadantevasiko ca acariyassa yavajivam bharo nissayantevasiko ca dhammantevasiko ca yava samipe vasanti tavadeva tasma acariyenapi tesu samma- vattitabbam. Acariyantevasikesu hi yo yo na sammavattati tassa tassa apatti. {83} Upajjhayamha nissayapatippassaddhisu upajjhayo pakkanto vatiadisu ayam vinicchayo. Pakkantoti tamha avasa vippavasitu- kamo pakkanto disangato. Evam gate ca pana tasmim sace vihare nissayadayako atthi yassa santike annadapi nissayo va gahitapubbo hoti yo va ekasambhogaparibhogo tassa santike nissayo gahetabbo. Ekadivasampi pariharo natthi. Sace tadiso natthi anno lajji pesalo atthi tassa lajjipesalabhavam janantena tadaheva nissayo yacitabbo. Sace deti iccetam kusalam atha pana tumhakam upajjhayo lahum agamissatiti pucchati upajjhayena ca tatha vuttam ama bhanteti vattabbam sace pana vadati tenahi upajjhayassa agamanam agamethati vattati atha panassa pakatiya pesalabhavam na janati cattari panca divasani tassa bhikkhuno sabhagatam oloketva okasam karetva nissayo gahetabbo. Sace pana vihare nissayadayako natthi Upajjhayo ca aham katipaheneva agamissami ma ukkanthitthati vatva gato yava agamana pariharo labbhati. Athapi nam tattha manussa paricchinnakalato uttarimpi panca va dasa va divasani vasentiyeva. Tena viharam pavatti pesetabba dahara ma ukkanthantu ayam asukadivasam nama agamissamiti. Evampi pariharo labbhati. Atha agacchanto antaramagge nadipurena va coradihi va upaddavo hoti thero udakosakkanam va agameti sahaye va pariyesati tance pavattim dahara sunanti yava agamana pariharo labbhati. Sace pana so idhevaham vasissamiti pahinati pariharo natthi. Yattha nissayo labbhati tattha gantabbam. Vibbhante pana kalakate va pakkhasankante va ekadivasampi pariharo natthi yattha nissayo labbhati tattha gantabbam. Vibbhantoti sasanato cuto. Anattiti nissayapanamana vuccati. Tasma panamemi tanti va ma idha patikkamiti va nihara te pattacivaranti va naham taya upatthatabboti va imina palinayena ma mam gamappavesanam apucchitiadina palimuttakanayena va yo nissayapanamanaya panamito hoti tena upajjhayo khamapetabbo. Sace aditova na khamati dandakammam aharitva tikkhattum tava sayameva khamapetabbo. No ce khamati tasmim vihare mahathere gahetva khamapetabbo. No ce khamati samanta- vihare bhikkhu gahetva khamapetabbo. Sace evampi na khamati Annattha gantva upajjhayassa sabhaganam santike vasitabbam appeva nama sabhaganam me santike vasatiti natvapi khameyyati. Sace evampi na khamati tatreva vasitabbam. Tatra ce dubbhikkhadidosena na sakka hoti vasitum tamyeva viharam agantva annassa santike nissayam gahetva vasitum vattati. Ayamanattiyam vinicchayo. Acariyamha nissayapatippassaddhisu acariyo pakkanto va hotiti ettha koci acariyo apucchitva pakkamati koci anapucchitva. Antevasikopi evameva. Tatra sace antevasiko acariyam apucchati asukam nama bhante thanam gantum icchami kenacideva karaniyenati acariyena ca kada gamissatiti vutto sayanhe va rattim va utthahitva gamissamiti vadati acariyopi sadhuti sampaticchati tamkhananneva nissayo patippassambhati. Sace pana bhante asukam nama thanam gantukamomhiti vutte acariyo asukasmim nama game pindaya caritva paccha janissasiti vadati so ca sadhuti sampaticchati tato ce gato sugato sace pana na gacchati nissayo na patippassambhati. Athapi gacchamiti vutte acariyena ma tava gaccha rattim mantetva janissamati vutto mantetva gacchati sugato no ce gacchati nissayo na patippassambhati. Acariyam anapuccha pakkamantassa pana upacarasimatikkame nissayo patippassambhati antoupacarasimato patinivattantassa na patippassambhati. Sace pana Acariyo antevasikam apucchati avuso asukam nama thanam gamissamiti antevasikena ca kada gamissathati vutte sayanhe va rattibhage vati vadati antevasikopi sadhuti sampaticchati tamkhananneva nissayo patippassambhati. Sace panacariyo sve pindaya caritva gamissamiti vadati itaro ca sadhuti sampaticchati ekadivasam tava nissayo na patippassambhati punadivase patippassaddho hoti. Asukasmim nama game pindaya caritva janissami mama gamanam va agamanam vati vatva sace na gacchati nissayo na patippassambhati. Athapi gacchamiti vutte ante- vasikena ma tava gacchatha rattim mantetva janissathati vutto mantetvapi na gacchati nissayo na patippassambhati sace ubhopi acariyantevasika kenaci karaniyena bahisimam gacchanti tato ce acariyo gamiyacitte uppanne anapucchava gantva dvinnam leddupatanam antoyeva nivattati nissayo na patippassambhati sace dve leddupate atikkamitva nivattati nissayo patippassaddho hoti. Acariyupajjhaya dve leddupate atikkamma annasmim vihare vasanti nissayo patippassambhati. Acariye vibbhante kalakate pakkhasankante tamkhananneva nissayo patippassambhati. Anattiyampana sacepi acariyo muncitukamova hutva nissayapanamanaya panameti antevasiko ca kincapi mam acariyo panameti athakho hadayena mudukoti salayova hoti nissayo na Patippassambhati. Sacepi acariyo salayo antevasiko niralayo nadani imam nissaya vasissamiti dhuram nikkhipati evampi na patippassambhati. Ubhinnam salayabhavena ca na patippassambhatiyeva. Ubhinnam dhuranikkhepe patippassambhati. Panamitena dandakammam aharitva tikkhattum khamapetabbo. No ce khamati upajjhaye vuttanayena patipajjitabbam. Upajjhayena va samodhanagatoti ettha dassanasavanavasena samodhanam veditabbam. Sace hi acariyam nissaya vasanto saddhivihariko ekavihare cetiyam va vandantam ekagame pindaya va carantam upajjhayam passati nissayo patippassambhati. Upajjhayo passati saddhivihariko pana na passati na patippassambhati. Maggapatipannam va akasena va gacchantam upajjhayam disva durato bhikkhuti janati upajjhayoti na janati na patippassambhati. Sace janati patippassambhati. Uparipasade upajjhayo vasati hettha saddhivihariko tam adisvava yagum pivitva pakkamati asanasalayam va nisinnam adisva ekamante bhunjitva pakkamati dhammassavanamandape va nisinnampi tam adisvava dhammam sutva pakkamati nissayo na patippassambhati. Evam tava dassanavasena samodhanam veditabbam. Savanavasena pana sace upajjhayassa vihare antaraghare va dhammam va kathentassa anumodanam va karontassa saddam sutva upajjhayassa me saddoti sanjanati nissayo patippassambhati asanjanantassa na patippassambhati. Ayam samodhane vinicchayo. {84} Idani yam pubbe anujanami bhikkhave byattena bhikkhuna patibalena dasavassena va atirekadasavassena va upasampadetum nissayam datunti sankhepato upajjhayacariyanam lakkhanam vuttam tam vittharato dassetum pancahi bhikkhave angehi samannagatenatiadimaha. Tattha pancahi angehiti pancahi agunangehi. So hi silakkhandhadihi asamannagatattava agunangehi samannagato hoti. Na upasampade- tabbanti upajjhayena hutva na upasampadetabbam. Na nissayo databboti acariyena hutva nissayo na databbo. Ettha pana asekhenatiadi arahato silasamadhipannaphalapaccavekkhanananani sandhaya vuttam. Ete ca adito tayo pancaka ayuttavasena vutta na apattiangavasena. Ettha pana asekhena silakkhandhenati ca attana na asekhenati ca assaddhoti ca adisu tisu pancakesu ayuttavasena patikkhepo kato na apattiangavasena. Yo hi asekhehi silakkhandhadihi asamannagato pare ca tattha samadapetum asakkonto assaddhiyadidosehi yuttova hutva parisam pariharati tassa parisa siladihi parihayatiyeva na vaddhati tasma tena na upasampadetabbantiadi ayuttavasena vuttam na apattiangavasena. Na hi khinasavasseva upajjhayacariyabhavo bhagavata anunnato yadi tasseva anunnato abhavissa sace upajjhayassa anabhirati uppanna hotitiadim na vadeyya. Yasma pana khinasavassa parisa siladihi na parihayati tasma pancahi bhikkhave angehi samannagatena Bhikkhuna upasampadetabbantiadi vuttam. Adhisile silavipannotiadisu parajikanca sanghadisesanca apanno adhisile silavipanno nama. Itare pancapattikkhandhe apanno ajjhacare acaravipanno nama. Sammaditthim pahaya antaggahikaya ditthiya samannagato atiditthiya ditthivipanno nama. Yattakam sutam parisam pariharantassa icchitabbam tena virahitatta appassuto nama. Yam tena janitabbam apattadi tassa ajananato duppanno nama. Imasmim pana pancake purimani tini padani ayuttavaseneva vuttani pacchimani dve apattiangavasena. Apattim na janatiti idam nama maya katanti vutte imam nama apattim ayam apannoti na janati. Vutthanam na janatiti vutthanagaminito va desana- gaminito va apattito evam vutthanam hotiti na janati. Imasmim pancake purimani dve padani ayuttavasena vuttani pacchimani tini apattiangavasena. Abhisamacarikaya sikkhayati khandhakavagge vinetum na patibalo hotiti attho. Adibrahmacariyakayati sekhapannattiyam vinetum na patibaloti attho. Abhidhammeti namarupaparicchede vinetum na patibaloti attho. Abhivinayeti sakale vinayapitake vinetum na patibaloti attho. Vinetum na patibaloti ca sabbattha sikkhapetum na sakkotiti attho. Dhammato vivecetunti dhammena karanena vissajjapetum. Imasmim pancake sabbapadesu apatti. Apattim na janatitiadipancakasmimpi sabbapadesu Apatti. Tattha ubhayani kho panassa patimokkhani vittharena svagatani hontiti ubhatovibhangavasena vuttani. Suvibhattaniti matikavibhangavasena. Suppavattiniti vacuggatavasena. Suvinicchitani suttaso anubyanjanasoti matikato ca vibhangato ca sutthuvinicchitani. Unadasavassapariyosanapancakepi eseva nayo. Iti adito tayo pancaka catutthe tini padani pancame dve padaniti sabbepi cattaro pancaka ayuttavasena vutta. Catutthapancake dve padani pancame tini chatthasattamatthama tayo pancakati sabbepi cattaro pancaka apattiangavasena vutta. Sukkapakkhe atthasu anapattiyevati. Solasapancakavinicchayo nitthito. {85} Chakkesu unadasavassapadam viseso. Tam sabbattha apattikaram. Sesam vuttanayeneva veditabbam.

The Pali Atthakatha in Roman Book 3 page 44-53. http://84000.org/tipitaka/atthapali/read_rm.php?B=3&A=917&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=917&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=-88 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=1975 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=2177 The Pali Tipitaka in Roman Character :- http://84000.org/tipitaka/read/roman_read.php?B=4&A=2177 Contents of The Tipitaka Volume 4 http://84000.org/tipitaka/read/?index_4