AtthaPali Vol.32

3. Tikanipata 307. 1. Anganikabharadvajattheragathavannana tikanipate ayoni suddhimanvesanti ayasmato anganikabharadvajattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto ito ekatimse kappe sikhissa bhagavato kale kulagehe nibbattitva vinnutam patto ekadivasam sattharam pindaya carantam disva pasannamanaso pancapatit- thitena vanditva anjalim pagganhi. So tena punnakammena devamanussesu samsaranto imasmim buddhuppade himavantasamipe ukkatthe nama nagare ^1- vibhava- sampannassa brahmanassa gehe nibbattitva anganikabharadvajoti laddhanamo vayappatto vijjasippesu nipphattim gato nekkhammajjhasayataya paribbajakapabbajjam pabbajitva amaram ^2- tapam caranto tattha tattha vicaranto sammasambuddham janapadacarikam carantam disva pasannamanaso satthu santike dhammam sutva tam micchagaham ^3- pahaya sasane pabbajitva vipassanaya kammam karonto na cirasseva chalabhinno ahosi. Tena vuttam apadane ^4- :- "usabham pavaram viram vessabhum vijitavinam pasannacitto sumano buddhasetthamavandaham. Ekatimse ito kappe yam kammamakarim tada duggatim nabhijanami vandanaya idam phalam. Catuvisatikappamhi vikatanandanamako @Footnote: ¹ Si.,i. ukkatthanagare ² Ma. amatam ³ cha.Ma. micchatapam @⁴ khu.apa. 32/48/298 ekavandaniyattherapadana Sattaratanasampanno cakkavatti mahabbalo. Kilesa jhapita mayham .pe. Katam buddhassa sasanan"ti. Chalabhinno pana hutva vimuttisukhena viharanto natinam anukampaya attano jatibhumim gantva bahu natake saranesu ca silesu ca patitthapetva tato nivattitva kururatthe kundiyassa nama nigamassa avidure aranne vasanto kenacideva karaniyena uggaramam gato uttarapathato ^1- agatehi sanditthehi brahmanehi samagato tehi "bho bharadvaja kim disva brahmananam samayam pahaya imam samayam ganhi"ti pucchito tesam ito buddhasasanato bahiddha suddhi ^2- natthiti dassento:- [219] "ayoni suddhimanvesam aggim paricarim vane suddhimaggam ajananto akasim amaram ^3- tapan"ti pathamam gathamaha. Tattha ayoniti ayoniso anupayena. Suddhinti samsarasuddhim bhavanissaranam. Anvesanti gavesanto pariyesanto. ^4- Aggim paricarim vaneti "ayam suddhimaggo"ti adhippayena arannayatane aggihuttasalayam ^5- agyagaram katva ahutim ^6- pagganhanto aggidevam paricarim vede vuttavidhina pujesim. Suddhimaggam ajananto, akasim amaram tapanti suddhiya nibbanassa maggam ajananto aggiparicaranam viya pancatapatappanadiattakilamathanuyogam ^7- "suddhimagago"ti mannaya ^8- akasim acarim patipajjim. Evam thero assamato assamam gacchanto viya vede vuttavidhina aggiparicaranadina ^9- anutthaya suddhiya appattabhavena bahiddha suddhiya abhavam dassetva idani imasmimyeva sasane suddhi ca maya adhigatati dassento:- @Footnote: ¹ potthakesu ayam patho na dissati ² cha.Ma. suddhi ³ pali. aparam @⁴ cha.Ma. ayam patho na dissati ⁵ cha.Ma. aggihuta..... ⁶ Ma. ahutinam @⁷ Si. pancatapanapadhanadi... ⁸ Si. sannaya ⁹ Si. aggiparicaranadito [220] "tam sukhena sukham laddham passa dhammasudhammatam tisso vijja anuppatta katam buddhassa sasanan"ti dutiyagathamaha. Tattha tanti yassatthaya suddhim anvesanto tassa maggam ajananto aggim paricarim amaram tapam acarim, tam nibbanasukham sukhena samathavipassanaya sukhaya patipadaya attakilamathanuyogam anupagamma maya laddham pattam adhigatam. Passa dhammasudhammatanti satthu sasanadhammassa sudhammatam aviparitaniyyanikadhammasabhavam passa janahiti dhammalapana- vasena vadati, attanam va ^1- alapati. Tassa laddhabhavam pana dassento:- "tisso vijja anuppatta katam buddhassa sasanan"ti aha, tam vuttatthameva. Evam suddhiya adhigatatta "ito patthayaham paramatthato brahmano"ti dassento:- [221] "brahmabandhu pure asim idani khomhi brahmano tevijjo nhatako ^2- camhi sotthiyo ^3- camhi vedagu"ti tatiyam gathamaha. Tassattho:- ito pubbe jatimattena brahmanabhavato brahmananam ^4- samannaya brahmabandhu nama asim. Bahitapapatta pana idani kho arahattadhigamena paramatthato brahmano ca amhi. Ito ^5- pubbe bhavasancayakaranam ^6- tissannam vedasankhatanam vijjanam ajjhayanena samannamattena tevijjo nama hutva idani bhavakkhayakaraya vijjaya vasena tissannam vijjanam adhigatatta paramatthato tevijjo ca amhi. Tatha ito pubbe bhavassadagadhitaya ^7- nhatakavatanipphattiya samannamattena nhatako nama hutva idani atthangikamaggajalena suvikkhalita- kilesamalataya paramatthato nhatako camhi. Ito pubbe avimuttabhavassadamantaj- jhanena voharamattato sotthiyo nama hutva idani suvimuttabhavassadadhammajjhanena @Footnote: ¹ i. attanameva ² Si. nahatako ³ cha.Ma. sottiyo ⁴ Ma. jatimattena brahmananam @⁵ Si. amhi, kinci ito, Ma. amhiti ca ⁶ Ma. bhavapacayakaranam ⁷ Si.,i....gathitaya Jhanena voharamattato sotthiyo nama hutva idani suvimuttabhavassadadhammajjhanena paramatthato sotthiyo camhi. Ito pubbe appatinissatthapapadhammanam vedanam gatamattena ^1- vedagu nama hutva idani vedasankhatena maggananena samsaramahoghassa vedassa catusaccassa ca param gatatta adhigatatta natatta paramatthato vedagu jatoti. Tam sutva brahmana sasane ularam pasadam pavedesum. Anganikabharadvajattheragathavannana nitthita. -------------------

The Pali Atthakatha in Roman Book 32 page 523-526. http://84000.org/tipitaka/atthapali/read_rm.php?B=32&A=11690&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=11690&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=307 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6054 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6179 The Pali Tipitaka in Roman Character :- http://84000.org/tipitaka/read/roman_read.php?B=26&A=6179 Contents of The Tipitaka Volume 26 http://84000.org/tipitaka/read/?index_26