AtthaPali Vol.34

406-411. 5-10. Tissaditherigathavannana tisse yunjassu dhammehitiadika tissaya theriya gatha. Tassa vatthu tissasikkhamanaya vatthusadisam. Ayam pana theri hutva arahattam papuni. Yatha ca ayam, evam ito param dhira, vira, mitta, bhadra, upasamati pancannam therinam vatthu ekasadisameva. Sabbapi ima kapilavatthuvasiniyo bodhisattassa orodhabhuta mahapajapatigotamiya saddhim nikkhanta obhasagathaya ca arahattam patva thapetva sattamim. Sa pana obhasagathaya vina pageva ^2- satthu santike laddham ovadam nissaya vipassanam ussukkapetva arahattam papunitva udanavasena "dhira dhirehi"ti ^3- gatham abhasi. Itarapi arahattam patva 4-:- [5] "tisse yunjassu dhammehi khano tam ma upaccaga khanatita hi socanti nirayamhi samappita. @Footnote: ¹ cha.Ma. ditthasukhaviharena ² Si.,Ma. samvegam @³ cha. vira virehiti ⁴ Ma. arahattam patva imaya gathaya abhasi

--------------------------------------------------------------------------------------------- page15.

[6] Dhire nirodham phusehi sannavupasamam sukham aradhayahi nibbanam yogakkhemam anuttaram. [7] Vira virehi dhammehi bhikkhuni bhavitindriya dhareti antimam deham jetva maram savahanam. [8] Saddhaya pabbajitvana mitte mittarata bhava bhavehi kusale dhamme yogakkhemassa pattiya. [9] Saddhaya pabbajitvana bhadre bhadrarata bhava bhavehi kusale dhamme yogakkhemam anuttaram. [10] Upasame tare ogham maccudheyyam suduttaram dharehi antimam deham jetva maram savahanan"ti ima gathayo abhasimsu. Tattha yunjassu dhammehiti samathavipassanadhammehi ariyehi bodhipakkhiyadhammehi ca yunja yogam karohi. Khano tam ma upaccagati yo evam yogabhavanam na karoti, tam puggalam patirupadese uppattikkhano, channam ayatananam avekallakkhano, buddhuppadakkhano, saddhapatiladdhakkhanoti ^1- sabbopi ayam khano atikkamati nama. So khano tam ma atikkami. Khanatitati ye hi khanam atita, ye ca puggale so khano atito, te nirayamhi samappita hutva socanti, tattha nibbattitva mahadukkham paccanubhavantiti attho. Nirodham phusehiti kilesanirodham phussa patilabha. Sannavupasamam sukham, aradhayahi nibbananti kamasannadinam papasannanam upasamanimittam accantasukham nibbanam aradhehi. @Footnote: ¹ cha.Ma. iti-saddo na dissati

--------------------------------------------------------------------------------------------- page16.

Vira virehi dhammehiti viriyapadhanataya virehi tejussadehi ariyamaggadhammehi bhavitindriya vaddhitasaddhadiindriya vira bhikkhuni vatthukamehi savahanam kilesamaram jinitva ayatim punabbhavabhavato antimam deham dharetiti theri annam viya katva attanam dasseti. Mitteti tam alapati. Mittaratati kalyanamittesu abhirata. Tattha sakkara- sammanakaranata hohi. Bhavehi kusale dhammeti ariyamaggadhamme vaddhehi. Yogakkhemassati arahattassa nibbanassa ca pattiya adhigamaya. Bhadreti tam alapati. Bhadraratati bhadresu siladidhammesu rata abhirata hohi. Yogakkhemam anuttaranti catuhi yogehi khemam anupaddavam ^1- anuttaram nibbanam, tassa pattiya kusalabodhipakkhiyadhamme bhavehiti attho. Upasameti tam alapati. Tare ogham maccudheyyam suduttaranti maccu ettha dhiyatiti maccudheyyam, anupacitakusalasambharehi sutthu duttaranti suduttaram, samsaramahogham tare ariyamagganavaya tareyyasi. ^2- Dharehi antimam dehanti tassa taruneneva antimadehadhara hohiti attho. Tissaditherigathavannana nitthita. ------------------

The Pali Atthakatha in Roman Book 34 page 14-16. http://84000.org/tipitaka/atthapali/read_rm.php?B=34&A=305&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=305&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=406 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8907 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=8995 The Pali Tipitaka in Roman Character :- http://84000.org/tipitaka/read/roman_read.php?B=26&A=8995 Contents of The Tipitaka Volume 26 http://84000.org/tipitaka/read/?index_26