บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
266. 9. Gotamattheragathavannana sukham supantiti ayasmato gotamattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto vipassissa bhagavato kale kulagehe nibbattitva vinnutam patto ekadivasam bhagavantam disva pasannamanaso amodaphalamadasi. So 5- tena punnakammena devaloke @Footnote: 1 cha.Ma. "khina hi mayhan"tiadina gathadvayamaha 2 Si. bhavanibbattita @3 Si. pabbajim pabbajjam upagato 4 Si.,i. sabbaso 5 cha.Ma. ayam patho na dissati Nibbattitva aparaparam punnani katva sugatisuyeva samsaranto imasmim buddhuppade rajagahe brahmanakule nibbattitva gotamoti laddhanamo sattavassikakale upanayanam katva ratanabhikkham caritva sahassam labhitva tam tadise thane thapetva vatam caranto solasasattarasavassuddesikakale akalyanamittehi kamesu pariniyamano 1- ekissa rupupajiviniya tam sahassabhandikam datva brahmacariyavinasam patva taya cassa brahma- carirupam disva virattakare dassite ekarattivaseneva nibbinnarupo attano brahmacariyavinasam dhanajaninca saritva "ayuttam maya katan"ti vippatisari ahosi. Sattha tassa hetusampattim cittacaranca 2- natva tassa asannatthane attanam dassesi. So sattharam disva pasannamano upasankami, tassa bhagava dhammam desesi. So dhammam sutva patiladdhasaddho pabbajanto khuraggeyeva arahattam papuni. Tena vuttam apadane 3- :- "suvannavannam sambuddham ahutinam patiggaham rathiyam patipajjantam amoram adadim phalam. 4- Ekanavute ito 5- kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. Katam buddhassa sasanan"ti. Arahattam pana patva jhanasukhena phalasukhena vitinamentam eko gihisahayo upagantva "avuso taya ratanabhikkhaya laddham pabbajanto kim akasi"ti pucchi. Tam sutva thero "idam nama katan"ti anacikkhitva matugame dosam pakasetva attano vitaragabhavena 6- annam byakaronto:- @Footnote: 1 Si.,Ma. paritapiyamano 2 Ma. cittacaranca 3 khu.apa. 33/98/148 amoraphaliyattherapadana @ (sya) 4 cha.Ma. amodamadadim phalam 5 cha.Ma. ekanavutito 6 Si.,i. vitaragabhavavibhavanena [137] 1- "sukham supanti munayo ye itthisu na bajjhare sada ve rakkhitabbasu yasu saccam sudullabham. [138] Vadham carimha te kama anana dani te mayam gacchama dani nibbanam yattha gantva na socati"ti gathadvayamaha. 1- Tattha sukham supanti munayo, ye itthisu na bajjhareti ye itthisu visayabhutasu nimittabhutasu va ragabandhanena na bajjhanti, te munayo 2- tapassino samyatindriya sukham supanti sukham viharanti, natthi tesam dukkhanti adhippayo. "supanti"ti hi nidassanamattametam. Sada ve rakkhitabbasuti ekamsena sabbakalam rakkhitabbasu. Itthiyo hi sattabhumike nippurise pasade uparibhumiyam vasapetvapi, kucchiyam pakkhipitvapi na sakka rakkhitum, tasma ta kitthadigaviyo 3- viya sabbakalam rakkhaniya honti. Bahucittataya va samikena vatthalankaranuppadanadina cittannathattato sabbakalam rakkhitabba. 4- Sarirasabhavam va 5- malagandhadihi paticchadanavasena rakkhitabbacittataya rakkhitabbati. 6- Yasu saccam sudullabhanti yasu saccavacanam laddhum na sakka, itthiyo hi aggimpi pavisanti, visampi khadanti, satthampi aharanti, ubbandhitvapi kalam karonti, na pana sacce thatum sakkonti. Tasma evarupa itthiyo vajjetva thita munayo sukhita vatati 7- dasseti. Idani yassa appahinatta evarupasu itathisupi bajjhanti, tassa kamassa attano suppahinatam accantanitthitatanca dassento dutiyam gathamaha. Vadham carimha te kamati ambho kama tava vadham accantasamucchedam ariyamaggena carimha, "vadham carimhase"tipi patho, vadhaya pahanaya maggabrahmacariyam acarimhati attho. Anana @Footnote: 1-1 cha.Ma. "sukham supanti"tiadina gathadvayamaha 2 Si. te sekhamunayo @3 Si. ...bhagiyo, i.,Ma. ...bhogiyo 4 Si.,i. rakkhita va, Ma. rakkhitam va @5 Si. sarirasabhaga va 6 Si. rakkhitabbati sada ve rakkhitabba 7 Si. sukhitati Dani te mayanti idani aggamaggapattito 1- patthaya inabhavakaraya pahinatta kama te anana mayam, na tuyham inam dharema. Avitarago hi ragassa vase 2- vattanato tassa inam dharento viya hoti, vitarago pana tam atikkamitva paramena cittissariyena samannagato. Ananattaeva 3- gacchama dani nibbanam, yattha gantva na socati yasmim nibbane gamanahetu sabbaso sokahetunam abhavato na socati, tam anupadisesa- nibbanameva idani gacchama anupapunamati attho. Gotamattheragathavannana nitthita. --------------The Pali Atthakatha in Roman Book 32 page 394-397. http://84000.org/tipitaka/atthapali/read_rm.php?B=32&A=8786&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=8786&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=266 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5724 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5888 The Pali Tipitaka in Roman Character :- http://84000.org/tipitaka/read/roman_read.php?B=26&A=5888 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]