ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                   160. 3. Gosalattheragathavannana
      aham kho velugumbasminti ayasmato gosalattherassa 1- gatha. Ka uppatti?
      sopi 2- purimabuddhesu katadhikaro tattha tattha vivattupanissayam kusalam acinanto
ito ekanavute kappe annatarasmim pabbate rukkhasakhayam olambamanam paccekabuddhassa
pamsukulacivaram disva "arahaddhajo 3- vatayan"ti pasannacitto pupphehi pujesi.
So tena punnakammena tavatimsabhavane nibbatto. Tato patthaya devamanussesuyeva
samsaranto imasmim buddhuppade magadharatthe ibbhakule 4- nibbatto gosalo 5- nama
namena. Sonena pana kotikannena 6- kataparicayatta tassa pabbajitabhavam sutva
"sopi nama mahavibhavo pabbajissati, kimangam panahan"ti sanjatasamvego bhagavato
santike pabbajitva cariyanukulam kammatthanam gahetva sappayam vasanatthanam 7-
gavesanto attano jatagamassa avidure ekasmim sanupabbate vihasi. Tassa mata
divase divase bhikkham deti. Athekadivasam gamam pindaya pavitthassa mata madhusakkhara-
bhisankhatam payasam adasi. So tam gahetva tassa pabbatassa chayayam 8- annatarassa
velugumbassa mule nisiditva paribhunjitva dhovita 9- pattapani vipassanam
arabhi. Bhojanasappayalabhena kayacittanam kallataya samahito udayabbayananadike
tikkhe sure vahante appakasireneva vipassanam ussukkapetva maggapatipatiya bhavanam
matthakam papento saha patisambhidahi arahattam sacchakasi. Tena vuttam apadane 10- :-
          "himavantassa avidure      udangano 11- nama pabbato
           tatthaddasam pamsukulam        dumaggamhi vilambitam. 12-
           Tini kinkanipupphani       ocinitvanaham tada
           hattho pahatthena cittena  pamsukulam apujayim.
@Footnote: 1 Ma. gopalattherassa   2 Si. so kira   3 Ma. arahattadhajo   4 Si. iddhe kule
@5 Ma. gopalo  6 Si. so pana kotikannena  7 Si.sappayasenasanam  8 Ma. upacchayayam
@9 Si. dhota...  10 khu.apa. 33/82/126 pamsukulapujakattherapadana (sya)
@11 pali. udabbalo, Si. urago   12 Ma. vilaggitam
           Tena kammena sukatena       cetanapanidhihi ca
           jahitva manusam deham        tavatimsam agacchaham.
           Ekanavute ito kappe      yam kammamakarim tada
           duggatim nabhijanami         pujitva arahaddhajam.
           Kilesa jhapita mayham .pe.  katam buddhassa sasanan"ti.
      Arahattam pana adhigantva ditthadhammasukhaviharattham pabbatasanumeva gantukamo
attano patipattim pavedento:-
       1- "aham kho velugumbasmim        bhutvana madhupayasam
           padakkhinam sammasanto         khandhanam udayabbayam
           sanum patigamissami         vivekamanubruhayan"ti
gatham abhasi. 1-
      [23] Tattha velugumbasminti velugacchassa samipe, tassa chayayam. Bhutvana
madhupayasanti madhupasittapayasam 2- bhunjitva. Padakkhinanti padakkhinaggahena,
satthu ovadassa samma sampaticchanenati attho. Sammasanto khandhanam
udayabbayanti pancannam upadanakkhandhanam udayabbayanca vipassanto, yadipi idani 3-
katakicco, phalasamapattim  pana samapajjitum vipassanam patthapentoti adhippayo.
Sanum patigamissamiti pubbe maya vutthapabbatasanumeva uddissa gacchissami.
Vivekamanubruhayanti patipassaddhivivekam phalasamapattikayavivekanca paribruhayanto, tassa
va paribruhanahetu gamissamiti. Evam pana vatva thero tattheva gato. Ayameva
ca imassa therassa annabyakaranagatha ahosi.
                    Gosalattheragathavannana nitthita.
@Footnote: 1-1 cha.Ma."aham kho velugumbasmin"ti gatham abhasi
@2 Ma. madhusittapayasam           3 Ma. idhapi



             The Pali Atthakatha in Roman Book 32 page 120-121. http://84000.org/tipitaka/atthapali/read_rm.php?B=32&A=2711&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=2711&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=160              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5117              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5406              The Pali Tipitaka in Roman Character :- http://84000.org/tipitaka/read/roman_read.php?B=26&A=5406              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]