ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                   193. 6. Kutiviharittheragathavannana
      ko kutikayanti ayasmato kutiviharittherassa gatha. Ka uppatti?
      so kira padumuttarassa bhagavato akasena gacchantassa "udakadanam dassami"ti
sitalam udakam gahetva pitisomanassajato uddhammukho hutva ukkhipi. Sattha tassa
ajjhasayam natva pasadasamvaddhanattham akase thitova sampaticchi. So tena anappakam
pitisomanassam patisamvedesi. Sesam anjanavaniyattherassa vatthumhi vuttasadisameva. Ayam
pana viseso:- ayam kira vuttanayena pabbajitva katapubbakicco vipassanam anuyunjanto
sayam khettasamipena gacchanto deve phusayante khettapalakassa punnam tinakutim disva
pavisitva tattha tinasantharake nisidi. Nisinnamattova utusappayam labhitva vipassanam
ussukkapetva arahattam papuni. Tena vuttam apadane 1- :-
          "suvannavannam sambuddham         gacchantam anilanjase
           ghatasanamva 2- jalitam         adittamva hutasanam.
           Panina udakam gayha         akase ukkhipim aham
           sampaticchi mahaviro         buddho karuniko isi.
           Antalikkhe thito sattha      padumuttaranamako
@Footnote: 1 khu.apa. 32/29/197 udakapujakattherapadana     2 Si. yathasinamva
           Mama sankappamannaya         ima gatha 1- abhasatha.
           Imina dakadanena 2-       pitiuppadanena ca
           kappasatasahassampi           duggatim nupapajjati.
           Tena kammena dipadinda       lokajettha narasabha
           pattomhi acalam thanam        hitva jayaparajayam.
           Sahassarajanamena          tayo te cakkavattino
           pancasatthikappasate          caturanta janadhipa.
           Kilesa jhapita mayham .pe.  katam buddhassa sasanan"ti.
      Arahattam pana patva there tattha nisinne khettapalako agantva "ko
kutikayan"ti aha. Tam sutva thero "bhikkhu kutikayan"tiadimaha. Tayidam
khettapalassa therassa  ca vacanam ekajjham katva:-
          [56] "ko kutikayam bhikkhu kutikayam
                vitarago susamahitacitto
                evam janahi avuso
                amogha te kutika kata"ti
tatharupena sangitim aropitam.
      Tattha ko kutikayanti "imissam kutikayam ko nisinno"ti khettapalassa
pucchavacanam. Tassa bhikkhu kutikayanti therassa pativacanadanam. Atha nam attano
anuttaradakkhineyyabhavato 3- tam kutiparibhogam anumodapetva ularam tameva punnam 4-
patitthapetum "vitarago"tiadi vuttam. Tassattho:- eko bhinnakileso bhikkhu te
kutikayam nisinno, tatoeva so aggamaggena sabbaso samucchinnaragataya vitarago
@Footnote: 1 Si. imam gatham   2 Si. iminodakadanena   3 Si. anuttaradakkhineyyabhavabhutam
@4 Si. ularatame punne
Anuttarasamadhina nibbanam arammanam katva sutthu samahitacittataya susamahitacitto,
imanca attham avuso khettapala yathaham vadami, evam janahi saddaha
adhimuccassu. 1- Amogha te kutika kata taya 2- kata kutika amogha avanjha
saphala saudriya, yasma arahata khinasavena paribhutta. Sace tvam anumodasi,
tam te bhavissati digharattam hitaya sukhayati.
      Tam sutva khettapalo "labha vata me, suladdham vata me, yassa me kutikayam
ediso ayyo pavisitva nisidati"ti pasannacitto anumodanto atthasi. Imam pana
tesam kathasallapam bhagava dibbaya sotadhatuya sutva anumodanancassa natva
tambhavinim sampattim vibhavento khettapalam imahi gathahi ajjhabhasi:-
          "vihasi kutiyam bhikkhu          santacitto anasavo
           tena kammavipakena         devindo tvam bhavissasi.
           Chattimsakkhattum 3- devindo    devarajjam karissasi
           catuttimsakkhattum 4- cakkavatti   raja ratthe bhavissasi.
           Ratanakuti nama paccekabuddho   vitarago bhavissasi"ti.
      Kutikayam laddhavisesatta pana therassa tato pabhuti kutiviharitveva samanna
udapadi. Ayameva ca therassa annabyakaranagathapi ahositi.
                   Kutiviharittheragathavannana nitthita.
                         --------------
@Footnote: 1 Si. adhimuncassu   2 Si. ayam taya   3 Si. chattimsakkhattum   4 Si. ratanakutiko



             The Pali Atthakatha in Roman Book 32 page 200-202. http://84000.org/tipitaka/atthapali/read_rm.php?B=32&A=4472&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4472&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=193              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5305              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5549              The Pali Tipitaka in Roman Character :- http://84000.org/tipitaka/read/roman_read.php?B=26&A=5549              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]