ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                   251. 4. Adhimuttattheragathavannana
      kayadutthullagarunoti ayasmato adhimuttattherassa gatha. Ka uppatti?
      so kira padumuttarassa bhagavato kale brahmanakule nibbattitva vinnutam
patto brahmanavijjasu nipphattim gato kamesu adinavam disva gharavasam pahaya
tapasapabbajjam pabbajitva aranne viharanto buddhuppadam sutva manussupacaram
upagantva sattharam bhikkhusamghaparivutam gacchantam disva pasannamanaso attano vakaciram
satthu padamule patthari. Sattha tassa ajjhasayam natva tasmim atthasi. Tattha
thitam bhagavantam karanusarena gandhena pujetva "samuddharasimam lokan"tiadikahi
dasahi gathahi abhitthavi. Tam sattha "anagate ito satasahassakappamatthake gotamassa
nama sammasambuddhassa sasane pabbajitva chalabhinno bhavissati"ti byakaritva
pakkami. So tena punnakammena devaloke nibbattitva tato yavayam buddhuppado,
tava devamanussesu samsaranto imasmim buddhuppade savatthiyam brahmanakule
nibbattitva adhimuttoti laddhanamo vinnutam patto brahmanavijjasu nipphattim
gantva tattha saram apassanto pacchimabhavikatta nissaranam gavesanto jetavanapatiggahane
buddhanubhavam disva patiladdhasaddho satthu santike pabbajitva vipassanam
patthapetva na cirasseva arahattam papuni. Tena vuttam apadane 2- :-
@Footnote: 1 Si. tattha vasam      2 khu. apa. 32/304/452 sabbakittikattherapadana
          "kanikaramva jalitam              diparukkhamva jotitam 1-
           osadhimva virocantam            vijjuva 2- gagane yatha.
           Asambhitam anutrasim 3-         migarajamva kesarim
           nanalokam pakasentam         maddantam titthiye gane.
           Uddharantam imam lokam           chindantam sabbasamsayam
           asambhitam 4- migarajamva         addasam lokanayakam.
           Jatajinadharo asim            braha uju patapava
           vakaciram gahetvana           padamule apattharim.
           Karanusariyam gayha           anulimpim 5- tathagatam
           sambuddhamanulimpetva 6-       santhavim lokanayakam.
           Samuddharasimam lokam             oghatinna 7- mahamuni
           nanalokena jotesi         pavaram 8- nanamuttamam.
           Dhammacakkam pavattesi           maddase paratitthiye
           usabho jitasangamo           sampakampesi medanim.
           9- Mahasamudde ummiva        velantamhi 10- patijjati 9-
           tatheva tava nanamhi           sabbaditthi pabhijjare.
           Sukhumacchikajalani 11-         saramhi sampatani te 12-
           antojalikata pana         pilika honti tavade.
           Tatheva titthiya loke         mulha saccavinissita 13-
           antonanavare tuyham          parivattanti marisa.
           Patittha vuyhatam oghe         tvam hi natho abandhunam
@Footnote: 1 cha.Ma. ujjalam   2 cha.Ma. vijjutam   3 cha.Ma. anuttasim   4 cha.Ma. gajjantam
@5 Si. anupimsim   6 Si. anupimsitva  7 Si. patiganha, pali. oghatinno (sya)
@8 cha.Ma. navatam  9-9 cha.Ma. mahasamudde umiyo, velantamhi pabhijjare
@10 Si. velantam hi  11 cha.Ma....jalena  12 Si. sukhumacchike yathajale paramhi
@  sampasarite  13 cha.Ma. puthupasandanissita
           Bhayattitanam saranam 1-          muttitthinam parayanam. 2-
           Ekaccaro 3- asadiso        mettakarunasancayo 4-
           asamo susamo santo 5-       vasi tadi jitanjayo. 6-
           Dhiro 7- vigatasammoho        anejo akathamkathi
           tussito vantadososi          nimmalo samyato 8- suci.
           Sangatigo hatamado 9-        tevijjo tibhavantago
           simatigo dhammagaru            gatattho hitavabbhuto.
           Tarako tvam yatha nava 10-   nidhivassasakarako
           asambhito yatha siho          gajarajava 11- dappito.
           Thometva dasagathahi         padumuttaram mahayasam
           vanditva satthuno pade       tunhi atthasaham tada.
           Padumuttaro lokavidu           ahutinam patiggaho
           bhikkhusamghe thito sattha         ima gatha abhasatha.
           Yo me silanca nananca        saddhammancapi vannayi
           tamaham kittayissami            sunatha mama bhasato.
           Satthi kappasahassani           devaloke ramissati
           anne devebhibhavitva          issaram karayissati.
           So paccha pabbajitvana        sukkamulena codito
           gotamassa bhagavato            sasane pabbajissati.
           Pabbajitvana kayena          papakammam vivajjiya
           sabbasave parinnaya          nibbayissatinasavo.
           Yathapi megho thanayam           tappeti medanim imam
@Footnote: 1 pali. sarano     2 pali. parayano    3 cha.Ma. ekaviro   4 pali....sannuto
@5 pali. pannava yuttacago ca           6 pali. gunalayo   7 Si. viro
@8 Si. payato       9 Si. gatamado      10 Ma. nago      11 Si. nagarajava
           Tatheva tvam mahavira           dhammena tappayi mamam.
           Silam pannanca dhammanca          thavitva lokanayakam
           pattomhi paramam santim          nibbanam padamaccutam.
           Aho nuna sa bhagava           ciram tittheyya cakkhuma
           annatanca vijaneyyum 1-      phuseyyum 2- amatam padam.
           Ayam me pacchima jati         bhava sabbe samuhata
           sabbasave parinnaya          viharami anasavo.
           Satasahassito kappe           yam buddhamabhithomayim
           duggatim nabhijanami           kittanaya idam phalam.
           Kilesa jhapita mayham .pe.    katam buddhassa sasanan"ti.
      Arahattam pana patva attana saha vasante kayadalhibahule bhikkhu
ovadanto:-
    [114] "kayadutthullagaruno            hiyyamanamhi jivite
           sarirasukhagiddhassa              kuto samanasadhuta"ti
gatham abhasi.
      Tattha kayadutthullagarunoti dutthullam asubhayogyata, kayassa dutthullam kaya-
dutthullam, kayadutthullam garu sambhavitam 3- yassa so kayadutthullagaru,
anissaranappanno hutva kayaposanappasuto kayadalhibahuloti attho, tassa
kayadutthullagaruno. Hiyyamanamhi jiviteti kunnadinam udakam viya jivitasankhare
lahuso 4- khiyamane. Sarirasukhagiddhassati panitaharadihi attano kayassa sukhena gedham
apannassa. Kuto samanasadhutati evarupassa puggalassa samanabhavena sadhuta susamanata kuto
kena
@Footnote: 1 Ma. annatanca vijaneyyam    2 Ma. phuseyyam    3 Ma. samkutitam    4 Si. bahuso
Karanena siya, ekamsato pana kaye jivite ca nirapekkhassa itaritarasantosena
santutthassa araddhaviriyasseva samanasadhutati adhippayo.
                    Adhimuttattheragathavannana nitthita.
                         ---------------



             The Pali Atthakatha in Roman Book 32 page 348-352. http://84000.org/tipitaka/atthapali/read_rm.php?B=32&A=7748&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=7748&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=251              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5630              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5806              The Pali Tipitaka in Roman Character :- http://84000.org/tipitaka/read/roman_read.php?B=26&A=5806              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]