AtthaPali Vol.31

133. 13. Akkharukkhapetavatthuvannana yam dadati na tam hotiti idam akkhadayakapetavatthu. Tassa ka uppatti? bhagavati savatthiyam viharante annataro savatthivasi upasako sakatehi bhandassa @Footnote: ¹ Ma. upadharenti, i. upalapenti ² ka. ayam patho na dissati ³ khu.u. 18/116 Puretva vanijjaya videsam gantva tattha attano bhandam vikkinitva patibhandam sakatesu aropetva savatthim uddissa maggam patipajji. Tassa maggam gacchantassa ataviyam ekassa sakatassa akkho bhijji. Atha annataro puriso rukkhagahanattham kutharipharasum gahapetva attano gamato nikkhamitva aranne vicaranto tam thanam patva tam upasakam akkhabhanjanena domanassappattam disva "ayam vanijo akkhabhanjanena ataviyam kilamati"ti anukampam upadaya rukkhadandam ^1- chinditva dalham akkham katva sakate yojetva adasi. So aparena samayena kalam katva tasmimyeva atavipadese bhummadevata hutva nibbatto attano kammam paccavekkhitva rattiyam tassa upasakassa geham gantva gehadvare thatva:- [800] "yam dadati na tam hoti detheva danam datva ubhayam tarati ubhayam tena danena gacchati jagaratha ma pamajjatha"ti gathamaha. Tattha yam dadati na tam hotiti yam deyyadhammam dayako deti, na tadeva paraloke tassa danassa phalabhavena hoti, atha kho annam bahum ittham kantam phalam hotiyeva, tasma detheva dananti yatha tatha danam detha eva. Tattha karanamaha "datva ubhayam tarati"ti, danam datva ditthadhammikampi samparayikampi dukkham anatthanca atikkamati. Ubhayam tena danena gacchatiti ditthadhammikam samparayikancati ubhayampi sukham tena danena upagacchati papunati, attano paresanca hitasukhavasenapi ayamattho yojetabbo. Jagaratha ma pamajjathati evam ubhayanatthanivaranam ubhayahitasadhanam danam @Footnote: ¹ Ma. rukkham Sampadetum jagaratha, danupakaranani sajjetva tattha ca appamatta hothati attho. Adaradassanattham cettha amenditavasena vuttam. Vanijo attano kiccam tiretva patinivattitva anukkamena savatthim patva dutiyadivase sattharam upasankamitva vanditva ekamantam nisinno tam pavattim bhagavato arocesi. Sattha tamattham atthuppattim katva sampattaparisaya dhammam desesi, sa desana mahajanassa satthika ahositi. Akkharukkhapetavatthuvannana nitthita. -----------------

The Pali Atthakatha in Roman Book 31 page 297-299. http://84000.org/tipitaka/atthapali/read_rm.php?B=31&A=6600&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=6600&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=133 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4895 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5231 The Pali Tipitaka in Roman Character :- http://84000.org/tipitaka/read/roman_read.php?B=26&A=5231 Contents of The Tipitaka Volume 26 http://84000.org/tipitaka/read/?index_26