AtthaPali Vol.30

4. Manjitthakavagga 39. 1. Manjitthakavimanavannana manjitthakavagge manjitthake vimanasminti manjitthakavimanam. Tassa ka uppatti? bhagava savatthiyam viharati jetavane. Tattha annataro upasako bhagavantam nimantetva anantaravimane vuttanayeneva mandapam sajjetva tattha nisinnam sattharam pujetva danam deti. Tena ca samayena annatara kuladasi andhavane supupphitam salarukkham disva tattha pupphani gahetva hirehi avunitva vatsake katva puna bahuni muttapupphani aggapupphani ca gahetva nagaram pavittha ^1- tasmim mandepe yugandharapabbatakucchim obhasayamanam balasuriyam viya chabbannabuddharamsiyo vissajjetva nisinnam bhagavantam disva pasannacitta tehi pupphehi pujenti vatsakani asanassa samantato thapetva itarani ca pupphani okiritva sakkaccam vanditva tikkhattum padakkhinam katva agamasi. Sa aparabhage kalam katva tavatimsabhavane ^2- nibbatti, tattha tassa rattaphalikamayam vimanam, tassa ca purato suvannavalukasanthata- bhumibhagam mahantam salavanam paturahosi. Sa yada vimanato nikkhamitva salavanam pavisati, tada salasakha onamitva tassa upari kusumani okiranti. Tam ayasma mahamoggallano hettha vuttanayena upagantva imahi gathahi katakammam pucchi:- [689] "manjitthake vimanasmim sonnavalukasanthate ^3- pancangikena turiyena ramasi suppavadite. [690] Tamha vimana oruyha nimmita ratanamaya ogahasi salavanam pupphitam sabbakalikam. @Footnote: ¹ ka. pavisitva ² ka. tavatimsesu uppajji ³ ka. sovannavaluka... [691] Yassa yasseva salassa mule titthasi devate so so muncati pupphani onamitva dumuttamo. [692] Vateritam salavanam adhutam dijasevitam vati gandho disa sabba rukkho manjusako yatha. [693] Ghayase tam sucigandham rupam passasi amanusam devate pucchitacikkha kissa kammassidam phalan"ti. #[689] Tattha manjitthake vimanasminti rattaphalikamaye vimane. Sinduvarakanaviramakulasadisavannam hi "manjitthakan"ti vuccati. Sonnavalukasanthateti samantato vippakinnahi suvannavalukahi santhatabhumibhage. Ramasi suppavaditeti sutthu pavaditena pancangikena turiyena abhiramasi. #[690] Nimmita ratanamayati tava sucaritasippina abhinimmita ratanamaya vimana. Ogahasiti pavisasi. Sabbakalikanti sabbakale sukham sabbautusappayam, sabbakale pupphanakam va. #[692] Vateritanti yatha puppani okiranti, evam vatena iritam calitam. Adhutanti mandena malutena sanikasanikam vidhupayamanam. Dijasevitanti mayurakokiladisakunasanghehi upasevitam. Evam therena puttha sa devata imahi gathahi byakasi:- [694] "aham manussesu manussabhuta dasi ayirakule ahum buddham nisinnam disvana salapupphehi okirim. [695] Vatamsakanca sukatam salapupphamayam aham buddhassa upanamesim pasanna sehi panihi. [696] Taham kammam karitvana kusalam buddhavannitam apetasoka sukhita sampamodama'namaya"ti. #[694-5] Tattha ayirakuleti ayyakule, samikageheti attho. Ahunti ahosim. Okirinti pupphehi ^1- vippakirim. Upanamesinti pujavasena upanamesim. ^2- Sesam vuttanayameva. Athayasma mahamoggallano saparivaraya tassa devataya dhammam desetva manussalokam agantva bhagavato tamattham nivedesi. Bhagava tam atthuppattim katva sampattamahajanassa dhammam desesi, desana sadevakassa lokassa satthika ahositi. Manjitthakavimanavannana nitthita. ------------------

The Pali Atthakatha in Roman Book 30 page 199-201. http://84000.org/tipitaka/atthapali/read_rm.php?B=30&A=4199&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=4199&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=39 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1400 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1378 The Pali Tipitaka in Roman Character :- http://84000.org/tipitaka/read/roman_read.php?B=26&A=1378 Contents of The Tipitaka Volume 26 http://84000.org/tipitaka/read/?index_26