บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
185. 8. Sañjayattheragāthāvaṇṇanā yato ahanti āyasmato sañjayattherassa gāthā. Kā uppatti? sopi purimabuddhesu katādhikāro tattha tattha vivaṭṭūpanissayaṃ puññaṃ upacinanto vipassissa bhagavato kāle mahati pūge saṅkittivasena 1- vatthuṃ saṃgharitvā 2- ratanattayaṃ uddissa puññaṃ karonto sayaṃ daliddo hutvā nesaṃ gaṇādīnaṃ 3- puññakiriyāya byāvaṭo ahosi. Kālena kālaṃ bhagavantaṃ upasaṅkamitvā vanditvā pasannamānaso bhikkhūnañca taṃ taṃ veyyāvaccaṃ akāsi. So tena puññakammena devaloke nibbatto aparāparaṃ puññāni katvā sugatīsuyeva saṃsaranto imasmiṃ buddhuppāde rājagahe @Footnote: 1 Sī. mahatīsu parisāsu kittivasena 2 Sī. saṃharitvā 3 Sī. janasaṅgahaṇādivasena Vibhavasampannassa brāhmaṇassa putto hutvā nibbatti sañjayo nāma nāmena, so vayappatto brahmāyupokkharasātiādike abhiññāte brāhmaṇe sāsane abhippasanne disvā sañjātappasādo satthāraṃ upasaṅkami. Tassa satthā dhammaṃ desesi. So dhammaṃ sutvā sotāpanno ahosi. Aparabhāge pabbaji. Pabbajanto ca khuraggeyeva chaḷabhiñño ahosi. Tena vuttaṃ apadāne 1- :- "vipassissa bhagavato mahāpūgagaṇo ahu veyyāvaccakaro āsiṃ sabbakiccesu vāvaṭo. Deyyadhammo ca me natthi sugatassa mahesino avandiṃ satthuno pāde vippasannena cetasā. Ekanavutito kappe veyyāvaccaṃ akāsahaṃ duggatiṃ nābhijānāmi veyyāvaccassidaṃ phalaṃ. Ito ca aṭṭhame kappe rājā āsiṃ sucintito sattaratanasampanno cakkavattī mahabbalo. Kilesā jhāpitā mayhaṃ .pe. kataṃ buddhassa sāsanan"ti. Chaḷabhiñño pana hutvā aññaṃ byākaronto:- 2- "yato ahaṃ pabbajito agārasmā anāgāriyaṃ nābhijānāmi saṅkappaṃ anariyaṃ dosasaṃhitan"ti gāthaṃ abhāsi. 2- [48] Tattha yato ahaṃ pabbajitoti yato pabhūti yato paṭṭhāya ahaṃ pabbajito. Pabbajitakālato paṭṭhāya nābhijānāmi saṅkappaṃ, anariyaṃ dosasaṃhitanti rāgādidosasaṃhitaṃ, tatoeva anariyaṃ nihīnaṃ, ariyehi vā anaraṇīyatāya anariyehi araṇīyatāya ca anariyaṃ @Footnote: 1 khu.apa. 32/51/192 veyyāvaccakattherāpadāna 2-2 "yato ahaṃ pabbajito"ti gāthaṃ abhāsi Pāpaṃ ārammaṇe abhūtaguṇādisaṅkappanato "saṅkappo"ti laddhanāmaṃ kāmavitakkādi- micchāvitakkaṃ uppāditaṃ nābhijānāmīti, "khuraggeyeva mayā arahattaṃ pattan"ti aññaṃ byākāsi. Sañjayattheragāthāvaṇṇanā niṭṭhitā. --------------The Pali Atthakatha in Roman Book 32 page 185-187. http://84000.org/tipitaka/atthapali/read_rm.php?B=32&A=4166 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4166 อ่านอรรถกถาแปลไทย :- http://84000.org/tipitaka/attha/attha.php?b=26&i=185 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5262 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5514 The Pali Tipitaka in Roman Character :- http://84000.org/tipitaka/read/roman_read.php?B=26&A=5514 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]