ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                 155. 8. Singalapitatheragathavannana 5-
      ahu buddhassa dayadoti singalapitatherassa 6- gatha. Tassa 7- ka
uppatti?
      so kira ito catunavute kappe sataramsim nama paccekasambuddham pindaya
carantam disva pasannamanaso vanditva attano hatthagatam talaphalam adasi. Tena
punnakammena devaloke nibbatto aparaparam punnani katva sugatisuyeva samsaranto
@Footnote: 1 khu.apa. 33/97-8/147 (sya)   2 ka. ajino  3 cha.Ma. ankusabhuta
@4 cha.Ma. tayidam   5 pali. singalatthera..., cha.Ma. singalapitutthera...
@6 Si. sigala    7 cha.Ma. ayam patho na dissati
Kassapassa bhagavato kale manussayoniyam nibbatto sasane patiladdhasaddho hutva
pabbajitva atthikasannam bhavesi. Puna imasmim buddhuppade savatthiyam kulagehe
nibbattitva vayappatto darapariggaham katva ekam puttam labhitva tassa
"singalo"ti 1- namam adasi. 2- Tena nam singalapitati voharanti. So aparabhage
gharabandham 3- pahaya sasane pabbaji. Tassa bhagava ajjhasayam olokento 4-
atthikasannakammatthanam adasi. So tam gahetva bhaggesu viharati sumsumaragire 5-
bhesakalavane, athassa tasmim vane adhivattha devata ussahajananattham "bhavanaphalam 6-
na cirasseva hatthagatam karissati"ti 7- imamattham annapadesena vibhaventi:-
       8- "ahu buddhassa dayado     bhikkhu bhesakalavane
           kevalam atthisannaya       aphari pathavim imam
           manneham kamaragam so     khippameva pahiyati"ti
gatham abhasi. 8-
      [18] Tattha ahuti hoti, vattamanatthe hi idam atitakalavacanam. Buddhassati
sabbannubuddhassa. Dayadoti dhammadayado navavidhassa lokuttaradhammadayassa 9-
attano sammapatipattiya adayako ganhanako. Athava ahuti ahosi. Evamnamassa
buddhassa dayadabhave koci nibandho idaneva bhavissatiti adhippayo. Tenaha "manneham
kamaragam so, khippameva pahiyati"ti. 10- Bhesakalavaneti bhesakena nama yakkhena labhitatta
pariggahitatta, bhesakalanam va kaladinam 11- bahulataya "bhesakalavanan"ti laddhaname aranne.
Tassa bhikkhuno buddhassa dayadabhave karanam 12- vadanto "kevalam atthisannaya, 13-
aphari pathavim iman"ti aha. Tattha kevalanti sakalam anavasesam.
@Footnote: 1 cha.Ma. singalako  2 cha.Ma. akasi  3 cha.Ma. gharabandhanam  4 Si., Ma. oloketva
@5 cha.Ma. susumaragire  6 Ma. bhavanabalam 7 Si. karissamiti
@8-8 cha.Ma. "ahu buddhassa dayado"ti gatham abhasi, ka....aha  9 Si....dhammadayadassa
@10 cha.Ma. vahissatiti 11 cha.Ma. katthadinam 12 Si. dayadabhavakaranam 13 Si. atthikasannaya
Atthisannayati atthikabhavanaya. Aphariti "atthi"ti adhimuccanavasena patthari. Pathavinti
attabhavapathavim. Attabhavo hi idha "pathavi"ti vutto "ko imam pathavim vijessati"ti- 1-
adisu viya. Mannehanti manne aham. "mannahan"tipi patho. Soti so
bhikkhu. Khippameva na carisseva kamaragam pahissati pajahissatiti manne. Kasma?
atthikasannaya kamaragassa ujupatipakkhabhavato. Idam vuttam hoti:- yo ekasmim
padese laddhaya atthikasannaya sakalam attano sabbesam va attabhavam "atthi"tveva
pharitva thito, so bhikkhu tam atthikajhanam padakam katva vipassanto na cireneva
anagamimaggena kamaragam, sabbam va kamanatthena "kamo ", ranjanatthena
"rago"ti ca laddhanamam tanham aggamaggena pajahissatiti. Imam gatham sutva so
thero "ayam devata mayham ussahajananattham evamaha"ti appativanaviriyam adhitthaya
vipassanam vaddhetva arahattam papuni.   tena vuttam apadane 2-:-
          "sataramsi nama bhagava        sayambhu aparajito
           viveka utthahitvana 3-    gocarayabhinikkhami.
           Phalahattho aham disva 4-    upagacchim narasabham
           pasannacitto sumano        talaphalamadasaham.
           Catunnavutito kappe        yam phalam adadim tada
           duggatim nabhijanami        phaladanassidam phalam.
           Kilesa jhapita mayham .pe. Katam buddhassa sasanan"ti.
      Arahattam pana patva taya devataya vuttavacanam patimanento tameva gatham
udanavasena abhasi. Tadevassa therassa annabyakaranam ahositi.
               Singalapitatheragathavannana nitthita.
@Footnote: 1 cha.Ma. viccessati, khu.dhamMa. 25/44/24 pancasatabhikkhuvatthu  2 khu.apa. 33/99/149
@  talaphaliyattherapadana (sya)  3 pali. vutthahitvana  4 Si. phalahattho tam disvana



             The Pali Atthakatha in Roman Book 32 page 105-107. http://84000.org/tipitaka/atthapali/read_rm.php?B=32&A=2393&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=2393&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=155              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5084              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5381              The Pali Tipitaka in Roman Character :- http://84000.org/tipitaka/read/roman_read.php?B=26&A=5381              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]