AtthaPali Vol.34

412. 11. Muttatherigathavannana sumutta sadhu muttamhitiadika muttaya theriya gatha. Ayampi purimabuddhesu katadhikara tattha tattha bhave kusalam upacinitva imasmim buddhuppade kosalajanapade oghatakassa nama daliddabrahmanassa dhita hutva @Footnote: ¹ Si. anupaddutam ² i. taressami

--------------------------------------------------------------------------------------------- page17.

Nibbatti, tam vayappattakale matapitaro ekassa khujjabrahmanassa adamsu. Sa tena gharavasam arocanti tam anujanapetva pabbajitva vipassanaya kammam karoti. Tassa bahiddharammanesu cittam vidhavati, sa tam nigganhanti "sumutta sadhu muttamhi"ti gatham vadantiyeva vipassanam ussukkapetva saha patisambhidahi arahattam papuni. Tena vuttam apadane 1-:- "padumuttaro nama jino sabbadhammesu cakkhuma panine anugganhanto pindaya pavisi puram. Tassa agacchato satthu sabbe nagaravasino hatthatuttha samagantva valika akirimsu te. Vithisammajjanam katva kadalipunnakaddhaje dhupam ^2- cunnam ca malam ^3- ca sakkaram katvana ^4- satthuno. Mandapam patiyadetva nimantetva vinayakam mahadanam daditvana sambodhim abhipatthayi. Padumuttaro mahaviro harako sabbapaninam anumodaniyam katva byakasi aggapuggalo. Satasahasse atikkante kappo hessati bhaddako bhavabhave sukham laddha papunissasi bodhiyam. Hatthakammanca ye keci katavi naranariyo anagatamhi addhane sabba hessanti sammukha. @Footnote: ¹ apadanapaliyam ima gatha na dissanti ² cha.Ma. dhumam ³ cha.Ma. masam ⁴ cha.Ma. kacca

--------------------------------------------------------------------------------------------- page18.

Tena kammavipakena cetanapanidhihi ca uppannadevabhavane tuyham ta paricarika. Dibbasukham asankhyeyyam manusanca asankhiyam anubhonti ciram kalam samsarimha bhavabhave. Satasahassito kappe yam kammam akarim tada sukhumala manussesu atho devapuresu ca. Rupam bhogam yasam ayum atho kittisukham piyam labhami satatam sabbam sukatam kammasampadam. Pacchime bhave sampatte jataham brahmane kule sukhumalahatthapada ramaniye nivesane. Sabbakalampi pathavi na passamanalankatam cikkhallabhumim asucim na passami kudacanam. Kilesa jhapita mayham .pe. katam buddhassa sasanan"ti. Arahattam pana patva udanenti:- [11] "sumutta sadhu muttamhi tihi khujjehi muttiya udukkhalena musalena patina khujjakena ca muttamhi jatimarana bhavanetti samuhata"ti imam gatham abhasi. Tattha sumuttati sutthu mutta. Sadhu muttamhiti sadhu sammadeva mutta amhi. Kuto pana sumutta sadhumuttati aha "tihi khujjehi muttiyati, tihi

--------------------------------------------------------------------------------------------- page19.

Vankehi ^1- parimuttiyati attho. Idani tani sarupato dassenti "udukkhalena musalena, patina khujjakena ca"ti aha. Udukkhale hi dhannam pakkhipantiya parivattentiya musalena kottentiya ca pitthi onametabba hotiti khujjakaranahetutaya tadubhayam "khujjan"ti vuttam. Samiko panassa khujjo eva, idani yassa muttiya nidassanavasena tihi khujjehi mutti ^2- vutta, tameva dassenti "muttamhi jatimarana"ti vatva tattha karanamaha "bhavanetti samuhata"ti. Tassattho:- na kevalamaham tihi khujjehi eva mutta, athakho sabbasma jatimaranapi, ^3- yasma sabbassapi bhavassa netti nayika tanha aggamaggena maya samugghatitati. Muttatherigathavannana nitthita. --------------------

The Pali Atthakatha in Roman Book 34 page 16-19. http://84000.org/tipitaka/atthapali/read_rm.php?B=34&A=356&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=356&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=412 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8934 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9013 The Pali Tipitaka in Roman Character :- http://84000.org/tipitaka/read/roman_read.php?B=26&A=9013 Contents of The Tipitaka Volume 26 http://84000.org/tipitaka/read/?index_26