|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
296. 9. Usabhattheragathavannana
ambapallavasankasanti ayasmato usabhattherassa gatha. Ka uppatti?
ayampi purimabuddhesu katadhikaro tattha tattha bhave punnani karonto sikhissa
bhagavato kale kulagehe nibbattitva vinnutam patto ekadivasam sattharam pindaya
carantam disva pasannamanaso kosambaphalam adasi. So tena punnakammena devamanussesu
samsaranto imasmim buddhuppade kapilavatthusmim sakiyarajakule nibbattitva usabhoti
@Footnote: 1 Si.,Ma. jatijaramaranassa 2 i.,Ma. anandaniyataya
---------------------------------------------------------------------------------------------
page492.
Laddhanamo vayappatto satthu natisamagame buddhanubhavam disva patiladdhasaddho
pabbaji. So pabbajitakalato patthaya samanadhammam akatva diva sanganikaramo
sakalarattim niddayamano vitinameti. So ekadivasam mutthassati asampajano niddam
okkanto supine 1- kesamassum oharetva ambapallavavannam civaram parupitva hatthi-
givayam nisiditva nagaram pindaya pavittham 2- tattheva 3- manusse sampatte disva
lajjaya hatthikkhandhato oruyha attanam disva patibuddho "idisam nama supinam
mutthassatina asampajanena niddayamanena 4- maya ditthan"ti uppannasamvego vipassanam
patthapetva na cirasseva arahattam papuni. Tena vuttam apadane 5- :-
"kakudham vilasantamva devadevam narasabham
rathiyam patipajjantam kosambam adadim tada.
Ekatimse ito kappe yam phalam adadim tada
duggatim nabhijanami phaladanassidam phalam.
Kilesa jhapita mayham .pe. katam buddhassa sasanan"ti.
Atha thero yathadittham supinam ankusam katva arahattassa adhigatatta tasseva
supinassa kittanavasena annam byakaronto:-
[197] "ambapallavasankasam amse katvana civaram
nisinno hatthigivayam gamam pindaya pavisim.
[198] Hatthikkhandhato oruyha samvegam alabhim tada
soham ditto tada santo patto me asavakkhayo"ti
gathadvayamaha.
@Footnote: 1 Si.,i. supinena 2 i.,Ma. pavittho 3 Si.,i. tattha ca 4 i.,Ma. mutthassati
@asampajano hutva niddayanena 5 khu.apa. 33/103/153 kosumbaphaliyattherapadana (sya)
---------------------------------------------------------------------------------------------
page493.
Tattha ambapallavasankasam, amse katvana civaranti ambapallavakaram pavalavannam 1-
civaram khandhe karitva uttarasangam karitva. Gamanti attano rajadhanim hatthikkhandhe
nisinno pindaya pavisim, pavitthamattova mahajanena olokiyamano hatthikkhandhato
oruyha thito patibujjhim, pabuddhova 2- samvegam alabhim tada "mutthassati asampajano
hutva niddayokkamanena etam jatan"ti. Apare pana "rajava hutva rattibhage
evarupam supinam disva vibhataya rattiya hatthikkhandham aruyha nagaravithiyam caranto tam
supinam saritva hatthikkhandhato oruyha samvegam labhitva satthu santike pabbajitva
arahattam patva udanam udanento ima gatha abhasi"ti vadanti. Dittoti
tasmim rajakale 3- jatimadabhogamadadiparidappito samano samvegamalabhinti yojana.
Usabhattheragathavannana nitthita.
-------------
The Pali Atthakatha in Roman Book 32 page 491-493.
http://84000.org/tipitaka/atthapali/read_rm.php?B=32&A=11002&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=11002&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=296
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5953
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6088
The Pali Tipitaka in Roman Character :-
http://84000.org/tipitaka/read/roman_read.php?B=26&A=6088
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]