ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                 194. 7. Dutiyakutiviharittheragathavannana
      ayamahu puraniyati ayasmato kutiviharittherassa gatha. Ka uppatti?
      so kira padumuttarassa bhagavato pasannamanaso parilahakale nalavilivehi viracitam
vijanim adasi. Tam sattha anumodanagathaya sampahamsesi. Sesam yadettha vattabbam,
tam anjanavaniyattheravatthumhi vuttasadisameva. Ayam pana viseso:- ayam kira vuttanayena
pabbajitva annataraya puranakutikaya viharanto samanadhammam acintetva "ayam
kutika jinna, annam kutikam katum vattati"ti navakammavasena cittam uppadesi.
Tassa atthakama devata samvegajananattham imam uttanobhasam gambhirattham:-
       1- "ayamahu puraniya kuti       annam patthayase navam kutim
           asam kutiya virajaya        dukkha bhikkhu puna nava kuti"ti
gathamaha. 1-
      [57] Tattha ayanti asannapaccakkhavacanam. 2- Ahuti ahositi attho. Gathasukhattham
hi digham katva vuttam. Puraniyati puratani addhagata 3-. Annam patthayase navam
kutinti imissa kutiya puranabhavena jinnataya ito annam idani nibbattaniyataya
navam kutim patthayase patthesi asisasi. 4- Sabbena sabbam pana asam kutiya virajaya
puraniyam viya navayampi kutiyam asam tanham apekkham virajehi, sabbaso tattha
virattacitto hohi. Kasma? yasma dukkha bhikkhu puna nava nama kuti bhikkhu
puna idani nibbattiyamana dukkhavahatta dukkha, tasma annam navam dukkham
anuppadento yathanibbattayam puraniyamyeva kutiyam thatva attana kattabbam karohiti.
Ayam hettha adhippayo:- tvam bhikkhu "ayam purani 5- tinakutika jinna"ti annam
@Footnote: 1-1 cha.Ma. "ayamahu"ti gathamaha    2 Si. asanne paccakkhavacanam   3 Si. addham gata
@4 Si. patthayasi asamsasi             5 Ma. puraniya
Navam tinakutikam katum icchasi, na samanadhammam, evam icchanto pana bhavanaya
ananuyunjanena punabbhavabhinibbattiya anativattanato ayatim attabhavakutimpi
patthento katum icchantoyeva nama hoti. Sa pana nava tinakuti viya karanadukkhena
tato bhiyyopi jaramaranasokaparidevadidukkhasamsatthataya dukkha, tasma tinakutiyam viya
attabhavakutiyam asam apekkham virajaya sabbaso tattha virattacitto hohi, evam te
vattadukkham na bhavissatiti. Devataya ca vacanam sutva thero samvegajato vipassanam
patthapetva ghatento vayamanto na cirasseva arahatte patitthasi. Tena vuttam
apadane 1- :-
          "padumuttarabuddhassa           lokajetthassa tadino
           tinatthare nisinnassa         upasantassa tadino.
           Nalamalam gahetvana         bandhitva vijanim aham
           buddhassa upanamesim         dipadindassa tadino.
           Patiggahetva sabbannu       vijanim lokanayako
           mama sankappamannaya         imam gatham abhasatha.
           Yatha me kayo nibbati     parilaho na vijjati
           tatheva tividhaggihi           cittam tava vimuccatu.
           Sabbe deva samagacchum      ye keci vananissita
           sossama buddhavacanam         hasayantam ca dayakam.
           Nisinno bhagava tattha        devasanghapurakkhato
           dayakam sampahamsento        ima gatha abhasatha.
           Imina vijanidanena         cittassa panidhihi ca
           subbato nama namena       cakkavatti bhavissati.
@Footnote: 1 khu.apa. 32/36/198 nalamaliyattherapadana
           Tena kammavasesena        sukkamulena codito
           maluto nama namena       cakkavatti bhavissati.
           Imina vijanidanena         sammanavipulena ca
           kappasatasahassampi           duggatim nupapajjati.
           Timsakappasahassamhi           subbata atthatimsa te
           ekunatimsasahasse           attha malutanamaka.
           Kilesa jhapita mayham .pe.  katam buddhassa sasanan"ti.
      Arahatte pana patitthito "ayam me arahattappattiya ankusabhuta"ti tameva
gatham paccudahasi. Sayeva ca therassa annabyakaranagatha ahosi. Kutiovadena
laddhavisesatta cassa kutiviharitveva samanna ahositi.
                  Dutiyakutiviharittheragathavannana nitthita.
                          -------------



             The Pali Atthakatha in Roman Book 32 page 203-205. http://84000.org/tipitaka/atthapali/read_rm.php?B=32&A=4530&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4530&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=194              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5308              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5552              The Pali Tipitaka in Roman Character :- http://84000.org/tipitaka/read/roman_read.php?B=26&A=5552              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]