บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
339. 5. Vaddhattheragathavannana sadhu hitiadika ayasmato vaddhattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayani punnani upacinanto imasmim buddhuppade bharukacchanagare gahapatikule nibbattitva vaddhoti laddhanamo anupubbena vaddhati. Athassa mata samsare sanjatasamvega puttam natinam niyyadetva bhikkhuninam santike pabbajitva vipassanaya kammam karonti arahattam papunitva aparena samayena puttampi vinnutam pattam veludantattherassa 1- santike pabbajesi. So pabbajito buddhavacanam uggahetva bahussuto dhammakathiko hutva @Footnote: 1 Si.,i. veludattattherassa Ganthadhuram vahanto ekadivasam "ekako santaruttarova mataram passissami"ti bhikkhunu- passayam agamasi. Tam disva mata "kasma tvam ekako santaruttarova idhagato"ti codesi. So matara codiyamano "ayuttam maya katan"ti uppannasamvego viharam gantva divatthane nisinno vipassitva arahattam patva matu ovadasampattipakasanamukhena annam byakaronto:- [335] "sadhu hi kira me mata patodam upadamsayi yassaham vacanam sutva anusittho janettiya araddhaviriyo pahitatto patto sambodhimuttamam. [336] Araha dakkhineyyomhi tevijjo amataddaso jetva namucino senam viharami anasavo [337] Ajjhattanca bahiddha ca ye me vijjimsu asava sabbe asesa ucchinna na ca uppajjare puna. [338] Visarada kho bhagini etamattham abhasayi apiha nuna mayipi vanatho te na vijjati. [339] Pariyantakatam dukkham antimoyam samussayo jatimaranasamsaro natthi dani punabbhavo"ti ima gatha abhasi. Tattha sadhu hi kira me mata, patodam upadamsayiti sadhu vata mata mayham ovadasankhatam patodam dasseti, tena me viriyam uttejenti uttamange pannasise vijjhi. Yassati yassa me matuya. Sambodhinti arahattam. Ayam hettha yojana:- janettiya me anusittho yassa anusasanibhutam vacanam sutva aham araddhaviriyo pahitatto viharanto uttamam aggaphalam sambodhim arahattam patto. Tatoeva arakatta kilesehi araha punnakkhettataya dakkhineyyo dakkhinaraho amhi. Pubbenivasananadivijjattayassa adhigatatta tevijjo nibbanassa sacchikatatta amataddaso namucino marassa senam kilesavahinim bodhipakkhiyasenaya jinitva tassa jitattayeva anasavo sukham viharamiti. Idani "anasavo"ti vuttamattham pakatataram katum "ajjhattanca"ti gathamaha. Tassattho:- ajjhattam ajjhattavatthuka ca bahiddha bahiddhavatthuka ca asava ye mayham ariyamaggadhigamato pubbe vijjimsu upalabbhimsu, te sabbe anavasesa ucchinna ariyamaggena samucchinna pahina puna dani kadacipi na ca uppajjeyyum na uppajjissantiyevati. Idani matu vacanam ankusam katva attana arahattassa adhigatatta mataram thomento "visarada"ti gathamaha. Tattha visarada khoti ekamsena vigatasarajja. Evam matu attano ca arahattadhigamena satthu orasaputtabhavam ullapento 1- mataram "bhagini"ti aha. Etamattham abhasayiti etam mama ovadabhutam attham abhani. Evam pana mam ovadanti na kevalam visaradaeva, atha kho apiha nuna mayipi tava puttakepi apiha asanthava 2- manne, kim va etena parikappanena 3-? vanatho te na vijjati avijjadiko vanatho tava santane nattheva, ya mam bhavakkhaye viyojesiti adhippayo. Idani "taya niyojitakareneva maya patipannan"ti dassento "pariyantakatan"ti osanagathamaha, tassattho suvinneyyova. Vaddhattheragathavannana nitthita. @Footnote: 1 i. ullingento 2 Ma. abandhava 3 Si.,i. parikappatthenaThe Pali Atthakatha in Roman Book 33 page 55-57. http://84000.org/tipitaka/atthapali/read_rm.php?B=33&A=1259&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=1259&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=339 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6384 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6502 The Pali Tipitaka in Roman Character :- http://84000.org/tipitaka/read/roman_read.php?B=26&A=6502 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]