AtthaPali Vol.32

6. Chatthavagga 188. 1. Godhikadicatuttheragathavannana vassati devotiadika catasso godhiko, subahu, valliyo, uttiyoti imesam catunnam theranam gatha. ^1- Ka uppatti? imepi purimabuddhesu katadhikara tattha tattha bhave punnani upacinanta ito catunavute kappe siddhatthassa bhagavato kale kulagehe nibbattitva vinnutam patva annamannam sahaya hutva vicarimsu. Tesu eko siddhattham bhagavantam pindaya carantam disva katacchubhikkham adasi. Dutiyo pasannacitto hutva pancapatitthitena vanditva anjalim pagganhi. Tatiyo pasannacitto ekena pupphahatthena bhagavantam pujesi. Catuttho sumanapupphehi pujamakasi. Evam te satthari cittam pasadetva pasutena tena punnakammena devaloke nibbattitva puna aparaparam punnani katva devamanussesu samsaranta kassapassa bhagavato kale kulagehe nibbattitva sahayaka hutva sasane pabbajitva samanadhammam katva amhakam bhagavato kale pavayam catunnam mallarajanam putta hutva nibbattimsu. Tesam godhiko, subahu, villiyo, uttiyoti namani akamsu. Annamannam piyasahaya ^2- ahesum. Te kenacideva karaniyena kapilavatthum agamamsu. Tasmim ca samaye sattha kapilavatthum gantva nigrodharame vasanto yamakapatihariyam dassetva suddhodanappamukhe sakyarajano damesi. Tada tepi cattaro mallarajaputta patihariyam disva laddhappasada pabbajitva vipassanakammam karonta na cirasseva saha patisambhidahi arahattam papunimsu. Tena vuttam apadane ^3- :- @Footnote: ¹ Si. gathayo ² Ma. sucisahayaka ³ khu.apa. 32/1-23/194 bhikkhadayivagga "suvannavannam sambuddham ahutinam patiggaham ^1- pavara abhinikkhantam vana nibbanamagatam. ^1- Katacchubhikkham padasim siddhatthassa mahesino pannaya upasantassa mahavirassa tadino. Padenanupadayantam nibbapente mahajanam ulara vitti me jata buddhe adiccabandhune. Catunnavutito kappe yam danamadadim tada duggatim nabhijanami bhikkhadanassidam phalam. Sattasitimhito kappe maharenusanamaka sattaratanasampanna sattete cakkavattino. Kilesa jhapita mayham .pe. katam buddhassa sasanan"ti. Godhiko thero. "suvannavannam sambuddham nisabhajaniyam yatha tidhapabhinnam matangam kunjaramva mahesinam. Obhasentam disa sabba ulurajamva puritam rathiyam patipajjantam lokajettham apassaham. Nane cittam pasadetva paggahetvana anjalim pasannacitto sumano siddhatthamabhivadayim. Catunnavutito kappe yam kammamakarim tada duggatim nabhijanami nanasannayidam phalam. Tesattatimhito kappe solasasum naruttama @Footnote: ^1-1 pali. pavana abhinikkhantam, vana nibbanamagatam Sattaratanasampanna cakkavatti mahabbala. Kilesa jhapita mayham .pe. katam buddhassa sasanan"ti. Subahutthero. "tivarayam nivasiham ahosim maliko tada addasam virajam buddham siddhattham lokapujitam. Pasannacitto sumano pupphahatthamadasaham yattha yatthupapajjami tassa kammassa vahasa. Anubhomi phalam ittham pubbe sukatamattano parikkhitto sumallehi pupphadanassidam phalam. Catunnavutito kappe yam pupphamabhiropayim duggatim nabhijanami pupphapujayidam phalam. Catunnavutupadaya thapetva vattamanakam pancarajasata tattha najjasamasanamaka. Kilesa jhapita mayham .pe. katam buddhassa sasanan"ti. Valliyo thero. "siddhatthassa bhagavato jatipupphamadasaham padesu satta pupphani hasenokiritani me. Tena kammenaham ajja abhibhomi naramare dharemi antimam deham sammasambuddhasasane. Catunnavutito kappe yam pupphamabhiropayim duggatim nabhijanami pupphapujayidam phalam. Samantagandhanamasum terasa cakkavattino ito pancamake kappe caturanta janadhipa. Kilesa jhapita mayham .pe. katam buddhassa sasanan"ti. Uttiyo thero. Arahattam pana patva ime cattaropi thera loke pakata pannata rajarajamahamattehi ^1- sakkata garukata hutva aranne saheva viharanti. Athekada raja bimbisaro te cattaro there rajagaham upagate upasankamitva vanditva temasam vassavasatthaya nimantetva tesam patiyekkam kutikayo karetva sati- sammosena na chadesi. Thera acchannasu kutikasu viharanti. Vassakale devo na vassati. Raja "kim nu kho karanam devo na vassati"ti cintento tam karanam natva ta kutikayo chadapetva mattikakammam cittakammanca karapetva kutikamaham karonto mahato bhikkhusamghassa danam adasi. Thera ranno anukampaya kutikayo pavisitva mettasamapattiyo samapajjimsu. Athuttarapacinadisato mahamegho utthahitva theranam samapattito vutthanakkhaneyeva vassitum arabhi. Tesu godhikatthero samapattito vutthaya saha meghagajjitena:- [51] "vassati devo yatha sugitam channa me kutika sukha nivata cittam susamahitanca mayham atha ce patthayasi pavassa deva"ti imam gatham abhasi. @Footnote: ¹ Si....mahamaccehi Tattha vassatiti sincati vutthidharam pavecchati. Devoti megho. Yatha sugitanti sundaragitam viya gajjantoti adhippayo. Megho hi vassanakale satapatalasahassapatalo utthahitva thanayanto vijjuta niccharentova sobhati, na kevalo. Tasma siniddhamadhuragambhiranigghoso ^1- vassati devoti dasseti. Tena saddato anupapilitam aha "../../bdpicture/channa me kutika sukha nivata"ti. Yatha na devo vassati, evam tinadihi chadita ayam me kutika, tena vutthivassena anupapilitam aha. Paribhogasukhassa utusappayautusukhassa ca sabbhavato sukha. Phusitaggalapihitavatapanatahi vataparissayarahita. Ubhayenapi avasasappayavasena anupapilitam aha. Cittam susamahitanca mayhanti cittanca mama sutthu samahitam anuttarasamadhina nibbanarammane sutthu appitam, etena abbhantaraparissayabhavato appossukkatam dasseti. Atha ce patthayasiti atha idani patthayasi ce, yadi icchasi. Pavassati sinca udakam paggharavutthidharam paveccha. Devati megham alapati. Godhikattheragathavannana nitthita. --------------

The Pali Atthakatha in Roman Book 32 page 192-196. http://84000.org/tipitaka/atthapali/read_rm.php?B=32&A=4297&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4297&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=188 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5284 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5531 The Pali Tipitaka in Roman Character :- http://84000.org/tipitaka/read/roman_read.php?B=26&A=5531 Contents of The Tipitaka Volume 26 http://84000.org/tipitaka/read/?index_26