AtthaPali Vol.33

356. 10. Sumanattheragathavannana yada navo pabbajitotiadika ayasmato sumanattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto sikhissa bhagavato kale malakarakule ^1- nibbattitva vinnutam patto ekadivasam sikhim bhagavantam passitva pasannamanaso sumanapupphehi pujam akasi. So tena punnakammena devamanussesu samsaranto imasmim buddhuppade annatarassa upasakassa gehe patisandhim ganhi. So ca upasako ayasmato anuruddhattherassa upatthako ahosi. Tassa ca tato pubbe jatajata daraka marimsu. Tena so "sacaham idani ekam puttam labhissami, ayyassa anuruddhattherassa santike pabbajessami"ti cittam uppadesi. So ca dasamasaccayena jato arogoyeva hutva anukkamena vaddhento sattavassiko ahosi, tam pita therassa santike pabbajesi. So pabbajitva tato paripakkannanatta vipassanaya kammam karonto na cirasseva chalabhinno hutva theram upatthahanto "paniyam aharissami"ti ghatam adaya iddhiya anotattadaham agamasi. Atheko micchaditthiko nagaraja anotattadaham paticchadento sattakkhattum bhogena parikkhipitva upari mahantam phanam katva sumanassa paniyam gahetum okasam na deti. Sumano garularupam gahetva tam nagarajam abhibhavitva paniyam gahetva therassa vasanatthanam uddissa akasena gacchati. Tam sattha jetavane nisinno tatha gacchantam @Footnote: ¹ Si. kulagehe, i. malakarakule kulagehe Disva dhammasenapatim amantetva "sariputta imam passa"tiadina catuhi gathahi tassa gune abhasi. Atha sumanatthero:- [429] "yada navo pabbajito jatiya sattavassiko iddhiya abhibhotvana pannagindam mahiddhikam. [430] Upajjhayassa udakam anotatta mahasara aharami tato disva mam sattha etadabravi. [431] Sariputta imam passa agacchantam kumarakam udakakumbhamadaya ajjhattam susamahitam. [432] Pasadikena vattena kalyanairiyapatho samaneronuruddhassa iddhiya ca visarado. [433] Ajaniyena ajanno sadhuna sadhukarito vinito anuruddhena katakiccena sikkhito [434] So patva paramam santim sacchikatva akuppatam samanero sa sumano ma mam jannati icchati"ti annabyakaranavasena cha gatha abhasi. Tattha adito dve gatha sumanatthereneva bhasita, itara catasso tam pasamsantena satthara bhasita. Ta sabba ekajjham katva sumanatthero paccha annabyakaranavasena abhasi. Tattha pannagindanti nagarajam. Tatoti tattha, yada navo pabbajito jatiya sattavassiko iddhibalena mahiddhikam nagarajam abhibhavitva anotattadahato upajjhayassa paniyam aharami, tasmim kaleti attho. Mam uddissa mayham sattha etadabravi, tam ^1- dassento "sariputta imam @Footnote: ¹ Si.,i. etadabravi, yam pana abravi, tam pana Passa"tiadimaha. Ajjhattam susamahitanti visayajjhattabhutena aggaphalasamadhina sutthu samahitam. Pasadikena vattenati passantanam pasadavahena acaravattena, karanatthe idam karanavacanam. Kalyanairiyapathoti sampanniriyapatho. Pasadikena vattenati va itthambhutalakkhane karanavacanam. Samanassa bhavo samanyam, samannanti attho. Tadattham irati ^1- pavattatiti samanero, samanuddeso. Iddhiya ca visaradoti iddhiyampi byatto sukusalo. Ajaniyenati purisajaniyena. Attahitaparahitanam sadhanato sadhuna katakiccena anuruddhena sadhu ^2- ubhayahitasadhako sutthu va ajanno karito damito. ^3- Aggavijjaya vinito asekkhabhavapadanena sikkhito sikkhapitoti attho. So samanero sumano paramam santim nibbanam patva aggamaggadhigamena adhigantva sacchikatva attapaccakkham katva akuppatam arahattaphalam appicchabhavassa paramukkamsagatatta ma mam jannati mam "ayam khinasavo"ti va "../../bdpicture/chalabhinno"ti va kocipi ma janeyyati icchati abhikankhatiti. Sumanattheragathavannana nitthita. --------------

The Pali Atthakatha in Roman Book 33 page 122-124. http://84000.org/tipitaka/atthapali/read_rm.php?B=33&A=2785&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=2785&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=356 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6631 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6771 The Pali Tipitaka in Roman Character :- http://84000.org/tipitaka/read/roman_read.php?B=26&A=6771 Contents of The Tipitaka Volume 26 http://84000.org/tipitaka/read/?index_26