AtthaPali Vol.32

312. 6. Khujjasobhitattheragathavannana ye cittakathi bahussutati ayasmato khujjasobhitattherassa gatha. Ka uppatti? @Footnote: ¹ cha.Ma. panudissami ² i. vadalikadina ³ Si. pariyante ⁴ i. atidivasayam gahaneneva @⁵ Si.,Ma. ayam patho na dissati ⁶ Si. bhikkhuno ⁷ di.pati. 11/334/224 @ sangitisutta, an.atthaka. 23/186(96)/345 kusitarambhavatthusutta (sya)

--------------------------------------------------------------------------------------------- page541.

Ayam kira padumuttarassa bhagavato kale kulagehe nibbattitva vinnutam patto ekadivasam bhagavantam mahata bhikkhusamghena saddhim gacchantam disva pasannamanaso dasahi gathahi abhitthavi. So tena punnakammena devamanussesu samsaranto imasmim buddhuppade pataliputtanagare brahmanakule nibbatti, "sobhito"tissa namam ahosi. Thokam khujja- dhatukataya pana khujjasobhitotveva pannayittha. So vayappatto satthari parinibbute anandattherassa santike pabbajitva chalabhinno ahosi. Tena vuttam apadane ^1- :- "kakudham vilasantamva devadevam narasabham rathiyam patipajjantam ko disva nappasidati. Tamandhakaram ^2- nasetva santaretva bahum janam nanalokena jotantam ko disva nappasidati. Vasisatasahassehi niyyantam lokanayakam uddharantam bahu satte ko disva nappasidati. Ahanantam ^3- dhammabherim maddantam titthiye gane sihanadamva nadantam ^4- ko disva nappasidati. Yavata brahmalokamha ^5- agantvana sabrahmaka pucchanti nipune panhe ko disva nappasidati. Yassanjalim karitvana adhavanti ^6- sadevaka tena punnam anubhonti ko disva nappasidati. Sabbe jana samagantva sampavarenti cakkhumam na vikampati ajjhittho ko disva nappasidati. Nagaram pavisato yassa nadanti ^7- bheriyo bahu @Footnote: ¹ khu.apa. 33/59/83 sayampatibhaniyattherapadana (sya) ² Si. tamandhakare @³ pali. ahanitva ⁴ cha.Ma. sihanadam vinadantam ⁵ cha.Ma. brahmalokato @⁶ cha.Ma. ayacanti ⁷ cha.Ma. ravanti

--------------------------------------------------------------------------------------------- page542.

Vinadanti gaja matta ko disva nappasidati. Vithiya gacchato yassa sabbabha ^1- jotate sada abbhunnata sama honti ko disva nappasidati. Byaharantassa buddhassa cakkavalamhi suyyati sabbe satte vinnapeti ko disva nappasidati. Satasahasse ito ^2- kappe yam buddhamabhikittayim duggatim nabhijanami kittanaya idam phalam. Kilesa jhapita mayham .pe. katam buddhassa sasanan"ti. Chalabhinno pana hutva pathamamahasangitikale rajagahe sattapannaguhayam ^3- sannipatitena samghena "ayasmantam anandam amantehi"ti ^4- anatto pathaviyam nimujjitva therassa purato utthahitva samghassa sasanam arocetva sayam puretaram akasena gantva sattapannaguhadvaram sampapuni. Tena ca samayena marassa marakayikananca patisedhanattham devasanghena pesita annatara devata sattapannaguhadvare thita hoti, tassa khujjasobhito thero ^5- attano agamanam kathento:- [234] "ye cittakathi bahussuta samana pataliputtavasino tesannataroyamayuva dvare titthati khujjasobhito"ti pathamam gathamaha. Tattha cittakathiti vicittadhammakathika, sankhipanam vittharanam ^6- gambhirakaranam uttanikaranam kankhavinodanam dhammapatitthapananti evamadihi nananayehi paresam @Footnote: ¹ pali. pabha va ² cha.Ma. satasahassito ³ cha.Ma. sattapanniguhayam @⁴ i. anehiti ⁵ Si. khujjasobhitatthero ⁶ Si. vittharakaranam

--------------------------------------------------------------------------------------------- page543.

Ajjhasayanurupam dhammassa kathanasilati attho. Bahussutati pariyattipativedhabahusacca- paripuriya bahussuta. Sabbaso samitapapataya samana. Pataliputtavasino, tesannataroti pataliputtanagaravasitaya pataliputtavasino, tesam annataro, ayam ayuva dighayu ayasma. Dvare titthatiti sattapannaguhaya dvare titthati, samghassa anumatiya pavisitunti attho. Tam sutva sa devata therassa agamanam samghassa nivedenti:- [235] "ye cittakathi bahussuta samana pataliputtavasino tesannataroyamayuva dvare titthati maluterito"ti dutiyam gathamaha. Tattha maluteritoti iddhicittajanitena vayuna erito, ^1- iddhibalena agatoti attho. Evam taya devataya niveditena samghena katokaso thero samghassa santikam gacchanto:- [236] "suyuddhena suyitthena sangamavijayena ca brahmacariyanucinnena evayam sukhamedhati"ti imaya tatiyagathaya annam byakasi. Tattha suyuddhenati pubbabhage ^2- tadangavikkhambhanappahanavasena kilesehi sutthu yujjhanena. Suyitthenati antarantara kalyanamittehi dinnasappayadhammadanena. Sangamavijayena cati samucchedappahanavasena sabbaso kilesabhisankharanimmathanena @Footnote: ¹ Si. vayuna ca irito, i. vayunava erito ² Si.,i. pubbabhagena

--------------------------------------------------------------------------------------------- page544.

Laddhasangamavijayena ca. Brahmacariyanucinnenati anucinnena aggamaggabrahmacariyena. Evayam sukhamedhatiti evam vuttappakarena ayam khujjasobhito nibbanasukham phalasamapatti- sukhanca edhati, ^1- anubhavatiti attho. Khujjasobhitattheragathavannana nitthita. ----------------

The Pali Atthakatha in Roman Book 32 page 540-544. http://84000.org/tipitaka/atthapali/read_rm.php?B=32&A=12100&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=12100&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=312 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6095 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6216 The Pali Tipitaka in Roman Character :- http://84000.org/tipitaka/read/roman_read.php?B=26&A=6216 Contents of The Tipitaka Volume 26 http://84000.org/tipitaka/read/?index_26