บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
19. 2. Lakhumavimanavannana abhikkantena vannenati lakhumavimanam. Tassa ka uppatti? bhagavati baranasiyam viharante kevattadvaram nama baranasinagarassa ekam dvaram, tassa avidure nivittho gamopi "kevattadvaran"tveva pannayittha. Tattha lakhuma nama eka itthi saddha pasanna buddhisampanna tena dvarena pavisante bhikkhu disva vanditva attano geham netva katacchubhikkham datva teneva paricayena saddhaya vaddhamanaya 1- asanasalam karetva tattha pavitthanam bhikkhunam asanam upaneti, paniyam paribhojaniyam upatthapeti. Yampana 2- odanakummasadakadi 3- attano gehe vijjati, tam bhikkhunam deti. Sa bhikkhunam santike dhammam sutva saranesu ca silesu ca patitthaya samahita hutva vipassanakammatthanam uggahetva vipassanam ussukapenti upanissayasampannataya na cirasseva sotapattiphale patitthahi, sa aparabhage kalam katva tavatimsabhavane mahativimane nibbatti, acchara- sahassancassa parivaro ahosi. Sa tattha dibbasampattim anubhavanti pamodamana vicarati. Tam ayasma mahamoggallano devacarikam caranto "abhikkantena vannenatiadigathahi pucchiti sabbam vuttanayameva. Tena vuttam:- [173] "abhikkantena vannena ya tvam titthasi devate obhasenti disa sabba osadhi viya taraka. [174] Kena te'tadiso vanno kena te idha mijjhati uppajjanti ca te bhoga ye keci manaso piya. [175] Pucchami tam devi mahanubhave manussabhuta kimakasi punnam @Footnote: 1 Si. saddhaya ca vaddhamana 2 cha.Ma. yanca 3 Si. odanakummasasakadikam Kenasi evanjalitanubhava vanno ca te sabbadisa pabhasatiti [176] Sa devata attamana moggallanena pucchita panham puttha viyakasi yassa kammassidam phalam. [177] Kevattadvara nikkhamma ahu mayham nivesanam tattha samsaramananam 1- savakanam mahesinam. [178] Odanam kummasam dakam 2- lonasovirakancaham adasim ujubhutesu vippasannena cetasa. [179] Catuddasim pancadasim ya ca pakkhassa atthami patihariyapakkhanca atthangasusamagatam. [180] Uposatham upavasissam 3- sada silesu samvuta sannama samvibhaga ca vimanam avasamaham. [181] Panatipata virata musavada ca sannata theyya ca aticara ca majjapana ca araka. [182] Pancasikkhapade rata ariyasaccana kovida upasika cakkhumato gotamassa yasassino. [183] Tena me'tadiso vanno tena me idha mijjhati uppajjanti ca me bhoga ye keci manaso piya. .pe. @Footnote: 1 cha.Ma. sancaramananam 2 Si. sakam 3 cha.Ma. upavasissam Tenamhi evanjalitanubhava vanno ca me sabbadisa pabhasati"ti. [184] Mama ca bhante vacanena bhagavato pade sirasa vandeyyasi "lakhuma nama bhante upasika bhagavato pade sirasa vandati"ti. Anacchariyam kho panetam bhante yam mam bhagava annatarasmim samannaphale byakareyya. Tam bhagava sakadagamiphale byakasiti. #[177] Tattha kevattadvara nikkhammati kevattadvarato nikkhamanatthane. #[178] Dakanti tanduleyyakadisakabyanjanam. Lonasovirakanti dhannarasadihi bahuhi sambharehi sampadetabbam ekam panakam. "acamakanjikalonudakan"tipi vadanti. Pucchavissajjanavasane sa therassa dhammadesanaya sakadagamiphalam papuni. Sesam uttaravimane vuttanayanusarena eva veditabbam. 1- Lakhumavimanavannana nitthita. -----------------The Pali Atthakatha in Roman Book 30 page 106-108. http://84000.org/tipitaka/atthapali/read_rm.php?B=30&A=2282&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=2282&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=19 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=559 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=565 The Pali Tipitaka in Roman Character :- http://84000.org/tipitaka/read/roman_read.php?B=26&A=565 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]