|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
262. 5. Ajinattheragathavannana
api ce hoti tevijjotiadika ayasmato ajinattherassa gatha. Ka
uppatti?
ayampi purimabuddhesu katadhikaro tattha tattha bhave punnani upacinanto
buddhasunne loke kulagehe nibbattitva vinnutam patto kenacideva karaniyena
arannam gato tattha sucintitam nama paccekasambuddham abadhena pilitam nisinnam
disva upasankamitva vanditva bhesajjatthaya 1- pasannamanaso ghatamandam adasi.
So tena punnakammena devaloke nibbattitva aparaparam punnani katva sugatisuyeva
samsaranto imasmim buddhuppade savatthiyam annatarassa daliddabrahmanassa gehe
patisandhim ganhi. Tam vijayanakale ajinacammena sampaticchimsu. Tenassa ajinotveva
namam akamsu. So bhogasamvattaniyassa kammassa akatatta daliddakule nibbatto
vayappattopi appannapanabhojano hutva vicaranto jetavanapatiggahane buddhanubhavam
disva patiladdhasaddho pabbajitva vipassanaya kammam karonto na cirasseva chalabhinno
ahosi. Tena vuttam apadane 2- :-
"sucintitam bhagavantam lokajettham narasabham
upavittham maharannam vatabadhena pilitam.
Disva cittam pasadetva ghatamandamupanayim 3-
@Footnote: 1 Ma. bhesajjam datva 2 khu.apa. 33/16/32 ghatamandadayakattherapadana (sya)
@3 Si. upadayim
---------------------------------------------------------------------------------------------
page387.
Katatta apacitatta 1- ca ganga bhagirathi ayam. 2-
Mahasamudda cattaro ghatam sampajjare mama
ayanca pathavi ghora appamana asankhiya.
Mama sankappamannaya bhavate 3- madhusakkara
catuddisa 4- ime rukkha padapa dharaniruha.
Mama sankappamannaya kapparukkha bhavanti te
pannasakkhattum devindo devarajjamakarayim.
Ekapannasakkhattunca cakkavatti ahosaham
padesarajjam vipulam gananato asankhiyam.
Catunnavutito kappe yam danamadadim tada
duggatim nabhijanami ghatamandassidam phalam.
Kilesa jhapita mayham .pe. katam buddhassa sasanan"ti.
Arahattam pana patvapi purimakammanissandena appalabhi appannatova ahosi.
Uddesabhattasalakabhattanipi lamakaneva papunanti. Kammaphaleneva ca nam puthujjana
bhikkhu samanera ca "appannato"ti avamannanti. Thero te bhikkhu samvejento:-
[129] "api ce hoti tevijjo maccuhayi anasavo
appannatoti nam bala avajananti ajanata.
[130] Yo ca kho annapanassa labhi hotidha puggalo
papadhammopi ce hoti so nesam hoti sakkato"ti
gathadvayam abhasi.
@Footnote: 1 cha.Ma. acitatta 2 Si. bhavitatta ca, tam me bhagirathi viya, pali. ganga
@ bhagirasi ayam 3 Si. bhavanti 4 cha.Ma. catuddipa
---------------------------------------------------------------------------------------------
page388.
Tattha apiti sambhavane nipato. Ceti parikappane. Hotiti bhavati. Tisso
vijja etassati tevijjo. Maccum pajahatiti maccuhayi. Kamasavadinam abhavena
anasavo. Idam vuttam hoti:- dibbacakkhunanam pubbenivasananam asavakkhaya-
nananti imasam tissannam vijjanam adhigatatta tevijjo tatoeva sabbaso
kamasavadinam parikkhinatta anasavo ayatim punabbhavassa aggahanato maranabhavena
maccuhayi yadipi hoti, evam santepi appannatoti nam bala avajananti yassatthaya
kulaputta sammadeva agarasma anagariyam pabbajanti, tam sadattham anupapunitva thitampi
nam uttamam purisam "dhutavado bahussuto dhammakathiko"ti uppannalabhassa 1- abhavato
"na pannato na pakato"ti bala dummedhapuggala avajananti, kasma? ajanata
ajananakarana gunanam ajananameva 2- tattha karananti dasseti.
Yatha ca gunanam ajananato bala labhagarutaya sambhavaniyampi avajananti,
evam gunanam 3- ajananato labhagarutaya evam avajanitabbampi sambhaventiti dassento
dutiyam gatham aha. Tattha yoti aniyamavacanam. Casaddo byatireke, tena yathavuttapuggalato
imassa puggalassa vuccamanamyeva visesam janeti. Khoti avadharane. Annapanassati
nidassanamattam. Labhiti labhava. Idhati imasmim loke. Jaramaranehi tassa tassa
sattavasassa puranato galanato ca puggalo. Papadhammoti lamakadhammo. Ayanhettha
attho:- yo pana puggalo civaradipaccayamattasseva labhi hoti, na jhanadinam,
so papicchataya dussilabhavena hinadhammopi samano idha imasmim loke balanam
labhagarutaya sakkato garukato hotiti.
Ajinattheragathavannana nitthita.
@Footnote: 1 Ma. uppajjanalabhassa 2 Ma. ajanata gunanam ajananameva 3 Ma. agunanam
The Pali Atthakatha in Roman Book 32 page 386-388.
http://84000.org/tipitaka/atthapali/read_rm.php?B=32&A=8600&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=8600&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=262
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5701
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5867
The Pali Tipitaka in Roman Character :-
http://84000.org/tipitaka/read/roman_read.php?B=26&A=5867
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]