ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 33 : PALI ROMAN Thera.A.2 (paramatthadi.2)

                   346. 12. Kosiyattheragathavannana
      yo ve garunantiadika ayasmato kosiyattherassa gatha. Ka uppatti?
      ayampi purimabuddhesu katadhikaro tattha tattha bhave vivattupanissayam kusalam
upacinanto vipassissa bhagavato kale kulagehe nibbattitva vinnutam patto ekadivasam
sattharam disva pasannacitto ucchukhandikam adasi. So tena punnakammena deva-
manussesu samsaranto imasmim buddhuppade magadharatthe brahmanakule nibbatti,
kosiyotissa gottavasena namam akasi. So vinnutam patto ayasmantam dhammasenapatim
abhinham upasankamati, tassa santike dhammam sunati. So tena sasane patiladdhasaddho
pabbajitva kammatthanam anuyunjanto na cirasseva arahattam papuni. Tena vuttam
apadane 1-:-
            "nagare bandhumatiya         dvarapalo ahosaham
             addasam virajam buddham         sabbadhammana paragum.
             Ucchukhandikamadaya         buddhasetthassadasaham
             pasannacitto sumano        vipassissa mahesino.
@Footnote: 1 khu.apa. 33/25/49 ucchukhandikattherapadana (sya)
             Ekanavutito kappe        yam ucchumadadim tada
             duggatim nabhijanami        ucchukhandassidam phalam.
             Kilesa jhapita mayham .pe. Katam buddhassa sasanan"ti.
      Arahattam pana patva attano patipattim 1- paccavekkhitva garuvasam sappurisupa-
nissayanca pasamsanto 2-:-
           [370] "yo ve garunam vacanannu dhiro
                 vase ca tamhi janayetha pemam
                 so bhattima nama ca hoti pandito
                 natva ca dhammesu visesi assa.
           [371] Yam apada uppatita ulara
                 nakkhambhayante patisankhayantam
                 so thamava nama ca hoti pandito
                 natva ca dhammesu visesi assa.
           [372] Yo ve samuddova thito anejo
                 gambhirapanno nipunatthadassi
                 asamhariko 3- nama ca hoti pandito
                 natva ca dhammesu visesi assa.
           [373] Bahussuto dhammadharo ca hoti
                 dhammassa hoti anudhammacari
                 so tadiso nama ca hoti pandito
                 natva ca dhammesu visesi assa.
@Footnote: 1 Si.,i. sampattim   2 Ma. panditanam sammasanto      3 cha.Ma. asamhariyo
           [374] Atthanca yo janati bhasitassa
                 atthanca natvana tatha karoti
                 atthantaro nama sa hoti pandito
                 natva ca dhammesu visesi assa"ti
ima panca gatha abhasi.
      Tattha yoti khattiyadisu catusu parisasu yo koci. Veti byattam. Garunanti sila-
digunayuttanam panditanam. Vacanannuti tesam anusasanivacanam jananto, 1- yathanusittham
patipajjamano patipajjitva ca tassa phalam janantoti attho. Dhiroti dhitisampanno.
Vase ca tamhi janayetha pemanti tasmim garunam vacane ovade vaseyya yathanusittham
patipajjeyya, patipajjitva "imina vataham ovadena imam jatiadidukkham
vitivatto"ti tattha janayetha pemam garavam uppadeyya. Idam hi dvayam "garunam vacanannu
dhiro"ti padadvayena vuttassevatthassa pakatakaranam. Soti yo garunam 2- vacanannu dhiro, so
yathanusittham patipattiya tattha bhattima ca nama hoti, jivitahetupi tassa anatikkamanato
pandito ca nama hoti. Natva ca dhammesu visesi assati tatha patipajjanto
ca tayaeva patipattiya catunnam ariyasaccanam jananahetu lokiyalokuttaradhammesu
vijjattayadivasena "tevijjo, chalabhinno, patisambhidapatto"ti visesi visesava
siyati attho.
      Yanti yam puggalam patipattiya antarayakaranato "apada"ti laddhavohara
situnhakhuppipasadipakataparissaya ceva ragadipaticchannaparissaya ca uppatita
uppanna ulara balavantopi nakkhambhayante na kinci calenti. 3- Kasma?
patisankhayantanti patisankhayamanam patisankhanabale thitanti attho. Soti yo dalhatarahi
apadahipi akkhambhaniyo, so thamava dhitima dalhaparakkamo nama hoti.
@Footnote: 1 Ma. anujananto  2 Si.,i. soti garunam  3 Si.,i.na kampenti na kinci calenti
Anavasesasankilesapakkhassa abhibhavanakapannabalasamangitaya pandito ca nama hoti. Tathabhuto
ca natva ca dhammesu visesi assati tam vuttatthameva.
      Samuddova thitoti samuddo viya thitasabhavo. Yatha hi caturasitiyojanasahassagambhire
sinerupadasamipe mahasamuddo atthahipi disahi utthitehi pakativatehi aninjanato
thito anejo gambhiro ca, evam kilesavatehi titthiyavadavatehi ca akampaniyato
thito anejo. Gambhirassa anupacitananasambharehi aladdhagadhassa nipunassa sukhumassa
paticcasamuppadadiatthassa pativijjhanena gambhirapanno nipunatthadasSi. Asamhariko
nama ca hoti pandito so tadiso puggalo kilesehi devaputtamaradisu va
kenaci asamharikataya asamhariko nama hoti, yathavuttena atthena pandito ca
nama hoti. Sesam vuttanayameva.
      Bahussutoti pariyattibahusaccavasena bahussuto, suttageyyadi bahum sutam
etassati bahussuto. Tameva dhammam suvannabhajane pakkhittasihavasam viya avinassantameva
dharetiti dhammadharo ca hoti. Dhammassa hoti anudhammacariti yathasutassa yathapariyattassa
dhammassa atthamannaya dhammamannaya navalokuttaradhammassa anurupam dhammam pubbabhagapatipada-
sankhatam catuparisudadhisiladhutangaasubhakammatthanadibhedam carati patipajjatiti anudhammacari
hoti, "ajja ajjeva"ti pativedham akankhanto vicarati. So tadiso nama ca
hoti panditoti yo puggalo yam garum nissaya bahussuto dhammadharo dhammassa
ca anudhammacari hoti. So ca tadiso tena garuna sadiso pandito nama
hoti patipattiya sadisabhavato. Tathabhuto pana so natva ca dhammesu visesi
assa, tam vuttatthamva.
      Atthanca yo janati bhasitassati yo puggalo sammasambuddhena bhasitassa
pariyattidhammassa attham janati, jananto pana "idha silam vuttam, idha samadhi,
idha panna"ti tattha tattha yathavuttam atthanca natvana tatha karoti yatha satthara
Anusittham, tatha patipajjati. Atthantaro nama sa hoti panditoti so evarupo
puggalo atthantaro atthakarana siladiatthajananamattameva upanissayam katva pandito
hoti. Sesam vuttanayameva.
      Ettha ca pathamagathaya "yo ve garunan"tiadina saddhupanissayo visesabhavo
vutto, dutiyagathaya "yam apada"tiadina viriyupanissayo, tatiyagathaya "yo ve
samuddova thito"tiadina samadhupanissayo, catutthagathaya "bahussuto"tiadina satupa-
nissayo, pancamagathaya "atthanca yo janati"tiadina pannupanissayo visesabhavo
vuttoti veditabbo.
                    Kosiyattheragathavannana nitthita.
                    Paramatthadipaniya theragathasamvannanaya
                   pancakanipatassa atthavannana nitthita.
                      ---------------------



             The Pali Atthakatha in Roman Book 33 page 82-86. http://84000.org/tipitaka/atthapali/read_rm.php?B=33&A=1877&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=1877&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=346              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6469              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6597              The Pali Tipitaka in Roman Character :- http://84000.org/tipitaka/read/roman_read.php?B=26&A=6597              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]