|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
365. 5. Sarabhangattheragathavannana sare hatthehitiadika ayasmato sarabhangattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kusalam upacinitva imasmim buddhuppade rajagahe annatarassa brahmanassa putto hutva nibbatti, anabhilakkhitotissa kulavamsagatam namam ahosi. So vayappatto kame pahaya tapasapabbajjam pabbajitva saratinani sayameva bhanjitva pannasalam katva vasati. Tato patthaya sarabhangotissa samanna ahosi. Atha bhagava buddhacakkhuna lokam volokento tassa arahattupanissayam disva tattha gantva dhammam desesi. So patiladdhasaddho pabbajitva vipassanaya kammam karonto na cirasseva arahattam patva tattheva vasati. Athassa tapasakale kata pannasala jinna palugga ahosi. Tam disva manussa "kissa bhante imam kutikam na patisankharotha"ti ahamsu. Thero "kutika yatha tapasakale kata, idani tatha katum na sakka"ti tam sabbam pakasento:- [487] "sare hatthehi bhanjitva katvana kutimacchisam tena me sarabhangoti namam sammatiya 1- ahu. [488] Na mayham kappate ajja sare hatthehi bhanjitum sikkhapada no pannatta gotamena yasassina"ti dve gatha abhasi. Tattha sare hatthehi bhanjitvati pubbe tapasakale saratinani mama hatthehi chinditva tinakutim katva acchisam vasim, nisidinceva nipajjim ca. Tenati kutikaranattham saranam bhanjanena. Sammatiyati anvatthasammatiya sarabhangoti namam ahu ahosi. @Footnote: 1 cha.Ma. sammutiya--------------------------------------------------------------------------------------------- page157.
Na mayham kappate ajjati ajja idani upasampannassa mayham sare saratine hatthehi bhanjitum na kappate na vattati. Kasma? sikkhapada no pannatta, gotamena yasassinati. Tena yam amhakam satthara sikkhapadam pannattam, tam mayam jivitahetunapi natikkamamati dasseti. Evam ekena pakarena tinakutikaya apatisankharane karanam dassetva idani aparenapi pariyayena nam dassento:- [489] "sakalam samattam rogam sarabhango naddasam pubbe soyam rogo dittho vacanakarenatidevassa"ti imam gathamaha. Tattha sakalanti sabbam. Samattanti sampunnam, sabbabhagato 1- anavasesanti attho. Roganti dukkhadukkhatadivasena rujanatthena rogabhutam upadanakkhandhapancakam sandhaya vadati. Naddasam pubbeti satthu ovadapatilabhato pubbe na addakkhim. Soyam rogo dittho, vacanakarenati devassati sammutideva upapattideva visuddhidevati sabbepi deve attano siladigunehi atikkamitva thitatta atidevassa sammasambuddhassa ovadapatikarena sarabhangena so ayam khandhapancakasankhato rogo vipassanapanna- sahitaya maggapannaya pancakkhandhato 2- dittho, parinnatoti attho. Etena evam attabhavakutikayampi anapekkho bahiram tinakutikam katham 3- patisankharissatiti dasseti. Idani yam maggam patipajjantena maya ayam attabhavarogo yathavato dittho, svayam maggo sabbabuddhasadharano. Yena 4- nesam ovadadhammopi majjhe bhinnasuvanna- sadiso yatthaham patitthaya dukkhakkhayam pattoti evam attano arahattapatipattim byakaronto:- @Footnote: 1 Si. sekhabhavato, i. sabbabhavato 2 Ma. paccakkhato 3 Ma. tinakutim kim 4 Si. kena--------------------------------------------------------------------------------------------- page158.
[490] "yeneva maggena gato vipassi yeneva maggena sikhi ca vessabhu kakusandhakonagamano ca kassapo tenanjasena agamasi gotamo. [491] Vitatanha anadana satta buddha khayogadha yehayam desito dhammo dhammabhutehi tadibhi. [492] Cattari ariyasaccani anukampaya paninam dukkham samudayo maggo nirodho dukkhasankhayo. [493] Yasmim nivattate dukkham samsarasmim anantakam bheda imassa kayassa jivitassa ca sankhaya anno punabbhavo natthi suvimuttomhi sabbadhi"ti ima gatha abhasi. Tattha yeneva maggenati yeneva sapubbabhagena ariyena atthangikena maggena. Gatoti patipanno nibbanam adhigato. Vipassiti vipassi sammasambuddho. Kakusandhati avibhattiko niddeso. "kakusandhakonagamana"tipi patho. Tenanjasenati teneva anjasena ariyamaggena. Anadanati anupadana appatisandhika va. Khayogadhati nibbanogadha nibbanapatittha. Yehayam desito dhammoti yehi sattahi sammasambuddhehi ayam sasanadhammo desito pavedito. Dhammabhutehiti dhammakayataya dhammasabhavehi navalokuttaradhammato va bhutehi jatehi dhammam va pattehi. Tadibhiti itthadisu tadibhavappattehi. "cattari ariyasaccani"tiadina tehi desitam dhammam dasseti. Tattha cattariti gananaparicchedo. Ariyasaccaniti paricchinnadhammadassanam. Vacanatthato pana ariyani ca--------------------------------------------------------------------------------------------- page159.
Avitathatthena saccani cati ariyasaccani, ariyassa va bhagavato saccani tena desitatta, ariyabhavakarani va saccaniti ariyasaccani. Kucchitabhavato tucchabhavato ca dukkham. Upadanakkhandhapancakam. Tam dukkham samudeti etasmati samudayo, tanha. Kilese marento gacchati, nibbanatthikehi maggiyatiti va maggo, sammaditthiadayo attha dhamma. Samsaracarakasankhato natthi ettha rodho, etasmim va adhigate puggalassa rodhabhavo hoti, nirujjhati dukkhametthati va nirodho, nibbanam. Tenaha "dukkhasankhayo"ti. Ayamettha sankhepo, vittharo pana visuddhimagge 1- vuttanayeneva veditabbo. Yasminti yasmim nirodhe nibbane adhigate. Nivattateti ariyamaggabhavanaya sati 2- anantakam apariyantam imasmim samsare jatiadidukkham na pavattati ucchijjati, so nirodhoti ayam dhammabhutehi sammasambuddhehi desito dhammoti yojana. "bheda"ti- adina "rogo 3- dittho"ti dukkhaparinnaya sucitam attano arahattappattim sarupato dasseti. "yasmim nibbattate dukkhan"ti pana pathe sakalagathaya tatthayam yojana:- yasmim khandhadipatipatisannite samsare idam anantakam jatiadidukkham nibbattam, so ito dukkhappattito anno punappunam bhavanabhavato 4- punabbhavo. Imassa jivitindriyassa sankhaya kayasankhatassa khandhapancakassa bheda vinasa uddham natthi, tasma sabbadhi sabbehi kilesehi sabbehi bhavehi sutthu vimutto visamyutto amhiti. Sarabhangattheragathavannana nitthita. Paramatthadipaniya theragathasamvannanaya sattakanipatassa atthavannana nitthita. -------------------- @Footnote: 1 visuddhi. 3/95 indriyasaccaniddesa 2 Si. ariyamaggabhavanaya appavattati @3 Si.,i. arogo 4 Si. anno punappunabhavato, i. anno punappunabhavatoThe Pali Atthakatha in Roman Book 33 page 156-159. http://84000.org/tipitaka/atthapali/read_rm.php?B=33&A=3570&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=3570&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=365 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6780 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6916 The Pali Tipitaka in Roman Character :- http://84000.org/tipitaka/read/roman_read.php?B=26&A=6916 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]