AtthaPali Vol.30

Iti paramatthadipaniya khuddakatthakathaya vimanavatthusmim cuddasavatthupatimanditassa pancamassa maharathavaggassa atthavannana nitthita. --------------------- 6. Payasikavagga ^1- 65. 1. Pathamaagariyavimanavannana yatha vanam cittalatam pabhasatiti pathamaagariyavimanam. ^2- Tassa ka uppatti? bhagava rajagahe viharati veluvane. Tena samayena rajagahe ekam kulam ubhatopasannam hoti silacarasampannam opanabhutam bhikkhunam bhikkhuninam. Te dve jayampatika ^3- ratanattayam uddissa yavajivam punnani katva tato cuta tavatimsesu nibbattimsu, tesam dvadasa- yojanikam ^4- kanakavimanam nibbatti. Te tattha dibbasampattim anubhavanti. Athayasma mahamoggallanotiadi hettha vuttanayeneva veditabbam. [1048] "yatha vanam cittalatam pabhasati uyyanasettham tidasanamuttamam tathupamam tuyhamidam vimanam obhasayam titthati antalikkhe. [1049] Deviddhipattosi mahanubhavo manussabhuto kimakasi punnam kenasi evanjalitanubhavo vanno ca te sabbadisa pabhasati"ti. Thero pucchi. [1050] So devaputto attamano moggallanena pucchito panham puttho viyakasi yassa kammassidam phalam. [1051] "ahanca bhariya ca manussaloke opanabhuta gharamavasimha @Footnote: ¹ cha.Ma. payasivagga ² cha.Ma. agariyavimanam @³ Ma. jayampatika ⁴ Si.,i. dasayojanikam Annanca pananca pasannacitta sakkacca danam vipulam adamha. [1052] Tena me'tadiso vanno tena me idha mijjhati uppajjanti ca me bhoga ye keci manaso piya. [1053] Akkhami tam bhikkhu mahanubhava manussabhuto yamakasi punnam tenamhi evanjalitanubhavo vanno ca me sabbadisa pabhasati"ti attano sampattim byakasi. Gathasupi apubbam natthi. Pathamaagariyavimanavannana nitthita. --------------------

The Pali Atthakatha in Roman Book 30 page 331-333. http://84000.org/tipitaka/atthapali/read_rm.php?B=30&A=7001&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=7001&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=65 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2339 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2365 The Pali Tipitaka in Roman Character :- http://84000.org/tipitaka/read/roman_read.php?B=26&A=2365 Contents of The Tipitaka Volume 26 http://84000.org/tipitaka/read/?index_26