ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                  146. 9. Pilindavacchattheragathavannana
      svagatanti ayasmato pilindavacchattherassa gatha. Ka uppatti?
      ayam kira padumuttarabuddhakale hamsavatinagare mahabhogakule nibbatto hettha
vuttanayeneva satthu santike dhammam sunanto sattharam ekam bhikkhum devatanam
piyamanapabhavena aggatthane thapentam disva aggatthanantaram 1- patthetva yavajivam
kusalam katva tato cuto devamanussesu samranto sumedhassa bhagavato kale manussaloke
nibbattitva bhagavati parinibbute satthu thupassa pujam katva samghe ca mahadanam
pavattetva tato cuto devamanussesueva samsaranto anuppanne buddhe cakkavatti raja
hutva mahajanam pancasu silesu patitthapetva saggaparayanam akasi. So anuppanneyeva
amhakam bhagavati savatthiyam brahmanagehe nibbatti. "pilindo"tissa 2-
namam akamsu. Vacchoti pana gottam. Tena so aparabhage "pilindavaccho"ti 3- pannayittha.
Samsare pana samvegabahulataya paribbajakapabbajjam pabbajitva culagandharam nama
vijjam sadhetva taya vijjaya akasacari paracittavidu ca hutva rajagahe
labhaggayasaggappatto pativasati.
      Atha yada amhakam bhagava abhisambuddho hutva anukkamena rajagaham upagato,
tato patthaya buddhanubhavena tassa sa vijja na sampajjati, attano kiccam
na sadheti. So cintesi "sutam kho pana metam acariyapacariyanam bhasamananam
`yattha mahagandharavijja dharati, tattha culagandharavijja na sampajjati'ti, 4- samanassa
pana gotamassa agatakalato patthaya nayam mama vijja sampajjati, nissamsayam samano
gotamo mahagandharavijjam janati, yannunaham tam payirupasitva tassa santike
tam vijjam pariyapuneyyan"ti. So bhagavantam upasankamitva etadavoca "aham mahasamana
@Footnote: 1 cha.Ma. tam thanantaram  2 Si. pilinditissa 3 Si. pilindivacchoti 4 Ma. na sampajji
Tava santike ekam vijjam pariyapunitukamo, okasam me karohi"ti. Bhagava "tenahi
pabbaja"ti 1- aha. So "vijjaya parikammam pabbajja"ti mannamano pabbaji. Tassa
bhagava dhammam kathetva caritanukulam kammatthanam adasi. So upanissayasampannataya
na cirasseva vipassanam vaddhetva arahattam papuni. Ya pana purimajatiyam tassovade
thatva sagge nibbatta devata, tam katannutam nissaya sanjatabahumana sayam
patam theram payirupasitva gacchanti. Tasma thero devatanam piyamanapataya aggattam
patto. Tena vuttam apadane:- 2-
         "nibbute lokanathamhi       sumedhe aggapuggale
          pasannacitto sumano        thupapujam akasaham.
          Ye ca khinasava tattha      chalabhinna mahiddhika
          teham 3- tattha samanetva  samghabhattam akasaham.
          Sumedhassa bhagavato         upatthako tada ahu
          sumedho nama namena      anumodittha so tada.
          Tena cittappasadena       vimanam upapajjaham
          chalasitisahassani          accharayo ramimsu 4- me.
          Mameva anuvattanti         sabbakamehi ta sada 5-
          anne deve abhibhomi 6-   punnakammassidam phalam.
          Pancavisatikappamhi 7-       varuno nama khattiyo
          visuddhabhojano asim        cakkavatti aham tada.
          Na te bijam pavappanti       napi niyanti nangala
          akatthapakimam salim         paribhunjanti manusa.
@Footnote: 1 Si. pabbajahi  2 khu.apa. 32/55/84 pilindavacchattherapadana   3 Si. tesam  4 ka.,Ma.
@  ahesum   5 Ma. sabbakamasamahita  6 Ma. abhikkami  7 cha.Ma. pancavisamhi kappamhi
          Tattha rajjam karitvana       devattam puna gacchaham
          tadapi edisa mayham       nibbatta bhogasampada.
          Na mam mitta amitta va    himsanti sabbapanino
          sabbesam ca 1- piyo homi   punnakammassidam phalam.
          Timsakappasahassamhi          yam danamadadim tada
          duggatim nabhijanami        gandhalepassidam phalam.
          Imamhi bhaddake kappe      eko asim janadhipo
          mahanubhavo rajisi 2-     cakkavatti mahabbalo.
          Soham pancasu silesu        thapetva janatam bahum
          papetva sugatimyeva       devatanam piyo ahum.
          Kilesa jhapita mayham .pe. Katam buddhassa sasanan"ti.
      Tatha devatahi ativiya piyayitabbabhavato imam theram bhagava devatanam piyamanapa-
bhavena aggatthane thapesi "etadaggam bhikkhave mama savakanam bhikkhunam devatanam
piyamanapanam yadidam pilindavaccho"ti. 3- So ekadivasam bhikkhusamghamajjhe nisinno
attano gune paccavekkhitva tesam karanabhutam vijjanimittam bhagavato santike agamanam
pasamsanto:-
      4- "svagatam napagatam          nayidam dummantitam mama
          pavibhattesu dhammesu        yam settham tadupagamin"ti
gatham abhasi. 4-
      [9] Tattha svagatanti sundaram agamanam, idam mamati sambandho. Athava
svagatanti sutthu agatam, mayati vibhatti viparinametabba. Napagatanti 5- na apagatam
@Footnote: 1 cha.Ma. sabbesampi  2 cha.Ma. rajaham, Ma. rajasim 3 an.ekaka. 20/215/24 etadaggavagga
@4-4 cha.Ma. "svagatam napagatan"ti gatham abhasi   5 Ma.na duragatanti
Hitabhivuddhito na apetam. Nayidam dummantitam 1- mamati idam mama sutthu kathitam,
sutthu va vimamsitam na hoti. Idam vuttam hoti:- yam bhagavato santike mamagamanam, yam va
maya tattha agatam, tam svagatam, svagatattayeva na duragatam. Yam "bhagavato santike
dhammam sutva pabbajissami"ti mama mantitam gaditam kathitam, cittena va vimamsitam 2-
idampi na dummantinti. Idani tattha karanam dassento "pavibhattesu"ti- 3-
adimaha. Pavibhattesuti pakarato vibhattesu. Dhammesuti neyyadhammesu, samathadhammesu
va, 4- nanatitthiyehi pakatiadivasena, sammasambuddhehi dukkhadivasena samvibhajitva
vuttadhammesu. Yam settham tadupagaminti yam tattha settham, tam catusaccadhammam, tassa va
bodhakasasanadhammam upagamim "ayam dhammo ayam vinayo"ti upagacchim. Sammasambuddhehieva
va kusaladivasena khandhadivasena yathasabhavato samvibhattesu sabhavadhammesu yam
tattha settham uttamam varam, tam varam maggaphalanibbanadhammam 5- upagamim, attani
paccakkhato 6- upagacchim sacchakasim, tasma svagatam mama na apagatam sumantitam na
dummantitanti yojana.
                   Pilindavacchattheragathavanna nitthita.
                         --------------



             The Pali Atthakatha in Roman Book 32 page 75-78. http://84000.org/tipitaka/atthapali/read_rm.php?B=32&A=1699&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=1699&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=146              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5025              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5335              The Pali Tipitaka in Roman Character :- http://84000.org/tipitaka/read/roman_read.php?B=26&A=5335              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]