บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
441. 3. Sihatherigathavannana ayonisomanasikaratiadika sihaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinitva imasmim buddhuppade vesaliyam sihasenapatino bhaginiya dhita hutva nibbatti, tassa "matulassa namam karoma"ti sihati namam akamsu. Sa vinnutam patva ekadivasam satthara sihassa senapatino dhamme desiyamane tam dhammam sutva patiladdhasaddha matapitaro anujanapetva pabbaji, pabbajitva ca vipassanam arabhitvapi bahiddha puthuttarammane vidhavantam cittam nivattetum asakkonti satta samvaccharani micchavitakkehi badhiyamana cittassadam alabhanti "kim me imina papa- jivitena, ubbandhitva marissami"ti pasam gahetva rukkhasakhayam laggitva tam attano kanthe patimuncanti pubbacinnavasena vipassanaya cittam abhinihari, antimabhavikataya pasassa bandhanam givatthane ahosi, nanassa paripakam gatatta sa tavadeva vipassanam vaddhetva saha patisambhidahi arahattam papuni. Arahattappattasamakalameva ca pasabandho givato muccitva vinivatti. Sa arahatte patitthita udanavasena:- [77] "ayonisomanasikara kamaragena attita ahosim uddhata pubbe citte avasavattini. [78] Pariyutthita kilesehi subhasannanuvattini samam cittassa nalabhim ragacittavasanuga. [79] Kisa pandu vivanna ca satta vassani cariham naham diva va rattim va sukham vindim sudukkhita. [80] Tato rajjum gahetvana pavisim vanamantaram varamme idha ubbandham yanca hinam punacare. [81] Dalhapasam karitvana rukkhasakhaya bandhiya ima gatha abhasi. Tattha ayonisomanasikarati anupayamanasikarena, asubhe subhanti vipalla- saggahena. Kamaragena attitati kamagunesu chandaragena pilita. Ahosim uddhata pubbe, citte avasavattiniti pubbe mama citte mayham vase avattamane uddhata nanarammane vikkhittacitta asamahita ahosim. Pariyutthita kilesehi, subhasannanuvattiniti pariyutthanappattehi kamaragadihi kilesehi abhibhuta rupadisu subhanti pavattaya kamasannaya anuvattanasila. Samam cittassa nalabhim, ragacittavasanugati kamaragasampayuttassa 1- vasam anugacchanti isakampi cittassa samam cetosamatham cittekaggatam na labhim. Kisa pandu vivanna cati evam ukkanthitabhavena kisa dhamanisanthatagatta uppanduppandukajata tato eva vivanna vigatachavivanna ca hutva. Satta vassaniti satta samvaccharani. Carihanti carim aham. Naham diva va rattim va, @Footnote: 1 cha.Ma....sampayuttacittassa Sukham vindim sudukkhitati evamaham sattasu samvaccharesu kilesadukkhena dukkhita ekadapi diva va rattim va samanasukham na patilabhim. Tatoti kilesapariyutthanena samanasukhalabhabhavato. Rajjum gahetvana, pavisim vanamantaranti pasarajjum adaya vanantaram pavisim. Kimattham pavisiti ce aha "varamme idha ubbandham, yanca hinam punacare"ti yadaham samanadhammam katum asakkonti hinam gihibhavam puna acare acareyyam anutittheyyam, tato satagunena sahassagunena imasmim vanantare ubbandham bandhitva maranam me varam setthanti attho. Atha cittam vimucci meti yada rukkhasakhaya bandhapasam givayam pakkhipi, atha tadanantarameva vutthanagamini- vipassanamaggena ghatitatta maggapatipatiya sabbasavehi mama cittam vimucci vimuttam ahositi. Sihatherigathavannana nitthita. ------------------The Pali Atthakatha in Roman Book 34 page 101-103. http://84000.org/tipitaka/atthapali/read_rm.php?B=34&A=2145&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=2145&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=441 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9163 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9207 The Pali Tipitaka in Roman Character :- http://84000.org/tipitaka/read/roman_read.php?B=26&A=9207 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]