ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 34 : PALI ROMAN Theri.A. (paramatthadi.)

                    429. 10. Samatherigathavannana
      catukkhattum pancakkhattuntiadika samaya theriya gatha.
      Ayampi purimabuddhesu katadhikara tattha tattha bhave vivattupanissayam kusalam
upacinitva sugatisuyeva samsaranti imasmim buddhuppade kosambiyam gahapatimahasalakule
nibbattitva samatissa namam ahosi. Sa vinnutam patta samavatiya upasikaya
piyasahayika hutva taya kalakataya sanjatasamvega pabbaji, pabbajitva ca samavatim 1-
arabbha uppannasokam vinodetum asakkonti ariyamaggam ganhitum nasakkhi. Aparabhage
asanasalaya nisinnassa anandattherassa ovadam sutva vipassanam patthapetva
tato sattame divase saha patisambhidahi arahattam papuni. Arahattam pana patva
attano patipattim paccavekkhitva tam pakasenti:-
       [37]  "catukkhattum pancakkhattum      vihara upanikkhamim
              aladdha cetaso santim       citte avasavattini
              tassa me atthami ratti      yato tanha samuhata.
       [38]   Bahuhi dukkhadhammehi          appamadarataya me
              tanhakkhayo anuppatto       katam buddhassa sasanan"ti
udanavasena dve gatha abhasi.
      Tattha catukkhattum pancakkhattum, vihara upanikkhaminti "mama vasanakavihare
vipassanamanasikarena nisinna samanakiccam matthakam papetum asakkonti utu-
sappayabhavena nanu kho mayham vipassana maggena ghatteti"ti cintetva cattaro
panca cati nava vare vihara upassayato bahi nikkhamim. Tenaha "aladdha
@Footnote: 1 cha.Ma. samavatikam
Cetaso santim, citte avasavattini"ti. Tattha cetaso santinti ariyamaggasamadhim
sandhayaha. Citte avasavattiniti viriyasamataya abhavena mama bhavanacitte na
vasavattini. Sa kira ativiya paggahitaviriya ahosi. Tassa me atthami rattiti yato
patthaya anandattherassa santike ovadam patilabhim, tato patthaya rattindivamatandita
vipassanaya kammam karonti rattiyam catukkhattum pancakkhattum viharato nikkhamitva
manasikaram pavattenti visesam anadhigantva atthamiyam rattiyam viriyasamatam labhitva
maggapatipatiya kilese khepesinti attho. Tena vuttam "tassa me atthami ratti,
yato tanha samuhata"ti. Sesam vuttanayameva.
                     Samatherigathavannana nitthita.
                       Dukanipatavannana nitthita.
                         ---------------



             The Pali Atthakatha in Roman Book 34 page 55-56. http://84000.org/tipitaka/atthapali/read_rm.php?B=34&A=1176&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=1176&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=429              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9037              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9096              The Pali Tipitaka in Roman Character :- http://84000.org/tipitaka/read/roman_read.php?B=26&A=9096              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]