AtthaPali Vol.33

343. 9. Vijitasenattheragathavannana olaggissamitiadika ayasmato vijitasenattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kuslam upacinanto atthadassissa bhagavato kale kulagehe nibbattitva vinnutam patto gharavasam pahaya isipabbajjam pabbajitva aranne viharanto akasena gacchantam bhagavantam disva pasannamanaso pasannakaram dassento anjalim paggayha atthasi. Sattha Tassa ajjhasayam natva akasato otari. So bhagavato manoharani madhurani phalani upanesi, patiggahesi bhagava anukampam upadaya. So tena punnakammena devamanussesu samsaranto imasmim buddhuppade kosalaratthe hatthacariyakule nibbattitva vijitasenoti laddhanamo vinnutam papuni. Tassa matula seno ca upaseno cati dve hatthacariya satthu santike dhammam sutva patiladdhasaddha pabbajitva vasadhuram purenta arahattam papunimsu. Vijitasenopi hatthisippe nipphattim gato nissaranajjhasayataya gharavase alaggamanaso satthu yamakapatihariyam disva patiladdhasaddho matulattheranam santike pabbajitva tesam ovadanusasaniya vipassanaya kammam karonto vipassanavithim langhitva ^1- bahiddha nanarammane vidhavantam attano cittam ovadanto:- [355] "olaggissami ^2- te citta anidvareva hatthinam na tam pape niyojessam kamajala sariraja. ^3- [356] Tvam olaggo na gacchasi ^4- dvaravivaram gajova alabhanto na ca cittakali punappunam pasakka ^5- paparato carissasi. [357] Yatha kunjaram adantam navaggaham ankusaggaho balava avatteti akamam evam avattayissam tam. [358] Yatha varahayadamakusalo sarathi pavaro dameti ajannam evam damayissam tam patitthito pancasu balesu. [359] Satiya tam nibandhissam payutto te damessami ^6- viriyadhuraniggahito na yito duram gamissase citta"ti gatha abhasi. @Footnote: ¹ Si.,i. labhitva ² cha.Ma. olaggessami ³ pali. kamajalam sarirajam @⁴ Si.,i. ganchisi ⁵ pali. pasaham ⁶ Si. payatatto vodapessami Tattha olaggissamiti samvarissami nivaressami. Teti tam. Upayogatthe hi idam samivacanam. Te gamananti va vacanaseso. Hatthinanti ca hatthinti attho. Cittati attano cittam alapati. Yatha tam varetukamo, tam dassento "anidvareva hatthinan"ti aha. Anidvaram nama pakarabaddhassa nagarassa khuddakadvaram, yam ghatikachidde ^1- animhi pakkhitte yantena vina abbhantare thitehipi vivaritum na sakka yena manussagavassamahimsadayo ^2- na niggantum sakka, nagarato bahi niggantukamampi hatthim yato palobhetva hatthacariyo gamanam nivaresi. Athava anidvaram nama paligha- dvaram. Tattha hi tiriyam paligham thapetva rukkhasucisankhatam anim palighasise avunanti. Papeti rupadisu uppajjanakaabhijjhadipapadhamme tam na niyojessam na niyojissami. Kamajalati kamassa jalabhuta. Yatha hi macchabandhamigaluddanam jalam nama macchadinam tesam yathakamakarasadhanam, evam ayonisomanasikaranupatitam cittam marassa kamakarasadhanam. Tena hi so satte anatthesu pateti. Sarirajati sariresu uppajjanaka. Pancavokarabhave hi cittam rupapatibaddhavuttitaya "sarirajan"ti vuccati. Tvam olaggo na gacchasiti tvam cittakali maya satipannapatodaankusehi varito na dani yatharucim gamissasi, ayonisomanasikaravasena yathakamam vattitum labhissasi. Yatha kim? dvaravivaram gajova alabhanto nagarato gajanirodhato va ^3- niggamanaya Dvaravivarakam alabhamano hatthi viya. Cittakaliti cittakalakanni. Punappunanti aparaparam. Pasakkati saranasampassasavasena. ^4- Paparatoti papakammanirato pubbe viya idani na carissasi tatha caritum na dassamiti attho. Adantanti adamitam hatthisikkham asikkhitam. Navaggahanti aciragahitam. Ankusaggahoti hatthacariyo. Balavati kayabalena nanabalena ca balava. Avatteti akamanti anicchantameva nisedhanato ^5- nivatteti. Evam avattayissanti yatha yathavuttam hatthim @Footnote: ¹ Si. samghatitachidde, i. samghatikachidde ² Si.....mahisadihi ³ Ma. janayodhato va @⁴ Si. pasahanti sarabhasasamghasahasavasena pasahanto, i. pasahanti sarabhasam sahasavasena pasahanto @⁵ Si.,i., Ma. visevanato Hatthacariyo, evam. Tam cittam cittakalim duccaritanisedhanato ^1- nivattayissami. Varahayadamakusaloti uttamanam assadammanam damane kusalo. Tatogeva sarathipavaro assadammasarathisu visittho dameti ajannam ajaniyam assadammam desakalanurupam ^2- sanhapharusehi dameti vineti nibbisevanam karoti. Patitthito pancasu balesuti saddhadisu pancasu balesu patitthito hutva assaddhiyadinisedhanato tam damayissam damessamiti attho. Satiya tam nibandhissanti gocarajjhattato bahi gantum adento satiyottena kammatthanathambhe cittakali tam nibandhissami niyamessami. ^3- Payutto te damessamiti tattha nibandhantoeva yuttappayutto hutva te damessami, sankilesamalato tam visodhessami. ^4- Viriyadhuraniggahitoti yathavutto ^5- chekena susarathina ^6- yuge yojito yuganiggahito yugantaragato ^7- tam natikkamati, evam tvampi citta mama viriyadhure niggahito sakkaccakaritaya sataccakaritaya annatha vattitum alabhanto ito gocarajjhattato duram bahi na gamissasi. Bhavananuyuttassa hi kammatthanato annam asannampi lakkhanato duramevati evam thero imahi gathahi attano cittam nigganhantova vipassanam vaddhetva arahattam papuni. Tena vuttam apadane 8-:- "suvannavannam sambuddham dvattimsavaralakkhanam vipinaggena gacchantam salarajamva phullitam. Tinattharam pannapetva buddhasettham ayacaham anukampatu mam buddho bhikkham icchami datave. Anukampako karuniko atthadassi mahayaso mama sankappamannaya oruhi mama assame. @Footnote: ¹ Si.,i., Ma. duccaritavisevanato ² i. assadamanesu kulanurupam @³ Ma. vayamissami niddharissamiti ⁴ Si.,Ma. viradhessami ⁵ Ma. yathayogo @⁶ Si. assadammasarathina ⁷ Ma. samanantaragato @⁸ khu.apa. 33/34/59 bhallatakadayakattherapadana Orohitvana sambuddho nisidi pannasanthare bhallatakam gahetvana buddhasetthassadasaham. Mama nijjhayamanassa paribhunji tada jino tattha cittam pasadetva abhivandim tada jinam. Attharase kappasate yam phalamadadim tada duggatim nabhijanami phaladanassidam phalam. Kilesa jhapita mayham .pe. Katam buddhassa sasanan"ti. Arahattam pana patva annam byakarontopi ima gatha abhasi. Vijitasenattheragathavannana nitthita. -----------------

The Pali Atthakatha in Roman Book 33 page 71-75. http://84000.org/tipitaka/atthapali/read_rm.php?B=33&A=1627&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=1627&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=343 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6432 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6552 The Pali Tipitaka in Roman Character :- http://84000.org/tipitaka/read/roman_read.php?B=26&A=6552 Contents of The Tipitaka Volume 26 http://84000.org/tipitaka/read/?index_26