ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 31 : PALI ROMAN Peta.A. (paramatthadi.)

                           2. Ubbarivagga
                   98. 1. Samsaramocakapetivatthuvannana
     nagga dubbannarupasiti idam satthari veluvane viharante magadharatthe
itthakavatinamake game annataram petim arabbha vuttam.
     Magadharatthe kira itthakavati ca digharaji cati dve gamaka ahesum, tattha
bahu samsaramocaka micchaditthika pativasanti. Atite ca kale pancannam vassasatanam
matthake annatara itthi tattheva itthakavatiyam annatarasmim samsaramocakakule
nibbattitva micchaditthivasena bahu kitapatange jivita voropetva petesu
nibbatti.
     Sa panca vassasatani khuppipasadidukkham anubhavitva amhakam bhagavati loke
uppajjitva pavattitavaradhammacakke anukkamena rajagaham upanissaya veluvane viharante
punapi itthakavatiyamyeva annatarasmim samsaramocakakuleyeva nibbattitva yada
sattatthavassuddesikakale  1- annahi darikahi saddhim rathikaya kilanasamattha 2- ahosi,
tada ayasma sariputtatthero tameva gamam upanissaya arunavativihare viharanto
ekadivasam dvadasahi bhikkhuhi saddhim tassa gamassa dvarasamipena maggena atikkamati.
Tasmim khane bahu gamadarika gamato nikkhamitva dvarasamipe kilantiyo pasannamanasa
matapitunam patipattidassanena vegenagantva 3- theram anne ca bhikkhu pancapatitthitena
vandimsu, sa panesa assaddhakulassa dhita cirakalam aparicitakusalataya sadhujanacaravirahita
anadara alakkhika  4- viya atthasi. Thero tassa pubbacaritam idani ca
samsaramocakakule nibbattanam ayatinca niraye  nibbattanarahatam disva "sacayam mam
vandissati, niraye na uppajjissati, petesu nibbattitvapi  5- mamamyeva nissaya
sampattim
@Footnote: 1 Ma. sattatthavassuddesikahi  2 Ma. kilanasamsattha  3 Ma. vegena gantva
@4 Si.,i. asikkhita        5 Ma. nibbattissati
Patilabhissati"ti  natva karunasancoditamanaso ta darikayo aha "tumhe bhikkhu
vandatha, ayam pana darika alakkhika viya thita"ti. Atha nam ta darika hatthesu
pariggahetva akaddhitva balakkarena therassa pade vandapesum.
     Sa aparena samayena vayappatta digharajiyam samsaramocakakule annatarassa
kumarassa dinna paripunnagabbha hutva kalakata petesu uppajjitva nagga
dubbannarupa khuppipasabhibhuta ativiya bibhacchadassana 1- vicaranti rattiyam ayasmato
sariputtattherassa attanam dassetva ekamantam atthasi.
     Tam disva thero:-
         [95] "nagga dubbannarupasi kisa   dhamanisanthata
              upphasulike 2- kisike      ka nu tvam idha titthasi"ti
gathaya pucchi.
     Tattha dhamanisanthatati nimmamsalohitataya sirajalehi patthatagatta. Upphasuliketi
uggataphasulike. Kisiketi kisasarire. Pubbepi "kisa"ti vatva puna "kisike"ti vacanam
atthicammanharumattasarirataya ativiya kisabhavadassanattham 3- vuttam. Tam sutva peti
attanam pavedenti:-
         [96] "aham bhadante petimhi       duggata yamalokika
              papakammam karitvana         petalokam ito gata"ti
gatham vatva puna therena:-
         [97] "kim nu kayena vacaya      manasa dukkatam katam
              kissakammavipakena          petalokam ito gata"ti
@Footnote: 1 Ma. jigucchadassana 2 Ma. uppasulike
@3 Ma. atthittacanharumattanam sesataya virupasabhavadassanattham
Katakammam puttha "adanasila maccharini hutva petayoniyam nibbattitva evam
mahadukkham anubhavami"ti dassenti tisso gatha abhasi:-
         [98] "anukampaka mayham nahesum bhante
              pita ca mata athavapi nataka
              ye mam niyojeyyum `dadahi danam
              pasannacitta samanabrahmananam'.
         [99] Ito aham vassasatani panca
              yam evarupa vicarami nagga
              khudaya tanhaya ca khajjamana
              papassa kammassa phalam mamedam.
        [100] Vandami tam ayya pasannacitta
              anukampa mam vira mahanubhava
              datva ca me adisa yam hi kinci 1-
              mocehi mam duggatiya bhadante"ti.
    #[98] Tattha anukampakati samparayikena atthena anugganhaka. Bhanteti
theram alapati. Ye mam niyojeyyunti mata va pita va athava nataka
edisa pasannacitta hutva "samanabrahmananam dadahi danan"ti ye mam niyojeyyum,
tadisa anukampaka mayham nahesunti yojana.
    #[99] Ito aham vassasatani panca, yam evarupa vicarami naggati idam
sa peti ito tatiyaya jatiya attano petattabhavam anussaritva idanipi tatha
panca vassasatani vicaramiti adhippayenaha. Tattha yanti yasma, danadinam punnanam
@Footnote: 1 Ma. adisayahi kinci
Akatatta evarupa nagga peti hutva ito patthaya vassasatani panca vicaramiti
yojana. Tanhayati pipasaya. Khajjamanati khadiyamana, badhiyamanati 1- attho.
    #[100] Vandami tam ayya pasannacittati ayya tamaham pasannacitta hutva
vandami, ettakameva punnam idani maya katum sakkati dasseti. Anukampamanti
anugganha mamam uddissa anuddayam 2- karohi. Datva ca me adisa yam hi kinciti
kincideva deyyadhammam samanabrahmananam datva tam dakkhinam mayham adisa, tena
me ito petayonito mokkho bhavissatiti adhippayena vadati. Tenevaha "mocehi
mam duggatiya bhadante"ti.
     Evam petiya vutte yatha so thero patipajji, tam dassetum sangitikarehi
tisso gathayo vutta:-
         [101] "sadhuti so patissutva 3-    sariputtonukampako
               bhikkhunam alopam datva        panimattanca colakam
               thalakassa ca paniyam          tassa dakkhinamadisi.
         [102] Samanantaranudditthe 4-       vipako udapajjatha
               bhojanacchadanapaniyam          dakkhinaya idam phalam.
         [103] Tato suddha sucivasana        kasikuttamadharini
               vicittavatthabharana           sariputtam upasankami"ti.
    #[101-103] Tattha bhikkhunanti bhikkhuno, vacanavipallasena hetam vuttam. "alopam
bhikkhuno datva"ti keci pathanti. Alopanti kabalam, ekalopamattam bhojananti attho.
Panimattanca colakanti ekahatthappamanam colakhandanti attho. Thalakassa ca
paniyanti ekathalakapuranamattam udakam. Sesam khallatiyapetivatthusmim vuttanayameva.
@Footnote: 1 Ma. khadamana, khadiyamanati     2 Si.,i. dayam anuddayam
@3 Si.,i. so tassa patissunitva     4 Si. samanantara anudditthe
Athayasma sariputto tam petim pinindriyam parisuddhachavivannam
dibbavatthabharanalankaram samantato attano pabhaya obhasentim attano santikam
upagantva thitam disva paccakkhato kammaphalam taya vibhavetukamo hutva tisso
gatha abhasi:-
         [104] "abhikkantena vannena       ya tvam titthasi devate
               obhasenti disa sabba     osadhi viya taraka.
         [105] Kena tetadiso vanno      kena te idha mijjhati
               uppajjanti ca te bhoga     ye keci manaso piya.
         [106] Pucchami tam devi mahanubhave
               manussabhuta kimakasi punnam
               kenasi evam jalitanubhava
               vanno ca te sabbadisa pabhasati"ti
    #[104] tattha abhikkantenati atimanapena, abhirupenati attho. Vannenati
chavivannena. Obhasenti disa sabbati sabbapi dasa disa jotenti ekalokam
karonti. Yatha kinti aha "osadhi viya taraka"ti. Ussanna pabha etaya
dhiyati, 1-  osadhanam va anubalappadayikati katva 2- "osadhi"ti laddhanama taraka
yatha samantato alokam kurumana titthati, evameva tvam sabbadisa 3- obhasentiti
attho.
    #[105] Kenati kimsaddo pucchayam. Hetuatthe cetam karanavacanam, kena hetunati
attho. Teti tava. Etadisoti ediso, etarahi yathadissamanoti vuttam hoti.
Kena te idha mijjhatiti kena punnavisesena idha imasmim thane idani taya
@Footnote: 1 Si.,i. dhiyanti   2 Ma. anubalappadana hutva  3 Si.,i. sabbasu disasu
Labbhamanam sucaritaphalam ijjhati nipphajjati. Uppajjantiti nibbattanti. Bhogati
paribhunjitabbatthena "bhoga"ti laddhanama vatthabharanadivittupakaranavisesa. Ye keciti
bhoge anavasesato byapetva sanganhati. Anavasesabyapako hi ayam niddeso yatha
"ye keci sankhara"ti. Manaso piyati manasa piyayitabba, manapiyati attho.
    #[106] Pucchamiti puccham karomi, natum icchamiti attho. Tanti tvam. Deviti
dibbanubhavasamangitaya devi. Tenaha "mahanubhave"ti. Manussabhutati manussesu jata
manussabhavam patta. Idam yebhuyyena satta manussattabhave thita punnani karontiti
katva vuttam. Ayametasam gathanam sankhepato attho, vittharato pana paramatthadipaniyam
vimanavatthuatthakathayam vuttanayeneva veditabbo.
     Evam puna therena puttha peti tassa sampattiya laddhakaranam pakasenti
sesagatha abhasi:-
         [107] "uppandukim kisam chatam      naggam sampatitacchavim 1-
               muni karuniko loke      tam mam addakkhi duggatam.
         [108] Bhikkhunam alopam datva     panimattanca colakam
               thalakassa ca paniyam       mama dakkhinamadisi.
         [109] Alopassa phalam passa      bhattam vassasatam dasa
               bhunjami kamakamini       anekarasabyanjanam.
         [110] Panimattassa colassa      vipakam passa yadisam
               yavata nandarajassa      vijitasmim paticchada.
         [111] Tato bahutara bhante      vatthanacchadanani me
               koseyyakambaliyani       khomakappasikani ca.
@Footnote: 1 Si. apatitacchavim
         [112] Vipula ca mahaggha ca      tepakasevalambare 1-
               saham tam paridahami        yam yam hi manaso piyam.
         [113] Thalakassa ca paniyam       vipakam passa yadisam
               gambhira caturassa ca      pokkharanno sunimmita.
         [114] Setodaka  suppatittha    sita appatigandhiya
               padumuppalasanchanna        varikinjakkhapurita.
         [115] Saham ramami kilami       modami akutobhaya
               munim karunikam loke       bhante vanditumagata"ti.
    #[107] Tattha uppandukinti uppandukajatam. Chatanti bubhukkhitam khudaya
abhibhutam. Sampatitacchavinti chinnabhinnasariracchavim. Loketi idam "karuniko"ti ettha
vuttakarunaya visayadassanam. Tam manti tadisam mamam, vuttanayena ekantato karunatthaniyam
mam. Duggatanti duggatim gatam.
    #[108-109] Bhikkhunam alopam datvatiadi therena attano karunaya
katakaradassanam. 2- Tattha bhattanti odanam, dibbabhojananti attho. Vassasatam dasati dasa
vassasatani, vassasahassanti vuttam hoti. Accantasamyoge cetam upayogavacanam. Bhunjami
kamakamini, anekarasabyanjananti annehipi kametabbakamehi samannagata
anekarasabyanjanam bhattam bhunjamiti yojana.
    #[110] Colassati deyyadhammasisena tabbisayam danamayam punnameva dasseti.
Vipakam passa yadisanti tassa coladanassa vipakasankhatam phalam passa bhante.
Tam pana yadisam yatharupam, kinti ceti aha 3- "yavata nandarajassa"tiadi.
@Footnote: 1 Ma. te cakasevalambare  2 Ma. karunayikakaradassanam  3 Si.,i. yatharupanti peti aha
     Tattha koyam nandaraja nama? atite kira dasavassasahassayukesu manussesu
baranasivasi eko kutumbiko aranne janghaviharam vicaranto arannatthane
annataram paccekabuddham addasa. So paccekabuddho tattha civarakammam karonto anuvate
appahonte samharitvava thapetum araddho, so kutumbiko tam disva "bhante kim
karotha"ti vatva tena appicchataya kinci avuttepi "civaradussam nappahoti"ti
natva attano uttarasangam paccekabuddhassa padamule thapetva agamasi.
Paccekabuddho tam gahetva anuvatam aropento civaram katva parupi. So kutumbiko
jivitapariyosane kalam katva tavatimsabhavane nibbattitva tattha yavatayukam
dibbasampattim anubhavitva tato cavitva baranasito yojanamatte thane annatarasmim
game amaccakule nibbatti.
     Tassa vayappattakale tasmim game nakkhattam sanghuttham ahosi. So mataram
aha "amma satakam me dehi, nakkhattam kilissami"ti. Sa sudhotavattham niharitva
adasi. Amma thulam idanti. Annam niharitva adasi, tampi patikkhipi. Atha nam
mata aha "tata yadise gehe mayam jata, natthi no ito sukhumatarassa
vatthassa patilabhaya punnan"ti. Labhanatthanam gacchami ammati. Gaccha putta, aham
ajjeva tuyham baranasinagare rajjapatilabham icchamiti. So "sadhu amma"ti mataram
vanditva padakkhinam katva aha "gacchami amma"ti. Gaccha tatati. Evam kirassa
cittam ahosi "kaham gamissati, idha va ettha va gehe nisidissati"ti. So pana
punnaniyamena codiyamano gamato nikkhamitva baranasim gantva mangalasilapatte
sasisam parupitva nipajji. So ca baranasiranno kalakatassa sattamo divaso
hoti.
     Amacca ca purohito ca ranno sarirakiccam katva rajangane nisiditva 1-
mantayimsu "ranno eka dhita atthi, putto natthi, arajakam rajjam na titthati,
@Footnote: 1 Ma. sannipatitva
Phussaratham vissajjema"ti. Te kumudavanne cattaro sindhave yojetva setacchattap-
pamukham pancavidham rajakakudhabhandam rathasmimyeva thapetva ratham vissajjetva pacchato
turiyani pagganhapesum. Ratho pacinadvarena nikkhamitva uyyanabhimukho ahosi.
"paricayena uyyanabhimukho gacchati, nivattema"1- ti keci ahamsu. Purohito "ma
nivattayittha"ti aha. Ratho kumaram padakkhinam katva arohanasajjo hutva atthasi,
purohito parupanakannam apanetva padatalani olokento "titthatu ayam dipo,
dvisahassadipaparivaresu catusu mahadipesu ekarajjam karetum yutto"ti vatva
"turiyani pagganhatha, punapi pagganhatha"ti tikkhattum turiyani pagganhapesi.
     Atha kumaro mukham vivaritva oloketva "kena kammena agatattha tata"ti
aha. Deva tumhakam rajjam papunatiti. Tumhakam raja kahanti. Divangato samiti.
Kati divasa atikkantati. Ajja sattamo divasoti. Putto va dhita va natthiti.
Dhita atthi dve, putto natthiti. Tenahi karissami rajjanti. Te tavadeva
abhisekamandapam katva rajadhitaram sabbalankarehi alankaritva uyyanam anetva
kumarassa abhisekam akamsu.
     Athassa katabhisekassa satasahassagghanikam vattham upanesum, so "kimidam tata"ti
aha. Nivasanavattham devati. Nanu tata thulanti. Manussanam paribhogavatthesu ito
sukhumataram natthi devati. Tumhakam raja evarupam nivasesiti. Ama devati. Na
manne punnava tumhakam raja suvannabhinkaram aharatha, labhissami vatthanti.
Suvannabhinkaram aharimsu. So utthaya hatthe dhovitva mukham vikkhaletva hatthena
udakam adaya puratthimadisayam abbhukkiri, tada ghanapathavim bhinditva attha kapparukkha
utthahimsu. Puna udakam gahetva dakkhinaya pacchimaya uttarayati evam catusu disasu
abbhukkiri, sabbadisasu attha attha katva dvattimsa kapparukkha utthahimsu. Ekekaya
@Footnote: 1 Si.,i. nivattetthati
Disaya solasa solasa katva catusatthi kapparukkhati keci vadanti. So ekam
dibbadussam nivasetva ekam parupitva "nandaranno vijite suttakantika itthiyo
ma suttam kantimsuti bherim carapetha"ti vatva chattam ussapetva alankatapatiyatto
hatthikkhandhavaragato nagaram pavisitva pasadam aruyha mahasampattim anubhavi.
     Evam gacchante kale ekadivasam devi ranno sampattim disva "aho tapassi"ti 1-
karunnakaram dassesi. "kimidam devi"ti ca puttha "atimahati te deva sampatti,
atite addhani kalyanam 2- akattha, idani anagatassa atthaya kusalam na karotha"ti
aha. Kassa dema, silavanto natthiti. "asunno deva jambudipo arahantehi, tumhe
danameva sajjetha, aham arahante lacchami"ti aha. Punadivase raja maharaham
danam 3- sajjapesi. Devi "sace imissaya disaya arahanto atthi, idhagantva
amhakam bhikkham ganhantu"ti adhitthahitva uttaradisabhimukha urena nipajji.
Nipannamattaya eva deviya himavante vasantanam padumavatiya puttanam pancasatanam
paccekabuddhanam jetthako mahapadumapaccekabuddho bhatike amantesi "marisa nandaraja
tumhe nimanteti, adhivasetha tassa"ti. Te adhivasetva tavadeva akasena
agantva uttaradvare otarimsu. Manussa "pancasata deva paccekabuddha agata"ti
ranno arocesum. Raja saddhim deviya agantva vanditva pattam gahetva
paccekabuddhe pasadam aropetva tattha tesam danam datva bhattakiccavasane
raja samghattherassa, devi samghanavakassa padamule nipajjitva "ayya paccayehi
na kilamissanti, mayam punnena na hayissama, 4- amhakam idha nivasaya patinnam
detha"ti patinnam karetva uyyane nivasatthanani karetva yavajivam paccekabuddhe
upatthahitva, tesu parinibbutesu sadhukilitam karetva gandhadaruadihi 5-
sarirakiccam karetva dhatuyo gahetva cetiyam patitthapetva "evarupanampi nama
@Footnote: 1 Ma. aho vata siriti  2 Si.,i. atitamaddhanam kusalam  3 Ma. mahadanam
@4 Si.,i. na parihayissama    5 Si. candanagaruadihi
Mahanubhavanam mahesinam maranam bhavissati, kimangam pana madisanan"ti samvegajato
jetthaputtam rajje  patitthapetva sayam tapasapabbajjam 1- pabbaji, devipi "ranne
pabbajite aham kim karissami"ti pabbaji. Dvepi uyyane vasanta jhanani
nibbattetva jhanasukhena vitinametva ayupariyosane brahmaloke nibbattimsu.
So kira nandaraja amhakam satthu mahasavako mahakassapatthero ahosi, tassa
aggamahesi bhadda kapilani nama.
     Ayam pana nandaraja dasa vassasahassani sayam dibbavatthani paridahanto
sabbameva attano vijitam uttarakurusadisam karonto agatagatanam manussanam
dibbadussani adasi. Tayidam dibbavatthasamiddhim sandhaya sa peti aha "yavata
nandarajassa, vijitasmim paticchada"ti. Tattha vijitasminti ratthe. Paticchadati
vatthani. Tani hi paticchadenti etehiti "paticchada"ti vuccanti.
    #[111] Idani sa peti "nandarajasamiddhitopi etarahi mayham samiddhi
vipulatara"ti dassenti "tato bahutara bhante, vatthanacchadanani me"tiadimaha.
Tattha tatoti nandarajassa pariggahabhutavatthatopi bahutarani mayham vatthacchadananiti 2-
attho. Vatthanacchadananiti nivasanavatthani ceva parupanavatthani ca.
Koseyyakambaliyaniti koseyyani ceva kambalani ca. Khomakappasikaniti khomavatthani ceva
kappasamayavatthani ca.
    #[112] Vipulati ayamato ca vittharato ca vipula. Mahagghati mahagghavasena
mahanta maharaha. Akasevalambareti akaseyeva olambamana titthanti. Yam yam
hi manaso piyanti yam yam mayham manaso piyam, tam tam gahetva paridahami parupami
cati yojana.
@Footnote: 1 Si. samanapabbajjam, mano.pu. 1/158 samanakapabbajjam   2 Si.,i. vatthani, dussaniti
    #[113] Thalakassa ca paniyam, vipakam passa yadisanti thalakapuranamattam paniyam
dinnam anumoditam, tassa pana vipakam yadisam yava mahantam passati dassenti
"gambhira caturassa ca"tiadimaha. Tattha gambhirati agadha. Caturassati
caturassasanthana. Pokkharannoti pokkharaniyo. Sunimmitati kammanubhaveneva sutthu
nimmita.
    #[114] Setodakati setaudaka setavalukasamparikinna. 1- Suppatitthati
sundaratittha. Sitati sitalodaka. Appatigandhiyati patikulagandharahita surabhigandha.
Varikinjakkhapuritati kamalakuvalayadinam kesarasanchannena varina paripunna.
    #[115] Sahanti sa aham. Ramamiti ratim vindami. Kilamiti indriyani
paricaremi. Modamiti bhogasampattiya pamudita homi. Akutobhayati kutopi
asanjatabhaya, seri sukhaviharini homi. Bhante vanditumagatati bhante imissa
dibbasampattiya patilabhassa karanabhutam tvam vanditum agata upagatati attho. Yam
panettha atthato avibhattam, tam tattha tattha vuttameva.
     Evam taya petiya vutte ayasma sariputto itthakavatiyam digharajiyanti
gamadvayavasikesu 2- attano santikam upagatesu manussesu imamattham vittharato
kathento samvejetva samsaramocanapapakammato mocetva upasakabhave patitthapesi, sa
pavatti bhikkhusu pakata jata. Tam bhikkhu bhagavato arocesum. Bhagava tamattham atthuppattim
katva sampattaparisaya dhammam desesi, sa desana mahajanassa satthika ahositi.
                   Samsaramocakapetivatthuvannana nitthita.
                     ----------------------
@Footnote: 1 Si. setavalukahi samparikinna ca   2 Ma. gamadvayato



             The Pali Atthakatha in Roman Book 31 page 72-83. http://84000.org/tipitaka/atthapali/read_rm.php?B=31&A=1579&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=1579&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=98              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3263              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3437              The Pali Tipitaka in Roman Character :- http://84000.org/tipitaka/read/roman_read.php?B=26&A=3437              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]