AtthaPali Vol.30

16. Sirimavimanavannana yutta ca te paramaalankata hayati sirimavimanam. Tassa ka uppatti? bhagava rajagahe viharati veluvane kalandakanivape. Tena ca samayena hettha anantara- vatthumhi vutta sirima ganika sotapattiphalassa adhigatatta vissajjitakilittha- kammanta hutva samghassa attha salakabhattani patthapesi. Adito patthaya nibaddham attha bhikkhu geham agacchanti. Sa "sappim ganhatha khiram ganhatha"tiadini vatva tesam patte pureti, ekena laddham tinnampi catunnampi pahoti, devasikam solasa- kahapanaparibbayena pindapato diyati. Athekadivasam eko bhikkhu tassa gehe atthakabhattam ^1- bhunjitva tiyojanamatthake ekam viharam agamasi. Atha nam sayam ^2- therupatthane nisinnam pucchimsu "avuso kaham bhikkham gahetva idhagatosi"ti. Sirimaya atthakabhattam me bhuttanti. Tam manapam katva deti avusoti. Na sakka tassa bhattam vannetum, atipanitam ^3- katva deti, ekena laddham tinnampi catunnampi pahoti, tassa pana deyyadhammatopi dassanameva uttaritaram. Sa hi itthi evarupa ca evarupa. Cati tassa gune kathesi. @Footnote: ¹ Ma. atthasalakabhattam ² Si. sayanhe ³ ativiya panitam; dhamMa.A. 5/119/95 (sya) Atheko bhikkhu tassa gunakatham sutva adisvapi savaneneva sineham uppadetva "maya tattha gantva tam datthum vattati"ti attano vassaggam kathetva tam bhikkhum thitikam pucchitva "sve avuso tasmim gehe tvam samghatthero hutva atthakabhattam labhissasi"ti sutva tamkhananneva pattacivaramadaya pakkanto patova arune uggacchante salakaggam pavisitva thito samghatthero hutva tassa gehe atthakabhattam labhi. Yo pana so bhikkhu hiyyo bhunjitva pakkami. Tassa gatavelayamevassa sarire rogo uppajji. Tasma abharanani omuncitva nipajji. Athassa dasiyo atthakabhattam labhitum agate bhikkhu disva arocesum. Sa gantva sahattha patte gahetum va nisidapetum ^1- va asakkonti dasiyo anapesi "amma patte gahetva ayye nisidapetva yagum payetva khajjakam datva bhattavelaya patte puretva detha"ti. Ta "sadhu ayye"ti bhikkhu pavesetva yagum payetva khajjakam datva bhattavelaya bhattassa patte puretva tassa arocayimsu, sa "mam pariggahetva netha, ayye vandissami"ti vatva tahi pariggahetva bhikkhunam santikam nita vedhamanena sarirena bhikkhu vandi. So bhikkhu tam oloketva cintesi "gilanaya tava ayam etissa rupasobha, arogakale pana sabbabharanapatimanditaya imissa kidisi rupasampatti"ti. Athassa anekavassakotisannicito kileso samudacari, so annani ^2- hutva bhattam bhunjitum asakkonto pattam adaya viharam gantva pattam pidhaya ekamante thapetva civarakannam pattharitva nipajji. Atha nam eko sahayako bhikkhu yacantopi bhojetum nasakkhi, so chinnabhatto ahosi. Tam divasameva sayanhasamaye sirima kalamakasi. Raja satthu sasanam pesesi "bhante jivakassa kanitthabhagini sirima kalamakasi"ti. Sattha tam sutva ranno sasanam pahini "sirimaya sarirajhapanakiccam natthi, amakasusane tam ^3- yatha kakadayo @Footnote: ¹ Ma. dapetum ² dhamMa.A. anannamano ³ ka. amakasusanam netva tam Na khadanti, tatha nipajjapetva rakkhapetha"ti. Raja tatha akasi. Patipatiya tayo divasa atikkanta, catutthe divase sariram uddhumayi, navahi vanamukhehi pulavaka paggharimsu, sakalasariram bhinnasalibhattacati viya ahosi. Raja nagare bherim carapesi ^1- "thapetva geharakkhanakadarake sirimaya dassanattham anagacchantanam attha kahapana dando"ti. Satthu santikam ca pesesi "buddhappamukho kira samgho sirimaya dassanattham agacchatu"ti. Sattha bhikkhunam arocapesi "sirimaya dassanattham gamissama"ti. Sopi daharabhikkhu cattaro divase kassaci vacanam aggahetva chinnabhattova nipajji. Patte bhattam putikam jatam, patte malampi utthahi. Atha so sahayakabhikkhuna upasankamitva "avuso sattha sirimaya dassanattham gacchati"ti vuccamano tatha chatajjhat topi ^2- "sirima"ti vuttapadeyeva ^3- sahasa utthahitva ^4- "kim bhanasi"ti aha, ^4- "sattha sirimam datthum gacchati, tvampi gamissasi"ti vutte, ^5- "ama gamissami"ti bhattam chaddetva pattam dhovitva thavikaya pakkhipitva bhikkhusamghena saddhim agamasi. Sattha bhikkhusamghaparivuto ekapasse atthasi, bhikkhunisamghopi rajaparisapi ^6- upasakaparisapi upasikaparisapi ekekapasse atthamsu. Sattha rajanam pucchi "ka esa maharaja"ti. Bhante jivakassa kanitthabhagini sirima namati. Sirima esati. Ama bhanteti. Tena hi nagare bherim carapehi "sahassam datva sirimam ganhantu"ti. Raja tatha karesi, ^7- tesu ekopi "ahan"ti va "ahan"ti va ^7- vadanto nama nahosi. Raja satthu arocesi "na ganhanti bhante"ti, tena hi maharaja aggham ohapehiti. ^8- Raja "pancasatani datva @Footnote: ¹ carapesi (dhammapadatthakathayam) ² Ma. chatattopi ³ Ma. vutteyeva @^4-4 cha.Ma. ime patha na dissanti ⁵ cha.Ma. ayam patho na dissati ⁶ ga. rajapurisapi @^7-7 cha.Ma. ekopi hanti va hunti va. evamuparipi ⁸ Si. addham osadehiti Ganhantu"ti bherim carapetva kanci ganhanakam adisva "addhateyyasatani, dvesatani, satam, pannasam, pancavisati, visati kahapane, dasa kahapene, panca kahapane, ekam kahapanam, addham, padam, masakam, kakanikam datva sirimam ganhantu"ti bherim carapetva "mudhapi ganhantu"ti bherim carapesi, tathapi "ahan"ti va "ahan"ti va vadanto ^1- nama nahosi. Raja "mudhapi bhante ganhanto natthi"ti aha. Sattha "passatha bhikkhave mahajanassa piyamatugamam, imasmimyeva nagare sahassam datva pubbe ekadivasam labhimsu, idani mudhapi ganhanto natthi evarupam nama rupam khayavayappattam aharimehi ^2- alankarehi vicittakatam navannam vanamukhanam vasena arubhutam tihi atthisatehi samussitam niccaturam kevalam balamahajanena bahudha sankappitataya bahusankappam addhuvam attabhavan"ti dassento gathamaha:- "passa cittakatam bimbam arukayam samussitam aturam bahusankappam yassa natthi dhuvam thiti"ti. ^3- Desanapariyosane sirimaya patibaddhacitto bhikkhu vigatachandarago hutva vipassanam vaddhetva arahattam papuni, caturasitiya panasahassanam dhammabhisamayo ahosi. Tena ca samayena sirima devakanna attano vibhavasamiddhim oloketva agatatthanam olokenti purimattabhave attano sarirasamipe bhikkhusamghaparivutam bhagavantam thitam mahajanakayanca sannipatitam disva pancahi devakannasatehi parivuta pancahi rathasatehi dissamanakaya agantva rathato otaritva ^4- saparivara bhagavantam vanditva katanjali atthasi. Tena ca samayena ayasma vangiso bhagavato avidure thito @Footnote: ¹ Ma. vutto ² ka. bahirehi @³ khu.dha. 25/147/43, khu.thera. 26/1160/417 ⁴ Si.,i. orohitva Hoti, so bhagavantam etadavoca "patibhati mam bhagava ekam panham pucchitun"ti. "patibhatu tam vangisa"ti bhagava avoca. Ayasma vangiso tam sirimam devadhitaram:- [137] "yutta ca te paramaalankata haya adhomukha aghasigama bali java abhinimmita pancarathasata ca te anventi tam sarathicodita haya. [138] Sa titthasi rathavare alankata obhasayam jalamiva joti pavako pucchami tam varatanu anomadassane kasma nu kaya anadhivaram upagami"ti patipucchi. #[137] Tattha yutta ca te paramaalankata hayati paramam ativiya visesato alankata, paramehi va uttamehi dibbehi assalankarehi alankata, parama va agga settha ajaniya sabbalankarehi alankata haya assa te tava rathe yojita, ^1- yutta va te rathassa ca anucchavika, annamannam va sadisataya yutta samsatthati attho. Ettha ca "paramaalankata"ti purimasmim pakkhe sandhim akatva dutiyasmim pakkhe avibhattikaniddeso ^2- datthabbo. Adhomukhati hetthamukha. Yadipi te tada pakatiyava thita, devalokato orohanavasena "adhomukha"ti vutta. Aghasigamati vehasamgama. Baliti balavanto. Javati javanaka, balavanto ceva vegavanto cati attho. Abhinimmitati tava punnakammena nimmita nibbatta. Sayam nimmitameva va @Footnote: ¹ ka. yojika ² cha.Ma. avibhattikaniddeso Sandhaya "abhinimmita"ti vuttam nimmanaratibhavato sirimaya devadhitaya. Pancarathasatati gathasukhattham thakarassa digham lingavipallasanca katva vuttam, vibhattialopo va datthabbo, panca rathasataniti attho. Anventi tam sarathicodita hayati sarathihi codita viya rathesu yutta ime haya bhadde devate tam anugacchanti. "sarathiacodita"ti keci pathanti, sarathihi acodita eva tam ^1- anugacchantiti attho. "sarathicodita haya"ti ekamyeva va padam gathasukhattham digham katva vuttam, sarathicodita haya panca rathasatati yojana. #[138] Sa titthasiti sa tvam titthasi. Rathavareti rathuttame. Alankatati satthisakatabharehi dibbalankarehi alankatasariRa. Obhasayam jalamiva joti pavakoti obhasenti jotiriva jalanti pavako viya ca titthasi, samantato obhasenti jalanti titthasiti vuttam hoti. "joti"ti ca candimasuriyanakkhattatarakarupanam sadharananamam. Varatanuti uttamarupadhare sabbangasobhane. Tato eva anomadassane alamakadassane, dassaniye pasadiketi attho. Kasma nu kaya anadhivaram upagamiti kuto nama devakayato anuttaram sammasambuddham payirupasanaya upaganchi upagatasi. Evam therena pucchita sa devata attanam avikaronti:- [139] "kamaggapattanam yamahunuttaram ^2- nimmaya nimmaya ramanti devata tasma kaya acchara kamavannini idhagata anadhivaram namassitun"ti gathamaha. @Footnote: ¹ cha.Ma. ayam patho na dissati ² paliyam. yamahu anuttara #[139] Tattha kamaggapattanam yamahunuttaranti kamupabhogehi aggabhavam pattanam paranimmitavasavattinam devanam yam devakayam yasena bhogadivasena ca anuttaranti vadanti, tato kaya. Nimmaya nimmaya ramanti devatati nimmanaratidevata attana yatharucite kame sayam nimminitva nimminitva ramanti kilanti lalanta ^1- abhiramanti. Tasma kayati tasma nimmanaratidevanikaya. Kamavanniniti kamarupadhara yathicchitarupadharini. Idhagatati idha imasmim manussaloke, imam va manussalokam agata. Evam devataya attano nimmanaratidevatabhave kathite puna thero tassa purimabhavam tattha katapunnakammam laddhinca kathapetukamo:- [140] "kim tvam pure sucaritamacaridha ^2- kena'cchasi ^3- tvam amitayasa sukhedhita, iddhi ca te anadhivara vihangama vanno ca te dasa disa virocati. [141] Devehi tvam parivuta sakkata ^4- casi kuto cuta sugatigatasi devate kassa va tvam vacanakaranusasanim acikkha me tvam yadi buddhasavika"ti dve gatha abhasi. #[140] Tattha acariti digham katva vuttam, upaciniti attho. Idhati nipata- mattam, idha va imasmim devattabhave. Kena'cchasiti kena punnakammena assattha acchasi. "kenasi tvan"ti keci pathanti. Amitayasati na mitayasa anappakaparivaRa. Sukhedhitati @Footnote: ¹ Si. ramanta kilanti lalanti ² i. sucaritam acaridha @³ paliyam. kenasi ⁴ paliyam. parivutasakkata Sukhena vaddhita, suparibruhitadibbasukhati attho. Iddhiti dibbanubhavo. Anadhivarati adhika visittha anna etissa natthiti anadhivaRa. Atiuttamati attho. Vihangamati vehasagamini. Dasa disati dasapi disa. Virocatiti obhaseti. #[141] Parivuta sakkata casiti samantato parivarita sambhavita ca asi. Kuto cuta sugatigatasiti pancasu gatisu kataragatito cuta hutva sugatim imam devagatim patisandhivasena upagata asi. Kassa va tvam vacanakaranusasaninti kassa nu va satthu sasane pavacane ovadanusasanisampaticchanena tvam vacanakara asiti yojana. Kassa va tvam satthu vacanakara anusasakassa anusitthiyam patitthanenati evam va ettha attho datthabbo. Evam anuddesikavasena tassa laddhim pucchitva puna uddesika- vasena "acikkha me tvam yadi buddhasavika"ti pucchati. Tattha buddhasavikati sabbampi neyyadhammam sayambhunanena hatthatale amalakam viya paccakkhato buddhatta buddhassa bhagavato dhammassavanante jatati buddhasavika. Evam therena pucchitamattham kathenti devata ima gatha abhasi:- [142] "nagantare nagaravare sumapite paricarika rajavarassa sirimato nacce gite paramasusikkhita ahum sirimati mam rajagahe avedimsu. [143] Buddho ca me isinisabho vinayako adesayi samudayadukkhaniccatam asankhatam dukkhanirodhasassatam maggancimam akutilamanjasam sivam. [144] Sutvanaham amatapadam asankhatam tathagatassa anadhivarassa sasanam silesvaham paramasusamvuta ahum dhamme thita naravarabuddhadesite. ^1- [145] Natvanaham virajam padam asankhatam tathagatena anadhivarena desitam tatthevaham samathasamadhimaphusim sayeva me paramaniyamata ahu. [146] Laddhanaham amatavaram visesanam ekamsika abhisamaye visesiya ^2- asamsaya bahujanapujita aham khiddaratim ^3- paccanubhoma'nappakam. [147] Evam aham amatadasa'mhi ^4- devata tathagatassa anadhivarassa savika dhammaddasa pathamaphale patitthita sotapanna na ca pana matthi duggati. [148] Sa vanditum anadhivaram upagamim pasadike kusalarate ca bhikkhavo namassitum samanasamagamam sivam sagarava sirimato dhammarajino. @Footnote: ¹ Si. naravarabuddhabhasite ² paliyam. visesayi @³ paliyam. khiddam ratim ⁴ Ma. amatarasamhi [149] Disva munim muditamana'mhi pinita tathagatam naravaradammasarathim tanhacchidam kusalaratam vinayakam vandamaham paramahitanukampakan"ti. #[142] Tattha nagantareti isigilivepullavebharapandavagijjhakutasankhatanam pancannam pabbatanam antare vemajjhe, yato tam nagaram "giribbajan"ti vuccati. Nagaravareti uttamanagare, rajagaham sandhayaha. Sumapiteti mahagovindapanditena vatthuvijjavidhina sammadeva nivesite. Paricarikati sangitaparicariyaya upatthayika. Rajavarassati bimbisaramaharajavarassa. ^1- Sirimatoti ettha "siriti buddhipunnanam adhivacanan"ti vadanti. Atha va punnanibbatta sarirasobhaggadisampatti katapunnam ^2- nissayati, katapunnehi va nissiyatiti "siri"ti vuccati, sa etassa atthiti sirima, tassa sirimato. Paramasusikkhitati ativiya sammadeva ca sikkhita. Ahunti ahosim. Avedimsuti annasum. #[143] Isinisabhoti gavasatajetthako usabho, gavasahassajetthako vasabho, vajasatajetthako va usabho, vajasahassajetthako vasabho, sabbagavasettho sabbaparissayasaho seto pasadiko mahabharavaho asanisatasaddehipi asampakampiyo nisabho. Yatha so attano nisabhabalena samannagato catuhi padehi pathavim uppiletva kenaci parissayena akampiyo acalatthanena titthati, evam bhagava ^3- dasahi tathagatabalehi samannagato catuhi vesarajjapadehi atthaparisapathavim uppiletva sadevake loke kenaci paccatthikena paccamittena akampiyo acalatthanena titthati, tasma nisabho viyati nisabho. Siladinam dhammakkhandhanam esanatthena "isi"ti laddhavoharesu sekkhasekkhaisisu nisabho, isinam @Footnote: ¹ cha.Ma....maharajassa ² Si. katapunne ³ ka. evam hi bhagavata Va nisabho, isi ca so nisabho cati va isinisabho. Veneyyasatte vinetiti vinayako, nayakavirahitoti va vinayako, sayambhuti attho. Adesayi samudayadukkhaniccatanti samudayasaccassa ca dukkhasaccassa ca aniccatam vayadhammatam abhasi. Tena "yam kinci samudayadhammam, sabbantam nirodhadhamman"ti ^1- attano abhisamayananassa pavattiakaram dasseti. Samudayadukkhaniccatanti va samudayasaccanca dukkha- saccanca aniccatanca. Tattha samudayasaccadukkhasaccaggahanena vipassanaya bhumim dasseti, aniccatagahanena tassa pavattiakaram dasseti. Sankharanam hi aniccakare vibhavite dukkhakaro anattakaropi vibhavitoyeva hoti tamnibandhanatta tesam. Tenaha "yadaniccam, tam dukkham, yam dukkham, tadanatta"ti. ^2- Asankhatam dukkhanirodhasassatanti kenaci paccayena na sankhatanti asankhatam, sabbakalam tathabhavena sassatam, sakalavattadukkhanirodhabhavato dukkhanirodham ariyasaccanca me ^3- adesayiti yojana. Maggancimam akutilamanjasam sivanti antadvayaparivajjanena kutilabhavakaranam mayadinam kayavankadinanca pahanena akutilam, tato eva anjasam, asivabhavakaranam kamaragadinam samucchindanena sivam nibbanam. Magganti nibbanatthikehi maggiyati, kilese va marento gacchatiti "maggo"ti laddhanamam idam tumhakanca mamanca paccakkhabhutam dukkhanirodhagaminipatipadasankhatam ariyasaccanca ^4- me adesayiti yojana. #[144] Sutvanaham amatapadam asankhatam, tathagatassa anadhivarassa sasananti ettha ayam sankhepattho:- tatha agamanadiatthena tathagatassa sadevake loke aggabhavato anadhivarassa sammasambuddhassa amatapadam asankhatam nibbanam uddissa desitatta, amatassa va nibbanassa patipajjanupayatta kenacipi asankharaniyatta ca amatapadam asankhatam sasanam saddhammam aham sutvanati. Silesvahanti silesu nipphadetabbesu aham. @Footnote: ¹ sam.maha. 19/1081/369, khu.pati. 31/30/360 ² sam.kha. 17/15/19 @³ ka. ariyasaccadhammam me ⁴ Si.,Ma. ariyamagganca Paramasusamvutati ativiya sammadeva samvuta. ^1- Ahunti ahosim. Dhamme thitati patipatti- dhamme patitthita. #[145] Natvanati sacchikiriyabhisamayavasena janitva. Tatthevati tasmimyeva khane, tasmimyeva va attabhave. Samathasamadhimaphusinti paccanikadhammanam samucchedavasena samanato vupasamanato paramatthasamathabhutam lokuttarasamadhim aphusim adhigacchim. Yadipi yasmim khane nirodhassa sacchikiriyabhisamayo, tasmimyeva khane maggassa bhavanabhisamayo, arammanapativedham pana bhavanapativedhasseva purimasiddhikaranam viya katva dassetum:- "natvanaham virajam padam asankhatam tathagatena anadhivarena desitam tatthevaham samathasamadhimaphusin"ti vuttam yatha "cakkhunca paticca rupe ca uppajjati cakkhuvinnanan"ti. ^2- Natvanati va samanakalavasena vuttanti veditabbam yatha "nihantvana tamam ^3- sabbam, adicco nabhamuggato"ti. Sayevati ya lokuttarasamadhiphusana laddha, sayeva. Paramaniyamatati parama uttama magganiyamata. #[146] Visesananti puthujjanehi visesakam visitthabhavasadhakam. Ekamsikati "sammasambuddho bhagava, svakkhato dhammo, supatipanno samgho"ti ekamsagahavati ratanattaye nibbicikiccha. Abhisamaye visesiyati saccapativedhavasena visesam patva. "visesini"tipi pathanti, abhisamayahetu visesavatiti attho. Asamsayati solasavatthukaya atthavatthukaya ca vicikicchaya pahinatta apagatasamsaya. "asamsiya"ti keci pathanti. @Footnote: ¹ ka. susamvuta @² Ma.mu. 12/400/357, Ma.u. 14/420/361, sam.sala. 18/63/39 (sya) @³ Si. nihantva timiram Bahujanapujitati sugatihi parehi patthaniyagunati attho. Khiddaratinti khiddabhutam ratim, atha va khiddanca ratinca khiddaviharanca ratisukhanca. #[147] Amatadasa'mhiti amatadasa nibbanadassavini amhi. Dhammaddasati catusaccadhammam ditthavati. Sotapannati ariyamaggasotam adito patta. Na ca pana matthi duggatiti na ca pana me atthi duggati avinipatadhammatta. #[148] Pasadiketi pasadavahe. Kusalarateti kusale anavajjadhamme nibbane rate. Bhikkhavoti bhikkhu namassitum upagaminti yojana. Samanasamagamam sivanti samananam samitapapanam buddhabuddhasavakanam sivanca dhammam khemam samagamam sangamam payirupasitum upagaminti sambandho. Sirimato dhammarajinoti bhummatthe samivacanam, sirimati dhamma- rajiniti attho. Evameva ca keci pathanti. #[149] Muditamana'mhiti moditamana amhi. Pinitati tuttha, pitirasavasena va titta. Naravaradammasarathinti naravaro ca so aggapuggalatta, dammanam dametabbanam veneyyanam nibbanabhimukham saranato dammasarathi cati naravaradammasarathi, tam. Paramahitanukampakanti paramena uttamena hitena sabbasattanam anukampakam. Evam sirima devadhita attano laddhipavedanamukhena ratanattaye pasadam pavedetva bhagavantam bhikkhusamghanca vanditva padakkhinam katva devalokameva gata. Bhagava tameva otinnavatthum atthuppattim katva dhammam desesi, desanapariyosane ukkanthitabhikkhu arahattam papuni, sampattaparisayapi sa dhammadesana satthika jatati. Sirimavimanavannana nitthita. ----------------

The Pali Atthakatha in Roman Book 30 page 81-93. http://84000.org/tipitaka/atthapali/read_rm.php?B=30&A=1753&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=1753&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=16 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=402 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=437 The Pali Tipitaka in Roman Character :- http://84000.org/tipitaka/read/roman_read.php?B=26&A=437 Contents of The Tipitaka Volume 26 http://84000.org/tipitaka/read/?index_26