ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                    162. 5. Nandiyattheragathavannana
      obhasajatanti ayasmato nandiyattherassa gatha. Ka uppatti?
      so kira padumuttarassa bhagavato kale satthari parinibbute cetiye candanasarena
vedikam karetva ularam pujasakkaram pavattesi. Tato patthaya ajjhasayasampanno
hutva tattha tattha vivattupanissayam bahum punnakammam acinitva devesu ca manussesu
ca samsaranto imasmim buddhuppade kapilavatthusmim sakyarajakule nibbatti. Tassa
matapitaro nandim janento jatoti nandiyoti namam akamsu. So vayappatto
anuruddhadisu satthu santike pabbajantesu sayampi pabbajitva vipassanaya kammam
@Footnote: 1 Si. upagatavasso  2 Si. anupacchatogatam vassam, Ma. anugatam vassam
@3-3 Si. yattha anuvassikenevam pabbajjato pubbenivasananam   4 Si. kapilavatthunagare
Karonto katadhikarataya na cirasseva arahattam papuni. Tena vuttam apadane 1-:-
          "padumuttaro nama jino       lokajettho narasabho
           jalitva aggikkhandhova       sambuddho parinibbuto.
           Nibbute ca mahavire        thupo vitthariko ahu
           thupadattam 2- upatthenti      dhatugehavaruttame.
           Pasannacitto sumano         akam candanavedikam
           diyati dhupagandho ca 3-       thupanucchavikam 4- tada.
           Bhave nibbattamanamhi        devatte atha manuse
           omattam 5- me na passami   pubbakammassidam phalam.
           Pancadasakappasate           ito attha jana ahum
           sabbe samattanama te      cakkavatti mahabbala.
           Kilesa jhapita mayham .pe.  katam buddhassa sasanan"ti.
      Arahattam pana patva anuruddhattheradihi saddhim pacinavamsamigadaye viharante
imasmim there ekadivasam maro papima bhimsapetukamo 6- tassa bheravarupam dasseti.
Thero tam "maro ayan"ti natva "papima ye maradheyyam vitivatta, tesam tava
kiriya kim karissati, tatonidanam pana tvameva vighatam anattham papunissasi"ti
dassento:-
       7- "obhasajatam phalagam          cittam yassa abhinhaso
           tadisam bhikkhumasajja         kanha dukkham nigacchasi"ti
gatham abhasi. 7-
@Footnote: 1 khu.apa. 32/15/235 saparivariyattherapadana   2 cha.Ma. duratova, Si. ahorattam
@3 cha.Ma. dissati thupakhandho ca, Si. diyati dhumakkhandho ca  4 cha.Ma. thupanucchaviko
@5 Si. unatam  6 Si. bhayapetukamo  7-7 cha.Ma. "obhasajatam phalagan"ti gatham abhasi
      [25] Tattha obhasajatanti nanobhasena jatobhasam aggamaggananassa
adhigatatta. Tena anavasesato kilesandhakarassa vihataviddhamsitabhavato ativiya pabhassaranti
attho. Phalaganti phalam gatam upagatam 1-, aggaphalananasahitanti adhippayo. Cittanti
khinasavassa cittam samannena vadati. Tenaha "abhinhaso"ti. Tanhi nirodhaninnataya 2-
khinasavanam niccakappam arahattaphalasamapattisamapajjanato "phalena sahitan"ti
vattabbatam arahati. Tadisanti tatharupam, arahantanti attho. Asajjati visodhetva 3-
paribhuyya. Kanhati maram alapati, so hi kanhakammatta kanhabhijatitaya 4-
ca "kanho"ti vuccati. Dukkham nigacchasiti idha kucchianuppavesadina niratthakam
kayaparissamam dukkham, samparaye ca appatikaram apayadukkham upagamissasi papunissasi.
Tam sutva maro "janati mam samano"ti tatthevantaradhayiti.
                    Nandiyattheragathavannana nitthita.
                          -------------



             The Pali Atthakatha in Roman Book 32 page 124-126. http://84000.org/tipitaka/atthapali/read_rm.php?B=32&A=2814&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=2814&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=162              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5126              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5413              The Pali Tipitaka in Roman Character :- http://84000.org/tipitaka/read/roman_read.php?B=26&A=5413              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]