ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                   213. 6. Piyanjahattheragathavannana
      uppatantesu nipateti ayasmato piyanjahattherassa gatha. Ka uppatti?
@Footnote: 1 Si. bahukaram   2 khu.iti. 25/104/323 silasampannasutta   3 Si. dassanamevetam
@  vuttam tam kho vijjatitiadi, tattha   4 Ma.upari. 14/296/267 culakammavibhangasutta
      Sopi purimabuddhesu katadhikaro tattha tattha bhave vivattupanissayam punnam
upacinanto ito ekanavute kappe vipassissa bhagavato kale himavante rukkhadevata
hutva pabbatantare vasanto devatasamagamesu appanubhavataya parisapariyante thatva dhammam
sutva satthari patiladdhasaddho ekadivasam suvisuddham ramaniyam gangayam pulinappadesam
disva satthu gune anussari "itopi suvisuddha satthu guna ananta aparimeyya
ca"ti, evam so satthu gune arabbha cittam pasadetva tena punnakammena deva-
manussesu samsaranto imasmim buddhuppade vesaliyam licchavirajakule nibbattitva
vayappatto yuddhasondo aparajitasangamo amittanam piyahanikaranena piyanjahoti
pannayittha. So satthu vesaligamane patiladdhasaddho pabbajitva aranne vasamano
vipassanam vaddhetva arahattam papuni. Tena vuttam apadane 1- :-
          "pabbate himavantamhi         vasami pabbatantare
           pulinam sobhanam disva         buddhasettham anussarim.
           Nane upanidha natthi        sankhatam 2- natthi satthuno
           sabbadhammam abhinnaya         nanena adhimuccati.
           Namo te purisajanna        namo te purisuttama
           nanena te samo natthi      yavata nanamuttamam.
           Nane cittam pasadetva     kappam saggamhi modaham
           avasesesu kappesu         kusalam caritam maya.
           Ekanavutito kappe         yam sannamalabhim tada
           duggatim nabhijanami         nanasannayidam phalam.
           Ito sattatikappamhi         eko pulinapupphiyo
           sattaratanasampanno          cakkavatti mahabbalo.
           Kilesa jhapita mayham .pe.  katam buddhassa sasanan"ti.
@Footnote: 1 khu.apa. 32/84/220 nanasannikattherapadana  2 cha.Ma. sankharam, ka. sankhanam
      Arahattam pana patva 1- "andhaputhujjananam patipattito vidhura ariyanam
patipatti"ti imassa atthassa dassanavasena 2- annam byakaronto:-
     [76] "uppatantesu nipate         nipatantesu uppate
           vase avasamanesu          ramamanesu no rame"ti
gatham abhasi.
      Tattha uppatantesuti unnamantesu, sattesu manuddhaccathambhasarambhadihi
attukkamsanena anupasantesu. Nipateti nameyya, tesanneva papadhammanam parivajjanena 3-
nivatavutti bhaveyya. Nipatantesuti onamantesu, hinadhimuttikataya kosajjena ca
gunato nihiyamanesu. Uppateti unnameyya, panitadhimuttikataya viriyarambhena ca
gunato ussukkeyya. 4- Athava uppatanatesuti utthahantesu, kilesesu pariyutthana-
vasena sisam ukkhipantesu. Nipateti patisankhanabalena 5- yatha te na uppajjanti, tatha
anurupapaccavekkhanaya nipateyya, vikkhambheyya ceva samucchindeyya ca. Nipatantesuti
paripatantesu, ayonisomanasikaresu viriyapayogamandataya va yatharaddhesu samatha-
vipassanadhammesu hayamanesu. Uppateti yonisomanasikarena viriyarambhasampadaya ca
te upatthapeyya uppadeyya vaddheyya ca. Vase avasamanesuti sattesu magga-
brahmacariyavasam ariyavasanca avasantesu sayam tam vasam vaseyyati. Ariyesu va
kilesavasam dutiyakavasam avasantesu yena vasena te avasamana nama honti,
sayam tatha vase. Ramamanesu no rameti sattesu kamagunaratiya kilesaratiya ramantesu
sayam tatha no rame na rameyya, ariyesu va niramisaya jhanadiratiya ramamanesu
sayampi tatha rame, tato annatha pana kadacipi no rame nabhirameyya vati attho.
                    Piyanjahattheragathavannana nitthita.
@Footnote: 1 Si. patva thero   2 Si. dassanavasena anavasesena   3 Si. parivivajjanena
@4 Si. gunato uppateyya ukkamseyya  5 Si. patisankhanavasena



             The Pali Atthakatha in Roman Book 32 page 261-263. http://84000.org/tipitaka/atthapali/read_rm.php?B=32&A=5844&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5844&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=213              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5418              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5638              The Pali Tipitaka in Roman Character :- http://84000.org/tipitaka/read/roman_read.php?B=26&A=5638              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]