AtthaPali Vol.30

82. 8. Anekavannavimanavannana anekavannam darasokanasananti anekavannavimanam. Tassa ka uppatti? bhagava savatthiyam viharati jetavane. Tena samayena ayasma mahamoggallano hettha vuttanayena devacarikam caranto tavatimsabhavanam agamasi. Atha nam anekavanno devaputto disva sanjatagaravabahumano upasankamitva anjalim paggayha atthasi. Thero:- [1199] "anekavannam darasokanasanam vimanamaruyha anekacittam parivarito accharasanganena sunimmito bhutapativa modasi. [1200] Samassamo natthi kuto panuttaro yasena punnena ca iddhiya ca. Sabbe ca deva tidasagana samecca tam tam namassanti sasimva deva. Ima ca te accharayo samantato naccanti gayanti pamodayanti. [1201] Deviddhipattosi mahanubhavo manussabhuto kimakasi punnam. Kenasi evanjalitanubhavo vanno ca te sabbadisa pabhasati"ti adhigatasampattikittanamukhena katakammam pucchi. Tam dassetum vuttam:- [1202] "so devaputto attamano moggallanena pucchito panham puttho viyakasi yassa kammassidam phalan"ti. Sopi kathesi:- [1203] "aham bhadante ahuvasi pubbe sumedhanamassa jinassa savako. Puthujjano ananubodhohamasmi so satta vassani paribbajissaham. [1204] Soham sumedhassa jinassa satthuno parinibbutasso'ghatinnassa tadino. Ratanuccayam hemajalena channam vanditva thupasmim manam pasadayim. [1205] Na ma'si danam na ca ma'tthi datum pare ca kho tattha samadapesim. Pujetha nam pujaniyassa dhatum evam kira saggamito gamissatha. [1206] Tatheva kammam kusalam katam maya sukhanca dibbam anubhomi attana. Modamaham tidasaganassa majjhe na tassa punnassa khayampi ajjhagan"ti. Ito kira timsakappasahasse sumedho nama sammasambuddho loke uppajjitva sadevakam lokam ekobhasam katva katabuddhakicco parinibbuto, manussehi ca bhagavato Dhatum gahetva ratanacetiye kate annataro puriso satthu sasane pabbajitva satta vassani brahmacariyam caritva anavatthitacittataya kukkuccako hutva uppabbaji, uppabbajito ca samvegabahulataya dhammacchandavantataya ca cetiyangane sammajjana- paribhandadini karonto niccasilauposathasilani rakkhanto dhammam sunanto anne ca punnakiriyaya samadapento vicari. So ayupariyosane kalakato ^1- tavatimsesu nibbatti. So punnakammassa ularabhavena mahesakkho mahanubhavo sakkadihi devatahi sakkatapujito hutva tattha yavatayukam thatva tato cuto aparaparam devamanussesu samsaranto imasmim buddhuppade tasseva kammassa vipakavasesena tavatimsabhavane nibbatti, "anekavanno"ti nam devata sanjanimsu. Tam sandhaya vuttam "atha nam anekavanno devaputto .pe. Na tassa punnassa khayampi ajjhaganti kathesi"ti. #[1199] Tattha anekavannanti nilapitadivasena vividhavannataya anantara- vimanadinam vividhasanthanataya ca nanavividhavannam. Darasokanasananti sitalabhavena darathaparilahanam vinodanato manunnataya dassaniyataya ca sokassa anokasato darasokanasanam. Anekacittanti nanavidhacittarupam. Sunimmito bhutapativati tavatimsa- kayikopi ularadibbabhogataya sunimmitadevaraja viya modasi tussasi abhiramasi. #[1200] Samassamoti samo eva hutva samo, nippariyayena sadiso te tuyham natthi, kuto pana kena karanena uttari ^2- adhiko ko nama siya. Kena pana samata ca uttaritarata cati aha "yasena punnena ca iddhiya ca"ti. Tattha yasenati parivarena. Iddhiyati anubhavena. Yasenati va issariyena, iddhiyati deviddhiya. Yasenati va vibhavasampattiya, iddhiyati yathicchitassa kamagunassa @Footnote: ¹ ka. kalam katva ² Si. uttarim Ijjhanena. Yasenati va kittighosena, iddhiyati samiddhiya. Punnenati tattha tattha vuttavasitthapunnaphalena, punnakammeneva va. "sabbe ca deva"ti samannato gahitamattham "tidasagana"ti imina visesetva vuttam. Ekaccassa paccekam nipaccakaram karontapi pamudita na karonti, na evametassa. Etassa pana pamuditapi karontiyevati dassetum "samecca"ti vuttam. ^1- Tam tanti tam tvam. Sasimva devati yatha nama sukkapakkhapatipadiyam dissamanam sasim candam manussa deva ca adarajata namassanti, evam tam sabbepi tidasagana namassantiti attho. #[1203] Bhadanteti theram garavabahumanena samudacarati. Ahuvasinti ahosim. Pubbeti purimajatiyam. Sumedhanamassa jinassa savakoti sumedhoti evam pakata- namassa ^2- sammasambuddhassa sasane pabbajitabhavena savako. Puthujjanoti anariyo. Tatthapi saccanam anubodhamattassapi abhavena ananubodho. So satta vassani paribbajissahanti so aham satta samvaccharani pabbajjagunamattena vicarim, uttari- manussadhammam nadhigacchinti adhippayo. #[1204] Ratanuccayanti manikanakadiratanehi uccitam ussitaratanacetiyam. Hemajalena channanti samantato upari ca kancanajalena paticchaditam. Vanditvati pancapatitthitena tattha tattha panamam katva. Thupasmim manam pasadayinti "sabbannugunadhitthanaya ^3- vata dhatuya ^4- ayam thupo"ti thupasmim cittam pasadesim. #[1205] Na ma'si dananti me maya katam danam nasi nahosi. Kasma pana? na ca ma'tthi datunti, me mama pariggahabhutam danam datum na atthi, @Footnote: ¹ Si. vuttanti datthabbam. ² i. pakasananamassa @³ i. sabbannugunadhitthaya ⁴ Ma. yathadhatuya Na kinci deyyavatthu vijjati, pare ca kho satte tattha dane samadapesim. "paresanca tattha samadapesin"ti ca pathanti, tattha paresanti upayogatthe samivacanam datthabbam. Pujetha nantiadi samadapanakaradassanam, tam dhatunti yojana. Evam kirati kirasaddo anussavattho. ^1- #[1206] Na tassa punnassa khayampi ajjhaganti tassa tada sumedham bhagavantam uddissa katassa punnakammassa parikkhayam nadhigacchim, tasseva kammassa vipakavasesam paccanubhomiti dasseti. Yam panettha na vuttam, tam hettha vuttanayatta suvinneyyamevati datthabbam. Anekavannavimanavannana nitthita. ---------------------

The Pali Atthakatha in Roman Book 30 page 375-379. http://84000.org/tipitaka/atthapali/read_rm.php?B=30&A=7887&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=7887&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=82 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2679 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2782 The Pali Tipitaka in Roman Character :- http://84000.org/tipitaka/read/roman_read.php?B=26&A=2782 Contents of The Tipitaka Volume 26 http://84000.org/tipitaka/read/?index_26