AtthaPali Vol.32

169. 2. Suppiyattheragathavannana ajaram jiramanenati ayasmato suppiyattherassa gatha. Ka uppatti? so kira padumuttarassa bhagavato kale kulagehe nibbattitva tapasapabbajjam pabbajitva arannayatane vasanto tattha bhagavantam disva pasannamanaso phalaphalam adasi, tatha bhikkhusamghassa. So tena punnakammena devamanussesu samsaranto kassapassa sammasambuddhassa kale khattiyakule nibbattitva anukkamena vinnutam patto kalyanamittasannissayena laddhasamvego sasane pabbajitva bahussuto ahosi. Jatimadena sutamadena ca attanam ukkamsento pare ca vambhento vihasi. So imasmim buddhuppade tassa kammassa nissandena savatthiyam paribhutarupe susanagopakakule nibbatti. Suppiyotissa namam ahosi. Atha vinnutam patto attano sahayabhutam sopakattheram upasankamitva tassa santike dhammam sutva patiladdhasamvego pabbajitva sammapatipattim puretva:- ^1- "ajaram jiramanena tappamanena nibbutim nimiyam ^2- paramam santim yogakkhemam anuttaran"ti gatham abhasi. ^1- [32] Tattha ajaranti jararahitam, nibbanam sandhayaha. Tam hi ajatatta ^3- natthi ettha jara, etasmim va adhigate puggalassa sa natthiti jarabhavahetutopi ajaram nama. Jiramanenati jirantena, khane khane jaram papunantena. Tappamanenati santappamanena, ragadihi ekadasahi aggihi dayhamanena. Nibbutinti yathavutta- santapabhavato nibbutasabhavam ^4- nibbanam. Nimiyanti ^5- parivatteyyam cetapeyyam. @Footnote: ^1-1 cha.Ma. "ajaram jiramanena"ti gatham abhasi ² pali. niramisam (khu.thera. 26/32/266) @³ Ma. ajaratta ⁴ Si. nibbutabhavo ⁵ Si. nimmissanti Paramam santinti anavasesakilesabhisankharaparilahavupasamadhammataya uttamam santim. Catuhi yogehi ananubandhatta yogakkhemam. Attano uttaritarassa kassaci abhavato anuttaram. Ayam hettha sankhepattho:- khane khane jaraya abhibhuyyamanatta jiramanena, tatha ragaggiadihi santappamanena gato evam aniccena dukkhena asarena sabbathapi anupasantasabhavena saupaddavena, tappatipakkhabhavato ajaram, paramupasamabhutam kenaci anupaddutam anuttaram nibbanam nimiyam ^1- parivatteyyam "maha vata me labho maha udayo hatthagato"ti. Yatha hi manussa yam kinci bhandam parivattenta nirapekkha gayhamanena sambahumana honti, evamayam thero pahitatto viharanto attano kaye ca jivite ca nirapekkhatam, ^2- nibbanam patipesitattanca ^3- pakasento "nimiyam paramam santim, yogakkhemam anuttaran"ti vatva tameva patipattim paribruhayanto vipassanam ussukkapetva arahattam papuni. Tena vuttam apadane ^4- :- "varuno nama namena brahmano mantaparagu chaddetva dasa puttani vanamajjhogahim ^5- tada. Assamam sukatam katva suvibhattam manoramam pannasalam karitvana vasami pavane ^6- aham. Padumuttaro lokavidu ahutinam patiggaho mamuddharitukamo so aganchi ^7- mama assamam. Yavata vanasandamhi obhaso vipulo ahu buddhassa anubhavena pajjali pavanam ^6- tada. Disvana tam patihiram buddhasetthassa tadino pattaputam gahetvana phalena pujayim aham. @Footnote: ¹ Si. nimmissam ² Si. nirapekkham ³ Si. patisevitabbatanca ⁴ khu.apa. 33/109/159 @ sabbaphaladayakattherapadana (sya) ⁵ Si. vanamajjhogamim, ka....gatim @⁶ cha.Ma. vipine, pivinam ⁷ cha.Ma. agacchi Upagantvana sambuddham saha kharimadasaham ^1- anukampaya me buddho imam ^2- vacanamabravi. Kharibharam gahetvana pacchato ehi me tuvam paribhutte ca samghamhi punnam tava bhavissati. Putakam tam gahetvana bhikkhusamghassadasaham tattha cittam pasadetva tusitam upapajjaham. Tattha dibbehi naccehi gitehi vaditehi ca punnakammena samyuttam anubhomi sada sukham. Yam yam yonupapajjami devattam atha manusam bhoge me unata natthi phaladanassidam phalam. Yavata caturo dipa sasamudda sapabbata phalam buddhassa datvana issaram karayamaham. Yavata ye pakkhigana akase uppatanti ce tepi me vasamanventi phaladanassidam phalam. Yavata vanasandamhi yakkha bhuta ca rakkhasa kumbhanda garula capi paricariyam upenti me. Kumma sona ^3- madhukara damsa ca makasa ubho tepi mam vasamanventi phaladanassidam phalam. Supanna nama sakuna pakkhijata ^4- mahabbala tepi mam saranam yanti phaladanassidam phalam. Yepi dighayuka naga iddhimanto mahayasa tepi mam vasamanventi phaladanassidam phalam. @Footnote: ¹ Si. sakam kharim ² cha.Ma. idam ³ i. kumbhasona ⁴ Si. pakkhajata Siha bayaggha ca dipi ca acchakokataracchaka ^1- tepi mam vasamanventi phaladanassidam phalam. Osadhi tinavasi ca ye ca akasavasino sabbe mam saranam yanti phaladanassidam phalam. Sududdasam sunipunam gambhiram suppakasitam phassayitva viharami phaladanassidam phalam. Vimokkhe attha phusitva viharami anasavo atapi nipako caham phaladanassidam phalam. Ye phalattha buddhaputta khinadosa mahayasa ahamannataro tesam phaladanassidam phalam. Abhinnaparamim gantva sukkamulena codito sabbasave parinnaya viharami anasavo. Tevijja iddhipatta ca buddhaputta mahayasa dibbasotam samapanna tesam annataro aham. Satasahassito kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. Katam buddhassa sasanan"ti. Arahattam pana patvapi tameva gatham annabyakaranavasena abhasi. Suppiyattheragathavannana nitthita. ------------- @Footnote: ¹ Si. acchaka ca taracchaka

The Pali Atthakatha in Roman Book 32 page 142-145. http://84000.org/tipitaka/atthapali/read_rm.php?B=32&A=3187&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3187&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=169 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5169 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5442 The Pali Tipitaka in Roman Character :- http://84000.org/tipitaka/read/roman_read.php?B=26&A=5442 Contents of The Tipitaka Volume 26 http://84000.org/tipitaka/read/?index_26