AtthaPali Vol.32

329. 2. Setucchattheragathavannana manena vancitaseti ayasmato setucchattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto tissassa sammasambuddhassa kale kulagehe nibbattitva vinnutam patto ekadivasam tissam bhagavantam disva pasannamanaso sumadhuram panasaphalam abhisankhatam nalikerasalavam ^1- adasi. So tena punnakammena devaloke nibbattitva aparaparam devamanussesu samsaranto imasmim buddhuppade annatarassa mandalikaranno putto hutva nibbatti, setucchotissa namam ahosi. So pitari mate rajje patitthito ussahasattinam ^2- abhavena rajakiccani viradhento rajjam parahatthagatam katva dukkhap- pattiya samvegajato janapadacarikam carantam bhagavantam disva upasankamitva dhammam sutva patiladdhasaddho pabbajitva parikammam karonto tadaheva arahattam papuni. Tena vuttam apadane ^3- :- "tissassa kho bhagavato pubbe phalamadasaham nalikeranca padasim khajjakam abhisammatam. @Footnote: ¹ Si. saluvanam, Ma. saluvam ² Si. ussahanassa sampattinam @³ khu.apa. 32/13/249 khajjakadayakattherapadana Buddhassa tamaham datva tissassa tu mahesino modamaham kamakami upapajjim yamicchakam. Dvenavute ito kappe yam danamadadim tada duggatim nabhijanami phaladanassidam phalam. Ito terasakappamhi raja indasamo ahu sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva kilese garahanto:- [102] "manena vancitase sankharesu sankilissamanase labhalabhena mathita samadhim nadhigacchanti"ti gatham abhasi. Tattha manena vancitaseti "seyyohamasmi"tiadinayappavattena manena attukkamsanaparavambhanadivasena kusalabhandacchedanena vippalladdha. Sankharesu sankilissa- manaseti ajjhattikabahiresu cakkhadisu ceva rupadisu ca sankhatadhammesu sankilissa- mana, "etam mama, esohamasmi, eso me atta"ti tam nimittam tanhagahadivasena ^1- sankilesam apajjamana. Labhalabhena mathitati pattacivaradinanceva vatthadinanca labhena tesamyeva ca alabhena tam nimittam uppannehi anunayapatighehi mathita maddita abhibhuta. Nidassanamattancetam, atthannampi lokadhammanam cettha ^2- sangaho datthabbo. Samadhim nadhigacchantiti te evarupa puggala samadhim samathavipassanavasena cittekaggatam kadacipi na vindanti na patilabhanti na papunanti samadhisamvattanikanam dhammanam abhavato, itaresanca bhavato. Idhapi yatha manadihi abhibhuta aviddasuno @Footnote: ¹ Si. tanhadivasena ² cha.Ma. avasitthalokadhammanampettha Samadhim nadhigacchanti, na evam viddasuno. Te pana madisa tehi anabhibhuta samadhim adhigacchantevati byatirekamukhena annabyakarananti veditabbam. Setucchattheragathavannana nitthita. ---------------

The Pali Atthakatha in Roman Book 32 page 321-323. http://84000.org/tipitaka/atthapali/read_rm.php?B=32&A=7145&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=7145&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=239 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5569 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5754 The Pali Tipitaka in Roman Character :- http://84000.org/tipitaka/read/roman_read.php?B=26&A=5754 Contents of The Tipitaka Volume 26 http://84000.org/tipitaka/read/?index_26