AtthaPali Vol.30

78. 4. Suvannavimanavannana sovannamaye pabbatasminti suvannavimanam. Tassa ka uppatti? bhagava andhakavinde viharati. Tena samayena annataro upasako saddho pasanno vibhavasampanno tassa gamassa avidure annatarasmim mundakapabbate ^1- sabbakarasampannam bhagavato vasananucchavikam gandhakutim karetva tattha bhagavantam vasapento sakkaccam upatthahi, sayanca niccasile patitthito suvisuddhasilasamvaro hutva kalam katva tavatimsabhavane nibbatti. Tassa kammanubhavasamsucakam nanaratanaramsijalasamujjalam vicitta- vedikaparikkhitatam vividhavipulalankaropasobhitam ^2- suvibhattabhittitthambhasopanam aramaramaniyakam kancanapabbatamuddhani vimanam uppajji. Tam ayasma mahamoggallano devacarikam caranto disva imahi gathahi patipucchi:- [1134] "sovannamaye pabbatasmim vimanam sabbatopabham hemajalapaticchannam ^3- kinkinijalakappitam. [1135] Atthamsa sukata thambha sabbe veluriyamaya ekamekaya amsiya ratana satta nimmita. [1136] Veluriyasuvannassa phalika rupiyassa ca masaragallamuttahi lohitangamanihi ca. @Footnote: ¹ Si.,i. mundikapabbate ² ka. vividhaculalankaropa... ³ Si. hemajalakapacchannam

--------------------------------------------------------------------------------------------- page356.

[1137] Citra manorama bhumi na tatthuddhamsati rajo gopanasigana pita kutam dharenti nimmita. [1138] Sopanani ca cattari nimmita caturo disa nanaratanagabbhehi adiccova virocati. [1139] Vediya catasso tattha vibhatta bhagaso mita daddallamana abhanti samanta caturo disa. [1140] Tasmim vimane pavare devaputto mahappabho atirocasi vannena udayantova bhanuma. [1141] Danassa te idam phalam atho silassa va pana atho anjalikammassa tam me akkhahi pucchito"ti. Sopi tassa ^1- imahi gathahi byakasi:- [1142] So devaputto attamano moggallanena pucchito panham puttho viyakasi yassa kammassidam phalam. [1143] "aham andhakavindasmim buddhassadiccabandhuno viharam satthu karesim pasanno sehi panibhi. [1144] Tattha gandhanca malanca paccayanca ^2- vilepanam viharam satthuno adasim vippasannena cetasa. Tena mayham idam laddham vasam vattemi nandane. @Footnote: ¹ cha.Ma. sopissa ² Si. paccagganca, paccagghanca (?)

--------------------------------------------------------------------------------------------- page357.

[1145] Nandane ca vane ^1- ramme nanadijaganayute ramami naccagitehi accharahi purakkhato"ti. #[1134] Tattha sabbatopabhanti sabbabhagehi pabhasantam pabhamuncanakam. Kinkinijalakappitanti kappitakinkinikajalam. #[1135] Sabbe veluriyamayati sabbe thambha veluriyamanimaya. Tattha pana ekamekaya amsiyati atthamsesu thambhesu ekamekasmim ^2- amsabhage. Ratana satta nimmitati sattaratanakammanimmita, ekeko amso sattaratanamayoti attho. #[1136] "veluriyasuvannassa"tiadina nanaratanani dasseti. Tattha veluriyasuvannassati veluriyena ca suvannena ca nimmita, citrati ^3- va yojana. Karanatthe hi idam samivacanam. Phalika rupiyassa cati etthapi eseva nayo. Masaragallamuttahiti kabaramanihi. Lohitangamanihi cati rattamanihi. #[1137] Na tatthuddhamsati rajoti manimayabhumikatta na tasmim vimane rajo uggacchati. Gopanasiganati gopanasisamuha. Pitati pitavanna, suvannamaya ceva phussaragadimanimaya cati attho. Kutam dharentiti sattaratanamayam kannikam dharenti. #[1138-9] Nanaratanagabbhehiti nanaratanamayehi ovarakehi. Vediyati vedika. Catassoti catusu disasu catasso. Tenaha "samanta caturo disa"ti. #[1140] Mahappabhoti mahajutiko. Udayantoti uggacchanto. Bhanumati adicco. @Footnote: ¹ Si. nandane pavane, ka. nandane pavare ² Si. ekasmim ³ ka. vicittati

--------------------------------------------------------------------------------------------- page358.

#[1143] Sehi panibhiti kayasaram punnam pasavanto attano panihi tam tam kiccam karonto viharam satthu karesinti yojana. Atha va sehi panibhiti tattha andhakavindasmim gandhanca malanca paccayanca vilepananca puja- vasena, yatha katham? kataviharanca ^1- vippasannena cetasa satthuno adasim pujesim niyyadesincati evamettha yojana veditabba. #[1144] Tenati tena yathavuttena punnakammena karanabhutena. Mayhanti maya. Idanti idam punnaphalam, idam va dibbam adhipateyyam. Tenaha "vasam vattemi"ti. #[1145] Nandaneti nandiya dibbasamiddhiya uppajjanatthane imasmim deva- loke, tatthapi visesato nandane vane ramme, evam ramaniye imasmim nandane vane ramamiti yojana. Sesam vuttanayameva. Evam devataya attano punnakamme avikate thero saparivarassa tassa deva- puttassa dhammam desetva bhagavato tamattham nivedesi. Bhagava tam atthuppattim katva sampattaparisaya dhammam desesi, sa desana mahajanassa satthika ahositi. Suvannavimanavannana nitthita. --------------------

The Pali Atthakatha in Roman Book 30 page 355-358. http://84000.org/tipitaka/atthapali/read_rm.php?B=30&A=7481&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=7481&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=78 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2537 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2615 The Pali Tipitaka in Roman Character :- http://84000.org/tipitaka/read/roman_read.php?B=26&A=2615 Contents of The Tipitaka Volume 26 http://84000.org/tipitaka/read/?index_26