ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                    216. 9. Rakkhitattheragathavannana
      sabbo rago pahino meti ayasmato rakkhitattherassa gatha. Ka
uppatti?
      ayam kira padumuttarassa bhagavato kale kulagehe nibbattitva vinnutam patto
ekadivasam satthu dhammadesanam sutva pasannamanaso desanananam arabbha thomanam
akasi. Sattha tassa cittappasadam oloketva "ayam ito satasahassakappamatthake 1-
gotamassa nama sammasambuddhassa rakkhito nama savako bhavissati"ti byakasi.
So tam sutva bhiyyoso mattaya pasannamanaso aparaparam punnani katva deva-
manussesu samsaranto imasmim buddhuppade devadahanigame sakiyarajakule nibbatti,
rakkhitotissa namam ahosi. So ye sakiyakoliyarajuhi bhagavato parivaratthaya dinna
pancasatarajakumara pabbajita, tesam annataro. Te pana rajakumara na samvegena
pabbajitatta ukkanthabhibhuta yada satthara kunaladahatiram netva kunalajataka-
desanaya 2- itthinam dosavibhavanena 3- adinavam pakasetva kammatthane niyojita,
tada ayampi kammatthanam anuyunjanto vipassanam vaddhetva arahattam papuni.
Tena vuttam apadane 4- :-
          "padumuttaro nama jino         lokajettho narasabho
           mahato janakayassa            deseti amatam padam.
           Tassaham vacanam sutva          vacasabhimudiritam
           anjalim paggahetvana          ekaggo asaham tada.
@Footnote: 1 Si. kappasatasahassamatthake   2 khu.ja. asiti. 28/296/106 kunalajataka (sya)
@3 Ma. dosavibhavane  4 khu.apa. 32/1/224 sobhitattherapadana
                   Yatha samuddo udadhinamaggo
                   neru naganam pavaro siluccayo
                   tatheva ye cittavasena vattare
                   na buddhananassa kalam upenti te.
           Dhammavidhim 1- thapetvana        buddho karuniko isi
           bhikkhusamghe nisiditva           ima gatha abhasatha.
           Yo so nanam pakittesi        buddhamhi lokanayake
           kappanam 2- satasahassam         duggatim na gamissati.
           Kilese jhapayitvana          ekaggo susamahito
           sobhito nama namena         hessati satthu savako.
           Pannase kappasahasse         sattevasum yasuggata 3-
           sattaratanasampanna            cakkavatti mahabbala.
           Kilesa jhapita mayham .pe.    katam buddhassa sasanan"ti.
      Arahattam pana patva attano pahinakilese paccavekkhanto:-
       4- "sabbo rago pahino me       sabbo doso samuhato
           sabbo me vigato moho       sitibhutosmi nibbuto"ti
gatham abhasi. 4-
      [79] Tattha sabbo ragoti kamaragadippabhedo sabbopi rago. Pahinoti
ariyamaggabhavanaya samucchedappahanavasena pahino. Sabbo dosoti aghata-
vatthukadibhavena anekabhedabhinno sabbopi byapado. Samuhatoti maggena
@Footnote: 1 Si. dhammavithim   2 Si. kappani   3 Si. samuggata
@4-4 cha.Ma. "sabbo rago"ti gatham abhasi
Samugghatito. Sabbo me vigato mohoti "dukkhe ananan"tiadina 1- vatthubhedena
atthabhedo, sankilesavatthuvibhagena anekavibhago 2- sabbopi moho maggena viddhamsitatta
mayham vigato. Sitibhutosmi nibbutoti evam mulakilesappahanena tadekatthataya
sankilesanam sammadeva patippassaddhatta anavasesakilesadarathaparilahabhavato sitibhavam
patto, tatoeva sabbaso kilesaparinibbanena parinibbuto aham asmi bhavamiti
annam byakasi.
                    Rakkhitattheragathavannana nitthita.
                          ------------



             The Pali Atthakatha in Roman Book 32 page 268-270. http://84000.org/tipitaka/atthapali/read_rm.php?B=32&A=5985&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5985&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=216              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5432              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5650              The Pali Tipitaka in Roman Character :- http://84000.org/tipitaka/read/roman_read.php?B=26&A=5650              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]