ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                    225. 8. Ajjunattheragathavannana
      asakkhim vata attananti ayasmato ajjunattherassa gatha. Ka uppatti?
      ayampi purimabuddhesu katadhikaro tattha tattha bhave vivattupanissayam kusalam
upacinanto vipassissa bhagavato kale sihayoniyam nibbatto ekadivasam aranne
annatarasmim rukkhamule nisinnam sattharam disva "ayam kho 1- imasmim kale
sabbasettho purisasiho"ti pasannamanaso supupphitasalasakham bhanjitva sattharam pujesi.
So tena punnakammena devamanussesu samsaranto imasmim buddhuppade savatthiyam
setthikule nibbatti, ajjunotissa namam ahosi. So vinnutam patto niganthehi
kataparicayo hutva "evaham amatam adhigamissami"ti vivattajjhasayataya daharakaleyeva
niganthesu pabbajitva tattha saram alabhanto satthu yamakapatihariyam disva patiladdhasaddho
sasane pabbajitva vipassanam arabhitva na cirasseva araha ahosi. Tena vuttam
apadane 2- :-
          "migaraja tada asim        abhijato sukesari
           giriduggam gavesanto         addasam lokanayakam.
           Ayam nu kho mahaviro        nibbapeti mahajanam
           yannunaham upaseyyam        devadevam narasabham.
           Sakham salassa bhanjitva 3-   sakosam pupphamaharim
           upagantvana sambuddham        adasim pupphamuttamam.
           Ekanavutito kappe         yam pupphamabhiropayim
           duggatim nabhijanami         pupphapujayidam 4- phalam.
@Footnote: 1 Si. no                 2 khu.apa. 32/60/230 saladayakattherapadana
@3 Ma. samma tassa bhajitvana    4 cha.Ma. pupphadanassidam
           Ito ca navame kappe       virocanasanamaka
           tayo asimsu rajano       cakkavatti mahabbala.
           Kilesa jhapita mayham .pe.  katam buddhassa sasanan"ti.
      Arahattam pana patva anuttarasukhadhigamasambhutena pitivegena udanam
udanento:-
     [88] "asakkhim vata attanam         uddhatum udaka thalam
           vuyhamano mahogheva        saccani pativijjhahan"ti
gatham abhasi.
      Tattha asakkhinti sakkosim. Vatati vimhaye nipato. Ativimhayaniyam hetam,
yadidam saccapativedho. Tenaha:-
         "tam kim mannatha bhikkhave, katamam nu kho dukkarataram va durabhisambhavataram
      va, yam sattadha 1- bhinnassa valassa kotiya kotim pativijjheyya"tiadi. 2-
      Attananti niyakajjhattam sandhaya vadati. Yo hi paro na hoti so attati.
Uddhatunti uddharitum, "uddhatan"tipi patho. Udakati samsaramahoghasankhata udaka.
Thalanti nibbanathalam. Vuyhamano mahoghevati mahannave vuyhamano viya. Idam vuttam
hoti:- yatha nama gambhiravitthate appatitthe mahati udakoghe vegasa vuyhamano
puriso kenaci atthakamena upanitam phiyarittasampannam dalhanavam labhitva sukheneva
tato attanam uddharitum sakkuneyya param papuneyya, evamevaham samsaramahoghe
kilesabhisankharavegena vuyhamano satthara upanitam samathavipassanupetam ariyamagganavam
labhitva tato attanam uddharitum nibbanathalam pattum aho asakkhinti. Yatha pana
@Footnote: 1 Ma. satadha    2 sam.maha. 19/1115/394 valasutta [thokam visadisam]
Asakkhi, tam dassetum "saccani pativijjhahan"ti aha. Yasma aham dukkhadini cattari
ariyasaccani parinnapahanasacchikiriyabhavanapativedhena pativijjhim ariyamaggananena
annasim, tasma asakkhim vata attanam uddhatum udaka thalanti yojana.
                    Ajjunattheragathavannana nitthita.
                          ------------



             The Pali Atthakatha in Roman Book 32 page 289-291. http://84000.org/tipitaka/atthapali/read_rm.php?B=32&A=6437&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6437&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=225              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5485              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5688              The Pali Tipitaka in Roman Character :- http://84000.org/tipitaka/read/roman_read.php?B=26&A=5688              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]