บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
246. 9. Samgharakkhitattheragathavannana na nunayam paramahitanukampinoti ayasmato samgharakkhitattherassa gatha. Ka uppatti? sopi purimabuddhesu katadhikaro tattha tattha bhave punnani upacinanto ito catunnavute kappe kulagehe nibbattitva vinnutam patto ekadivasam pabbatapade vasante satta paccekabuddhe disva pasannamanaso kadambapupphani gahetva pujesi. So tena punnakammena devaloke nibbattitva aparaparam punnani katva sugatisuyeva samsaranto imasmim buddhuppade savatthiyam iddhakule 1- nibbatti, tassa samgharakkhitoti namam ahosi. So vinnutam patto patiladdhasaddho pabbajitva kammatthanam gahetva annataram bhikkhum sahayam katva aranne viharati. Therassa vasanatthanato avidure vanagumbe eka migi vijayitva tarunam chapam rakkhanti chatajjhattapi puttasinehena dure gocaraya na gacchati, asanne ca tinodakassa alabhena kilamati. Tam disva @Footnote: 1 cha.Ma. ibbhakule, Si. iddhe kulagehe Thero "aho vatayam loko tanhabandhanabaddho mahadukkham anubhavati, na tam chinditum sakkoti"ti samvegajato tameva ankusam katva vipassanam vaddhetva arahattam papuni. Tena vuttam apadane 1- :- "himavantassavidure kukkuto nama pabbato tamhi pabbatapadamhi satta buddha vasanti te. Kadambam pupphatam disva diparajamva uggatam ubho hatthehi paggayha satta buddhe samokirim. Catunnavutito kappe yam pupphamabhiropayim duggatim nabhijanami buddhapujayidam phalam. Dvenavute ito kappe sattasum pupphanamaka sattaratanasampanna cakkavatti mahabbala. Kilesa jhapita mayham .pe. katam buddhassa sasanan"ti. Arahattam pana patva attano dutiyakam bhikkhum micchavitakkabahulam viharantam natva tameva migim upamam karitva 2- tam ovadanto:- [109] "na nunayam paramahitanukampino rahogato anuviganeti sasanam tathahayam viharati pakatindriyo migi yatha tarunajatika vane"ti gatham abhasi. Tattha na nunayanti naiti patisedhe nipato. Nunati 3- parivitakke. Nuna ayanti padacchedo. 4- Paramahitanukampinoti paramam ativiya, paramena va anuttarena @Footnote: 1 khu.apa. 32/30/243 kadambapupphiyattherapadana 2 Ma. haritva @3 Si.,Ma. nunanti 4 Si. na nunayanti na nunam ayanti padacchedo Hitena satte anukampanasilassa bhagavato. Rahogatoti rahasi gato, sunnagaragato kayavivekayuttoti attho. Anuviganetiti ettha "na nuna"ti padadvayam anetva sambandhitabbam "nanuviganeti nuna"ti, na cintesi manne, "nanuyunjati"ti takkemiti 1- attho. Sasananti patipattisasanam, catusaccakammatthanabhavananti adhippayo. Tatha hiti teneva karanena, satthu sasanassa ananuyunjanatoeva. Ayanti ayam bhikkhu. Pakatindriyoti manacchatthanam indriyanam yathasakam visayesu vissajjanato 2- sabhavabhutaindriyo, asamvutacakkhudvaradikoti attho. Yassa tanhasangassa 3- acchinnataya so bhikkhu pakatindriyo viharati, tassa upamam dassento "migi yatha tarunajatika vane"ti aha. Yatha ayam tarunasabhava migi puttasnehassa acchinnataya vane dukkham anubhavati, na tam ativattati, evamayampi bhikkhu sangassa acchinnataya pakatindriyo viharanto vattadukkham nativattatiti adhippayo. "tarunavijatika"ti va patho. Abhinavappasuta balavacchati attho. Tam sutva so bhikkhu sanjatasamvego vipassanam vaddhetva na cirasseva arahattam papuni. Samgharakkhitattheragathavannana nitthita. ----------------The Pali Atthakatha in Roman Book 32 page 336-338. http://84000.org/tipitaka/atthapali/read_rm.php?B=32&A=7481&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=7481&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=246 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5596 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5776 The Pali Tipitaka in Roman Character :- http://84000.org/tipitaka/read/roman_read.php?B=26&A=5776 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]