บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
286. 9. Bharadvajattheragathavannana nadanti evam sappannati ayasmato bharadvajattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto ito ekatimse kappe kulagehe nibbattitva vinnutam patto ekadivasam sumanam nama paccekabuddham pindaya carantam disva pasannamanaso paripakkam 3- vallikaraphalam adasi. So tena punnakammena devamanussesu samsaranto imasmim buddhuppade rajagahe brahmanakule nibbattitva gottanamena bharadvajotveva pannayittha. So vayappatto gharavasam vasanto ekaputtam labhi. Tassa "kanhadinno"ti 4- namam akasi. Tassa vinnutam pattakale "tata asukassa nama acariyassa santike sippam sikkhitva ehi"ti tam takkasilam pesesi. So gacchanto antaramagge satthu savakam annataram mahatheram kalyanamittam labhitva tassa santike dhammam sutva patiladdhasaddho pabbajitva @Footnote: 1 Si. yassa 2 i. so sadattho 3 Si. suparipakkam 4 Si. kanhadinnoti Katapubbakicco vipassanaya kammam karonto na cirasseva arahattam papuni. Tena vuttam apadane 1- :- "sumano nama sambuddho takkarayam vasi tada vallikaraphalam gayha sayambhussa adasaham. Ekatimse ito kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. katam buddhassa sasanan"ti. Athassa pita bharadvajo veluvane viharantam bhagavantam upasankamitva dhammam sutva pabbajitva na cirasseva arahattam sacchakasi. Atha putto sattharam vanditum rajagaham agato satthu santike nisinnam pitaram disva tutthacitto "pitapi kho me pabbajito, kim nu kho tena 2- pabbajjakiccam matthakam papitan"ti vimamsanto khinasavabhavam natva tam sihanadam nadapetukamo "sadhu kho tumhehi katam pabbajantehi, pabbajjakiccam pana matthakam 3- papitan"ti pucchi. Bharadvajo puttassa adhigamam dipento:- [177] "nadanti evam sappanna sihava girigabbhare vira 4- vijitasangama jetva maram savahanam. [178] Sattha ca paricinno me dhammo samgho ca pujito ahanca vitto sumano puttam disva anasavan"ti gathadvayam abhasi. Tattha nadantiti yathabhuccagunabhibyaharavasena 5- abhitanadam nadanti gajjanti. Evanti idani vattabbakaradassanam. Sappannati aggamaggapannadhigamena @Footnote: 1 khu.apa. 33/68/95 vallikaraphaladayakattherapadana (sya) 2 Ma. anena @3 i. kim matthakam 4 pali. dhira 5 Si. yathabhuccabuddhaguna..... Sabbapannadhigamena sabbapannavepullappatta. Virati catubbidhasammappadhanaviriya- sampannataya vira, tatoeva anavasesasankilesapakkhanimmathanena savahanam kilesamaram abhisankharamaram devaputtamaranca jetva 1- sabbaso vijitasangama nadanti sappannati sambandho. Evam vijetabbavijayena sihanadam dassetva idani aradhetabbasamaradhanena icchitabbasiddhiya ca tam dassetum "sattha ca paricinno me"ti dutiyam gathamaha. Tattha sattha ca paricinno meti mama sattha sammasambuddho yathanusittham ovadanusasanikaranena 2- maya paricinno 3- upasito, na dhammadhikaranam visositoti adhippayo. Dhammo samgho ca pujitoti navavidhopi lokuttaradhammo, yathapatipattiyagata- magganupattiya siladitthisamannagamanena ariyasamgho ca maya pujito manito. Ahanca vitto sumano, puttam disva anasavanti mama puttam anasavam sabbaso khinasavam disva dassanahetu ahampi vitto niramisaya pitiya tuttho, tatoyeva niramisena somanassena sumano jatoti attho. Bharadvajattheragathavannana nitthita. --------------------The Pali Atthakatha in Roman Book 32 page 465-467. http://84000.org/tipitaka/atthapali/read_rm.php?B=32&A=10412&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=10412&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=286 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5869 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6018 The Pali Tipitaka in Roman Character :- http://84000.org/tipitaka/read/roman_read.php?B=26&A=6018 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]