ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                    274. 7. Tissattheragathavannana
      bahu sapatte labhatiti ayasmato tissattherassa gatha. Ka uppatti?
      ayampi purimabuddhesu katadhikaro tattha tattha bhave vivattupanissayam punnam
upacinanto piyadassissa bhagavato kale brahmanakule nibbattitva vinnutam patto
sippesu nipphattim gantva kamesu adinavam disva gharavasam pahaya tapasapabbajjam
pabbajitva arannayatane salavane assamam karetva vasati. Bhagava tassa anug-
gahanattham assamassa avidure salavane nirodham samapajjitva nisidi. So assamato
nikkhamitva phalaphalatthaya gacchanto bhagavantam disva pasannamanaso cattaro dande
thapetva bhagavato upari pupphitahi salasakhahi sakhamandapam katva sattaham
navanavehi 1- salapupphehi bhagavantam pujento atthasi buddharammanam pitim avijahanto.
Sattha sattahassa accayena nirodhato vutthahitva bhikkhusamgham cintesi. Tavadeva
satasahassamatta khinasava sattharam parivaresum. Bhagava tassa bhavinim sampattim
vibhavento anumodanam vatva pakkami. So tena punnakammena devaloke nibbattitva
aparaparam sugatisuyeva samsaranto imasmim buddhuppade rajagahe brahmanakule
nibbattitva tissoti laddhanamo vayappatto tinnam vedanam paragu hutva
pancamattani manavakasatani mante vacento labhaggayasaggappatto hutva satthu
rajagahagamane buddhanubhavam disva patiladdhasaddho pabbajitva vipassanam patthapetva
na cirasseva arahattam papuni. Tena vuttam apadane 2- :-
          "ajjhogahetva salavanam        sukato assamo mama
           salapupphehi sanchanno          vasami vipine tada.
           Piyadassi tu 3- bhagava          sayambhu aggapuggalo
@Footnote: 1 Si. vannavantehi   2 khu.apa. 33/80/120 salamandapiyattherapadana (sya)  3 cha.Ma. ca
           Vivekakamo sambuddho       salavanamupagami.
           Assama abhinikkhamma         pavanam agamasaham
           mulaphalam gavesanto          ahindami vane tada.
           Tatthaddasasim sambuddham        piyadassim mahayasam
           sunisinnam samapannam          virontam mahavane.
           Catudande thapetvana        buddhassa upari aham
           mandapam sukatam katva         salapupphehi chadayim.
           Sattaham dharayitvana        mandapam salachaditam
           tattha cittam pasadetva      buddhasetthamavandaham.
           Bhagava tamhi samaye         vutthahitva samadhito
           yugamattam pekkhamano        nisidi purisuttamo.
           Savako varuno nama        piyadassissa satthuno
           vasisatasahassehi            upagacchi vinayakam.
           Piyadassi ca bhagava          lokajettho narasabho
           bhikkhusamghe nisiditva         sitam patukari jino.
           Anuruddho upatthako        piyadassissa satthuno
           ekamsam civaram katva         apucchittha 1- mahamunim.
           Ko nu kho bhagava hetu      sitakammassa satthuno
           karane vijjamanamhi        sattha patukare sitam.
           Sattaham pupphachadanam 2-       yo me dharesi manavo
           tassa kammam saritvana        sitam patukarim aham.
           Anokasam na passami        yattha 3- punnam vipaccati
           devaloke manusse va      okasova na sammati.
@Footnote: 1 Ma. apucchitam     2 cha.Ma. salacchadanam     3 pali. yantam
           Devaloke vasantassa        punnakammasamangino
           yavata parisa tassa        salacchanna bhavissati.
           Tattha dibbehi naccehi       gitehi vaditehi ca
           ramissati sada santo        punnakammasamahito.
           Yavata parisa tassa        gandhagandhi 1- bhavissati
           salassa pupphavasso ca       pavassissati 2- tavade.
           Tato cutoyam manujo         manusam agamissati
           idhapi salacchadanam          sabbakalam dharissati.
           Idha naccanca gitanca         sammatalasamahitam
           parivaressanti mam niccam      buddhapujayidam phalam.
           Uggacchante ca suriye       salavassam pavassati
           punnakammena samyuttam         vassate sabbakalikam.
           Attharase kappasate        okkakakulasambhavo
           gotamo nama gottena      sattha loke bhavissati.
           Tassa dhammesu dayado      oraso dhammanimmito
           sabbasave parinnaya        nibbayissatinasavo.
           Dhammam abhisamentassa         salachadanam 3- bhavissati
           citake jhayamanassa         chadanam tattha hessati.
           Vipakam kittayitvana         piyadassi mahamuni
           parisaya dhammam desesi       tappento dhammavutthiya.
           Timsakappani devesu         devarajjamakarayim
           satthi ca sattakkhattunca       cakkavatti ahosaham.
           Devaloka idhagantva      labhami vipulam sukham
@Footnote: 1 Ma. salacchanna     2 Ma. pavattissati    3 cha.Ma. salacchannam
           Idhapi salacchadanam          mandapassa idam phalam.
           Ayam pacchimako mayham         carimo vattate bhavo
           idhapi salacchadanam          hessati sabbakalikam.
           Mahamunim tosayitva         gotamam sakyapungavam
           pattomhi acalam thanam        hitva jayaparajayam.
           Attharase kappasate        yam buddhamabhipujayim
           duggatim nabhijanami         buddhapujayidam phalam.
           Kilesa jhapita mayham .pe.  katam buddhassa sasanan"ti.
      So arahattam pana patva visesato labhaggayasaggappatto ahosi. Tattha keci
puthujjanabhikkhu therassa labhasakkaram disva balabhavena asahanakaram pavedesum. Thero
tam natva labhasakkare adinavam tattha attano alaggabhavanca pakasento:-
    [153] "bahu 1- sapatte labhati       mundo sanghatiparuto
           labhi annassa panassa       vatthassa sayanassa ca.
    [154]  Etamadinavam natva         sakkaresu mahabbhayam
           appalabho anavassuto       sato bhikkhu paribbaje"ti
gathadvayam abhasi.
      Tassattho:- sikhampi dassetva 2- munditakesataya mundo, chinditva
sanghatitakasavadharitaya 3- sanghatiparuto, evam vevanniyam ajjhupagato parayatta-
vuttiko pabbajito sace annapanadinam labhi hoti, sopi bahu sapatte labhati,
tassa pasuyanta 4- bahu sambhavanti. 5- Tasma etam evarupam labhasakkaresu mahabbhayam
vipulabhayam adinavam dosam viditva appicchatam santosanca hadaye thapetva
anavajjuppadassapi uppannassa labhassa parivajjanena appalabho, tatoeva tattha
@Footnote: 1 Si. pahu    2 cha.Ma. asesetva    3 i.,Ma....dharanataya
@4 cha.Ma. usuyanta                 5 Si. usuyaka bahu bhavanti
Tanhavassutabhavena anavassuto, samsare bhayassa ikkhanato bhinnakilesataya va
bhikkhu santutthitthaniyassa satisampajannassa 1- vasena sato hutva paribbaje careyya
vihareyyati. Tam sutva te bhikkhu tavadeva theram khamapesum.
                     Tissattheragathavannana nitthita.
                         ---------------



             The Pali Atthakatha in Roman Book 32 page 420-424. http://84000.org/tipitaka/atthapali/read_rm.php?B=32&A=9370&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9370&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=274              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5789              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5946              The Pali Tipitaka in Roman Character :- http://84000.org/tipitaka/read/roman_read.php?B=26&A=5946              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]