AtthaPali Vol.30

80. 6. Gopalavimanavannana disvana devam patipucchi bhikkhuti gopalavimanam. Tassa ka uppatti? bhagava rajagahe viharati veluvane. Tena samayena rajagahavasi annataro gopalako patarasatthaya pilotikaya putabaddham kummasam gahetva nagarato nikkhamitva gavinam caranatthanabhutam gocarabhumim sampapuni. Tam ayasma mahamoggallano "ayam idaneva kalam karissati, mayhanca kummasam datva tavatimsesu uppajjissati"ti ca natva tassa samipam agamasi. So velam oloketva therassa kummasam datukamo ahosi. Tena ca samayena gaviyo masakkhettam pavisanti. Atha so gopalo cintesi "kim nu kho therassa kummasam dadeyyam, udahu gaviyo masakkhettato nihareyyan"ti. Athassa etadahosi "masasamika mam yam icchanti, tam karontu, there pana gate kummasadanantarayo me siya, handaham pathamam ayyassa kummasam dassami"ti tam therassa upanesi. Patiggahesi thero anukampam upadaya. Atha nam gaviyo nivattetum parissayam anoloketva vegena upadhavantam padena phuttho asiviso damsi. ^1- Theropi tam anukampamano tam kummasam paribhunjitum arabhi. Gopalakopi gaviyo nivattetva agato theram kummasam paribhunjantam disva pasannacitto ularapitisomanassam patisamvedento nisidi, tavadevassa sakalasariram visam ajjhotthari, muhuttameva vege ^2- muddhapatte kalamakasi, kalakato ca tavatimsesu dvadasayojanike kanakavimane nibbatti. Tam ayasma mahamoggallano disva imahi gathahi patipucchi:- [1159] "disvana devam patipucchi bhikkhu ucce vimanamhi ciratthitike amuttahatthabharanam yasassim dibbe vimanamhi yathapi candima. [1160] Alankato malyadharo suvattho sukundali kappitakesamassu amuttahatthabharano yasassi dibbe vimanamhi yathapi candima. [1161] Dibba ca vina pavadanti vaggum atthatthaka sikkhita sadhurupa dibba ca kanna tidasacara ulara naccanti gayanti pamodayanti. [1162] Deviddhipattosi mahanubhavo manussabhuto kimakasi punnam @Footnote: ¹ Si. dasi ² ka. visavege Kenasi evanjalitanubhavo vanno ca te sabbadisa pabhasati"ti. Sopi tassa byakasi:- [1163] So devaputto attamano .pe. Yassa kammassidam phalam. [1164] "aham manussesu manussabhuto sangamma rakkhissam paresam dhenuyo tato ca aga samano mamantike gavo ca mase agamamsu khaditum. [1165] Dvaya'jja kiccam ubhayanca kariyam iccevaham bhante tada vicintayim tato ca sannam patiladdha yoniso `dadami bhante'ti khipim anantakam. [1166] So masakhettam turito avasarim pura ayam bhanjati yassidam dhanam tato ca kanho urago mahaviso adamsi pade turitassa me sato. [1167] Svaham attomhi dukkhena pilito bhikkhu ca tam samam muncitvanantakam ahasi kummasam mamanukampaya tato cuto kalakatomhi devata. [1168] Tadeva kammam kusalam katam maya sukhanca kammam anubhomi attana taya hi bhante anukampito bhusam katannutaya abhivadayami tam. [1169] Sadevake loke samarake ca anno muni natthi tayanukampako taya hi bhante anukampito bhusam katannutaya abhivadayami tam. [1170] Imasmim loke parasmim va pana anno muni natthi tayanukampako taya hi bhante anukampito bhusam katannutaya abhivadayami tan"ti. Athayasma mahamoggallano attana ^1- ca devataya ca kathitaniyameneva tam bhagavato arocesi. Sattha tamattham paccanubhasitva tam atthuppattim katva sampatta- parisaya dhammam desetum "disvana devam patipucchi bhikkhu"tiadimaha. #[1159] Tattha devanti gopaladevaputtam. Bhikkhuti ayasmantam mahamoggallanam sandhaya sattha vadati. So hi sabbaso bhinnakilesataya bhikkhu. Vimanassa bahukalavatthayitaya kappatthitikataya eva va "ciratthitike"ti vuttam, "ciratthitikan"tipi keci pathanti. Tanhi "devan"ti imina sambandhitabbam. Sopi hi satthisatasahassadhika tisso vassakotiyo tattha avatthanato "ciratthitike"ti vattabbatam labhati. Yathapi candimati @Footnote: ¹ Si. attano Yatha ^1- candima devaputto kantasitalamanoharakiranajalasamujjale attano dibbe vimanamhi virocati, evam virocamananti vacanaseso. #[1160] Alankatotiadi tassa devaputtassa therena pucchitakaradassanam, tam hettha vuttatthameva ^2- #[1164] sangammati sangametva, sangammati va sangahetva. Hetvatthopi hi idha antonito, bahu ekato hutvati ^3- attho. Agati aganchi. Maseti masasassani. #[1165] Dvaya'jjati dvayam ajja etarahi kiccam katabbam. Ubhayanca kariyanti vuttassevatthassa pariyayavacanam. Sannanti dhammasannam. Tenaha "yoniso"ti. Patiladdhati patilabhitva. Khipinti patiggahapanavasena hatthe khipim. Anantakanti nantakam ^4- kummasam pakkhipitva bandhitva ^5- thapitam pilotikam. Akaro cettha nipatamattam. #[1166] Soti so aham. Turitoti turito sambhamanto. Avasarinti upagacchim, pavisim va. Pura ayam bhanjati yassidam dhananti yassa khettasamikassa idam masasassam dhanam, tam ayam gogano bhanjati pura tassa bhanjanato, amaddanato puretaramevati attho. Tatoti tattha. Turitassa me satoti sambhamantassa me samanassa, sahasa gamanena magge kanhasappam anoloketva gatassati adhippayo. #[1167] Attomhi dukkhena pilitoti tena asivisadamsanena atto attito upadduto maranadukkhena badhito bhavami. Ahasiti ajjhohari, paribhunjiti attho. @Footnote: ¹ ka. yathapi ² ka. hetthapi vuttanayameva @³ Si. katvati ⁴ i. na antakam ⁵ Ma. khanditva Tato cuto kalakatomhi devatati tato manussattabhavato cuto maranakalappattiya, tattha va ayusankharassa khepanasankhatassa kalassa katatta kalakato, tadanantarameva ca amhi devata devattabhavappattiya devata homiti attho. #[1169] Tayati taya sadiso anno muni moneyyagunayutto isi natthi. Tayati va nissakke idam karanavacanam. Sesam vuttanayameva. Gopalavimanavannana nitthita. -------------------

The Pali Atthakatha in Roman Book 30 page 362-367. http://84000.org/tipitaka/atthapali/read_rm.php?B=30&A=7628&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=7628&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=80 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2589 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2673 The Pali Tipitaka in Roman Character :- http://84000.org/tipitaka/read/roman_read.php?B=26&A=2673 Contents of The Tipitaka Volume 26 http://84000.org/tipitaka/read/?index_26