AtthaPali Vol.33

341. 7. Gayakassapattheragathavannana pato majjhantikantiadika ayasmato gayakassapattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kusalam upaci- nanto ito ekattimse kappe sikhissa bhagavato kale kulagehe nibbattitva vinnutam patto nissaranajjhasayataya gharavasam pahaya tapasapabbajjam pabbajitva arannayatane assamam karetva vanamulaphalaharo vasati. Tena ca samayena bhagava eko adutiyo tassa assamasamipena gacchati. So bhagavantam disva pasannamanaso upasankamitva vanditva ekamantam thito velam oloketva manoharani kolaphalani satthu upanesi. So tena punnakammena devamanussesu samsaranto imasmim buddhuppade brahmanakule nibbattitva vayappatto nissaranajjhasayataya gharavasam pahaya tapasapabbajjam pabbajitva dvihi tapasasatehi saddhim gayayam viharati. Gayayam vasanato hissa kassapa- gottataya ca gayakassapoti samanna ahosi. So bhagavata saddhim parisaya ehibhikkhu- pasampadam datva ^1- adittapariyayadesanaya ^2- ovadiyamano arahatte patitthasi. Tena vuttam apadane 3-:- @Footnote: ¹ Si.,i. labhitva ² vinaYu.maha.4/54/44-5 uruvelapatihariyakatha, @sam.sala. 18/31/23-25 adittasutt(sya) @³ khu.apa. 33/32/57 koladayakattherapadana (sya) "ajinena nivatthoham vakaciradharo tada bhariya ^1- purayitvana kolamhasim mamassamam. Tamhi kale sikhi buddho eko adutiyo ahu mamassamam upagacchi jananto ^2- sabbakalikam. Sakam cittam pasadetva vanditvana ca subbatam ubho hatthehi paggayha kolam buddhassadasaham. Ekatimse ito kappe yam phalamadadim tada duggatim nabhijanami koladanassidam phalam. Kilesa jhapita mayham .pe. Katam buddhassa sasanan"ti. Arahatte pana patitthito attano patipattim paccavekkhitva papapavahanakittana- mukhena annam byakaronto:- [345] "pato majjhantikam ^3- sayam tikkhattum divasassaham otarim udakam soham gayaya gayaphagguya. [346] Yam maya pakatam papam pubbe annasu jatisu tam danidha pavahemi evamditthi pure ahum. [347] Sutva subhasitam vacam dhammatthasahitam padam tatham yathavakam attham yoniso paccavekkhisam. [348] Ninhatasabbapapomhi nimmalo payato suci suddho suddhassa ^4- dayado putto buddhassa oraso. [349] Ogayhatthangikam sotam sabbam papam pavahayim tisso vijja ajjhagamim katam buddhassa sasanan"ti ima panca gatha abhasi. @Footnote: ¹ cha.Ma. khariya ² pali. jotento ³ cha.Ma. majjhanhikam ⁴ pali. buddhassa Tattha pathamagathaya tava ayam sankhepattho:- pato suriyuggamanavelayam majjhantikam majjhanhavelayam sayam sayanhavelayanti divasassa tikkhattum tayo vare aham udakam otarim ogahim, otaranto ca soham na yattha katthaci yada va tada va otarim, atha kho gayaya mahajanassa "papapavahanan"ti abhisammate gayatitthe, gayaphagguya gayaphaggunamake phaggunimasassa uttaraphagguninakkhatte anusamvaccharam udakorohanamanuyutto ahosinti. Idani tada yenadhippayena udakorohanamanuyuttam, tam dassetum "yam maya"ti gathamaha. Tassattho:- "yam maya pubbe ito annasu jatisu papakammam upacitam, tam idani idha gayatitthe imissa ca gayaphagguya imina udakorohanena pavahemi apanemi vikkhalemi"ti pure satthu sasanupagamanato pubbe evamditthi evarupaviparita- dassano ahum ahosim. Dhammatthasahitam padanti vibhattialopena niddeso, dhammena ca atthena ca sahita- kotthasam, adito majjhato pariyosanato ca dhammupasamhitam atthupasamhitam sutthu ekantena niyyanikam katva bhasitam vacam ^1- sammasambuddhavacanam sutva tena pakasitam paramattha- bhavena tacchabhavato tatham yatharaham pavattinivattiupayabhave byabhicarabhavato ^2- yathavakam dukkhadiattham yoniso upayena parinneyyadibhavena paccavekkhisam "dukkham parinneyyam, samudayo pahatabbo, nirodho sacchikatabbo, maggo bhavetabbo"ti patiavekkhim, nanacakkhuna passim pativijjhinti attho. Ninhatasabbapapomhiti evam patividdhasaccattaeva ariyamaggajalena vikkhalita- sabbapapo amhi. Tatoeva ragamaladinam abhavena nimmalatta nimmalo. Tatoeva parisuddhakayasamacarataya parisuddhavacisamacarataya parisuddhamanosamacarataya payato @Footnote: ¹ Si.,i. bhasitatta subhasitam vacam ² Ma. pavattitaupayabhave vibhavitato Suci suddho. ^1- Savasanasabbakilesamalavisuddhiya suddhassa buddhassa bhagavato lokuttara- dhammadayassa adiyanato dayado. Tasseva desanananasamutthanaurovayamajanitabhi- jatitaya oraso putto amhiti yojana. Punapi attano paramatthato nhatakabhavameva vibhavetum "ogayha"ti osanagathamaha. Tattha ogayhati ogahetva anupavisitva. Atthangikam sotanti sammaditthiadihi atthangasamodhanabhutam maggasotam. Sabbam papam pavahayinti anavasesam papamalam pakkhalesim, ariyamaggajalapavahanena paramatthanhatako ahosim. Tatoeva tisso vijja ajjhagamim, katam buddhassa sasananti vuttatthameva. Gayakassapattheragathavannana nitthita. ---------------------

The Pali Atthakatha in Roman Book 33 page 61-64. http://84000.org/tipitaka/atthapali/read_rm.php?B=33&A=1386&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=1386&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=341 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6407 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6527 The Pali Tipitaka in Roman Character :- http://84000.org/tipitaka/read/roman_read.php?B=26&A=6527 Contents of The Tipitaka Volume 26 http://84000.org/tipitaka/read/?index_26