ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                 174. 7. Kumaputtasahayattheragathavannana
      nanajanapadam yantiti ayasmato kumaputtasahayattherassa gatha. Ka
uppatti?
      so kira purimabuddhesu katadhikaro tattha tattha bhave 4- vivattupanissayam kusalam
upacinanto ito catunavute kappe siddhatthassa bhagavato kale kulagehe nibbattitva
vinnutam patto arannam pavisitva bahum rukkhadandam chinditva kattarayatthim 5- katva
samghassa adasi. Annanca yathavibhavam punnam katva devesu nibbattitva tato
patthaya sugatisuyeva parivattento imasmim buddhuppade velukantakanagare iddhe kule
nibbatti. Sudantotissa 6- namam ahosi. "vasulo"ti keci vadanti. So kumaputtassa
piyasahayo hutva vicaranto "kumaputto pabbajito"ti sutva "na
hi nuna so orako dhammavinayo, yattha kumaputto pabbajito"ti tadanubandhena
sayampi pabbajitukamo hutva satthu santikam upasankami. Tassa sattha dhammam desesi.
@Footnote: 1 Si.,Ma. samannabhavo  2 Ma. vatthuaparigahakassa  3 cha.Ma...pariggahapatiggahanarahitassati
@4 cha.Ma. ayam patho na dissati  5 Si. kattarayatthiyo  6 Si. sudatto
So bhiyyoso mattaya pabbajjaya sanjatachando pabbajitva kumaputteneva saddhim
pariyantapabbate bhavananuyutto viharati. Tena ca samayena sambahula bhikkhu nana-
janapadesu janapadacarikam carantapi gacchantapi agacchantapi tam thanam upagacchanti.
Tena tattha kolahalam hoti. Tam disva sudantatthero "ime bhikkhu niyyanikasasane
pabbajitva janapadavitakkam anuvattenta cittasamadhim viradhenti"ti samvegajato tameva
samvegam attano cittadamanassa ankusam karonto:-
       1- "nanajanapadam yanti       vicaranta asannata
           samadhinca viradhenti     kimsu ratthacariya karissati
           tasma vineyya sarambham   jhayeyya apurakkhato"ti
gatham abhasi. 1-
      [37] Tattha nanajanapadanti visum visum nanavidham janapadam, kasikosaladi-
anekaratthanti 2- attho. Yantiti gacchanti. Vicarantati "asuko janapado subhikkho
sulabhapindo, asuko khemo arogo"tiadivitakkavasena janapadacarikam caranta.
Asannatati tasseva janapadavitakkassa appahinataya cittena asamyata. Samadhinca
viradhentiti sabbassapi uttarimanussadhammassa mulabhutam upacarappanabhedam samadhinca
nama viradhenti. Casaddo sambhavane. Desantaracaranena jhayitum okasabhavena
anadhigatam samadhim nadhigacchanta, adhigatanca vasibhavanapadanena jiranta viradhenti
nama. Kimsu ratthacariya karissatiti suti nipatamattam. "evambhutanam ratthacariya
janapadacarika kim karissati, kim nama attham sadhessati, niratthakava"ti garahanto
vadati. Tasmati yasma idisi desantaracariya bhikkhussa na atthavaha, apica kho
anatthavaha sampattinam 3- viradhanato, tasma. Vineyya sarambhanti vasanapadese
arativasena uppannam sarambham cittasankilesam tadanurupena patisankhanena vinetva
@Footnote: 1-1 cha.Ma. "nanajanapadam yanti"ti gatham abhasi  2 Si. kasikosaladibhedam anekaratthanti
@3 Si. samapattinam
Vupasametva. Jhayeyyati arammanupanijjhanena lakkhanupanijjhanena cati duvidhenapi
jhanena jhayeyya. Apurakkhatoti micchavitakkehi tanhadihi va na purakkhatoti
tesam vasam anupagacchanto kammatthanameva manasi kareyyati attho. Evam pana vatva
thero tameva samvegam ankusam katva vipassanam vaddhetva arahattam papuni. Tena
vuttam apadane 1- :-
          "kananam vanamoggayha         velum chetvanaham tada
           alambanam karitvana         samghassa adadim bahum. 2-
           Tena cittappasadena        subbate abhivadiya 3-
           alambadandam datvana        pakkamim uttaramukho.
           Catunnavutito kappe         yam dandamadadim tada
           duggatim nabhijanami         dandadanassidam phalam.
           Kilesa jhapita mayham .pe.  katam buddhassa sasanan"ti.
      Yam panattham ankusam katva ayam thero arahattam patto, tamevattham hadaye
thapetva arahattam pattopi "nanajanapadam yanti"ti imameva gatham abhasi. Tasma
tadevassa annabyakaranam ahositi.
                 Kumaputtasahayattheragathavannana nitthita.
                       ------------------



             The Pali Atthakatha in Roman Book 32 page 157-159. http://84000.org/tipitaka/atthapali/read_rm.php?B=32&A=3529&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3529&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=174              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5195              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5463              The Pali Tipitaka in Roman Character :- http://84000.org/tipitaka/read/roman_read.php?B=26&A=5463              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]