|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
143. 6. Sitavaniyattheragathavannana 1- yo sitavananti ayasmato sambhutattherassa gatha. Ka uppatti? ito kira attharasadhikassa kappasatassa matthake atthadassi nama sambuddho 2- loke uppajjitva sadevakam lokam samsaramahoghato tarento ekadivasam mahata bhikkhusamghena saddhim gangatiram upaganchi, 3- tasmim kale ayam gahapatikule nibbatto tattha bhagavantam passitva pasannamanaso upasankamitva vanditva "kim bhante param gantukamattha"ti pucchi. Bhagava "gamissama"ti avoca. So tavadeva navasanghatam yojetva upanesi. Sattha tam anukampanto saha bhikkhusamghena navam abhiruhi. So sayam navam abhiruyha 4- sukheneva paratiram sampapetva bhagavantam bhikkhusamghanca dutiyadivase mahadanam pavattetva anugantva pasannacitto vanditva nivatti. So tena punnakammena devamanussesu samsaritva ito terasadhikakappasatassa matthake khattiyakule nibbattitva raja ahosi cakkavatti dhammiko dhammaraja. So satte sugatimagge patitthapetva tato cuto ekanavutikappe vipassissa bhagavato sasane pabbajitva dhutadhamme samadaya susane vasanto samanadhammam akasi. Puna kassapassa bhagavato kalepi tassa sasane tihi sahayehi saddhim pabbajitva visativassa- sahassani samanadhammam katva ekam buddhantaram devamanussesu samsaritva imasmim buddhuppade rajagahe brahmanamahasalassa putto hutva nibbatti. Tassa "sambhuto"ti namam akamsu. So vayappatto brahmanasippesu nipphattim gato. Bhumijo jeyyaseno abhiradhanoti tihi sahayehi saddhim bhagavato santikam gato dhammadesanam sutva patiladdhasaddho pabbaji. Ye sandhaya vuttam:- @Footnote: 1 ka. sambhutattheragathavannana 2 ka. sammasambuddho 3 cha.Ma. upagacchi @4 cha.Ma. so sayampi abhiruyha, Ma. sayam abhiruyha--------------------------------------------------------------------------------------------- page67.
"bhumijo jeyyaseno ca sambhuto abhiradhano ete dhammam abhinnasum sasane varatadino"ti. Atha sambhuto bhagavato santike kayagatasatikammatthanam gahetva nibaddham sitavane vasati. Tenevayasma "sitavaniyo"ti pannayittha. Tena ca samayena vessavano maharaja kenacideva karaniyena jambudipe dakkhinadisabhagam uddissa akasena gacchanto theram abbhokase nisiditva kammatthanam manasikarontam disva vimanato oruyha theram vanditva "yada thero samadhito vutthahissati, tada mama agamanam arocetha, arakkhancassa karotha"ti dve yakkhe anapetva pakkami. Te therassa samipe 1- thatva manasikaram patisamharitva nisinnakale arocesum. Tam sutva thero "tumhe mama vacanena vessavanamaharajassa kathetha, bhagavata attano sasane thitanam satiarakkha nama thapita atthi, sayeva madise rakkhati, tvam tattha 2- appossukko hohi, bhagavato ovade thitanam edisaya arakkhaya karaniyam natthi"ti te vissajjetva tavadeva vipassanam vaddhetva vijjattayam sacchakasi. Tato vessavano nivattamano therassa samipam patva sammukhakara 3- sallakkhanenevassa katakiccabhavam natva savatthim gantva bhagavato arocetva satthu sammukho 4- theram abhitthavanto:- "satiarakkhasampanno dhitima viriyasamahito anujato satthu sambhuto tevijjo maccuparagu"ti imaya gathaya therassa gune vannesi. Tena vuttam apadane 5-:- "atthadassi tu bhagava dipadindo narasabho @Footnote: 1 Si. santike 2 Si. tvam tata 3 cha.Ma. mukhakara.. 4 cha.Ma. sammukha @5 khu.apa. 32/15/280 taraniyattherapadana--------------------------------------------------------------------------------------------- page68.
Purakkhato savakehi gangatiramupagami. Samatitti kakapeyya ganga asi duruttara uttarayim 1- bhikkhusamgham buddhanca dipaduttamam. Attharase kappasate yam kammamakarim tada duggatim nabhijanami taranaya idam phalam. Terasito 2- kappasate panca sabbobhava ahum sattaratanasampanna cakkavatti mahabbala. Pacchime ca bhave asmim jatoham brahmane kule saddhim tihi 3- sahayehi pabbajim satthu sasane. Kilesa jhapita mayham .pe. Katam buddhassa sasanan"ti. Athayasma sambhuto bhagavantam dassanaya gacchante bhikkhu disva "avuso mama vacanena bhagavato pade sirasa vandatha, evanca vadetha"ti vatva dhammadhikaranam attano satthu avihethitabhavam 4- pakasento "yositavanan"ti gathamaha. Te bhikkhu bhagavantam upasankamitva vanditva sambhutattherassa sasanam sampativedenta 5- "ayasma bhante sambhuto bhagavato pade sirasa vandati, evanca vadati"ti vatva tam katham 6- arocesum, tam sutva bhagava "pandito bhikkhave sambhuto bhikkhu paccapadi dhammassanudhammam, na ca mam dhammadhikaranam vihetheti. 7- Vessavanena tassattho 8- mayham arocito"ti aha. [6] Yam pana te bhikkhu sambhutattherena vuttam 9- :- @Footnote: 1 ka. uttaresim 2 cha.Ma. teraseto 3 pali. tehi (mahacula.) 4 Ma. avisodhitabhavam @5 Si. nivedenta, cha.Ma. sampavedenta 6 cha.Ma. tam gatham 7 Si. paccayadidhammassa @ anudhammam patipanno na mamam dhammadhikaranam vihesesi 8 Si. tassevayamattho @9 Si. yam panete bhikkhu tattha tattha therena vuttam--------------------------------------------------------------------------------------------- page69.
1- "yo sitavanam upaga bhikkhu eko santusito samahitatto vijitavi apetalomahamso rakkham kayagatasatim dhitima"ti gatham satthu nivedesum. 1- Tattha sitavananti evamnamakam rajagahasamipe mahantam bheravam susanavanam. Upagati nivasanavasena upaganchi. 2- Etena bhagavata anunnatam pabbajitanurupam nivasanatthanam dasseti. Bhikkhuti samsare bhayassa ikkhanato bhinnakilesataya ca bhikkhu. Ekoti adutiyo, adutiyo, etena kayavivekam dasseti. Santusitoti santuttho. Etena catupaccayasantosalakkhanam ariyavamsam dasseti. Samahitattoti upacarappanabhedena samadhina samahitacitto, etena vivekabhavanamukhena 3- bhavanaramam ariyavamsam dasseti. Vijitaviti sasane sammapatipajjantena vijetabbam kilesaganam vijitva thito, etena upadhivivekam dasseti. Bhayahetunam kilesanam apagatatta apetalomahamso, etena sammapatipattiya phalam dasseti. Rakkhanti rakkhanto. Kayagatasatinti kayarammanam satim, kayagatasatikammatthanam paribruhanavasena avissajjento. Dhitimati dhiro, samahitattam vijitavibhavatam va 4- upadaya patipattidassanametam. Ayam hettha sankhepattho:- so bhikkhu vivekasukhanupekkhaya eko sitavanam upagami, upagato ca lolabhavabhavato santuttho dhitima kayagatasatikammatthanam bhavento tathadhigatam jhanam padakam katva araddhavipassanam ussukkapetva adhigatena aggamaggena samahito vijitavi ca hutva katakiccataya bhayahetunam sabbaso apagatatta apetalomaham so jatoti. Sitavaniyattheragathavannana nitthita. @Footnote: 1-1 cha.Ma. "yo sitavanan"ti gatham satthu nivedesum 2 cha.Ma. upagacchi @3 cha.Ma. cittaviveka... 4 Si. samahitatta vijitavi, vibhavi, tam vaThe Pali Atthakatha in Roman Book 32 page 66-69. http://84000.org/tipitaka/atthapali/read_rm.php?B=32&A=1495&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=1495&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=143 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5006 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5318 The Pali Tipitaka in Roman Character :- http://84000.org/tipitaka/read/roman_read.php?B=26&A=5318 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]