บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Sattakanipata 459. 1. Uttaratherigathavannana sattakanipate musalani gahetvanatiadika uttaraya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti anukkamena sambhavitakusalamula 1- samupacitavimokkhasambhara paripakkavimuttiparipacaniyadhamma hutva imasmim buddhuppade savatthiyam annatarasmim kulagehe nibbattitva uttarati laddhanama anukkamena vinnutam patva patacaraya theriya santikam upasankami. Theri tassa dhammam kathesi. Sa dhammam sutva samsare jatasamvega sasane abhippasanna hutva pabbaji. Pabbajitva ca katapubbakicca patacaraya theriya santike vipassanam patthapetva bhavanamanuyunjanti upanissayasampannataya indriyanam paripakam gatatta ca nacirasseva vipassanam ussukkapetva saha patisambhidahi arahattam papuni. Arahattam pana patva attano patipattim paccavekkhitva udanavasena:- [175] "musalani gahetvana dhannam kottenti manava puttadarani posenta dhanam vindanti manava. [176] Ghatetha buddhasasane yam katva nanutappati khippam padani dhovitva ekamantam nisidatha. [177] Cittam upatthapetvana ekaggam susamahitam paccavekkhatha sankhare parato no ca attato. [178] Tassaham vacanam sutva patacaranusasanim pade pakkhalayitvana ekamante upavisim. @Footnote: 1 Ma.,i. samropitakusalamula [179] Rattiya purime yame pubbajatimanussarim rattiya majjhime yame dibbacakkhum visodhayim. [180] Rattiya pacchime yame tamokkhandham padalayim tevijja atha vutthasim kata te anusasani. [181] Sakkamva deva tidasa sangame aparajitam purakkhatva vihassami tevijjamhi anasava"ti ima gatha abhasi. Tattha cittam upatthapetvanati bhavanacittam kammatthane upatthapetva. Katham? Ekaggam susamahitam paccavekkhathati patipattim 1- paccavekkhatha, sankhare aniccantipi dukkhantipi 2- anattatipi lakkhanattayam vipassathati attho. Idanca ovadakale attano annesanca bhikkhuninam theriyadinam ovadassa anuvadavasena vuttam, patacaranusasaninti patacaraya theriya anusitthim. "patacaraya sasanan"tipi va 3- patho. Atha vutthasinti tevijjabhavappattito paccha asanato vutthasim. Ayampi theri ekadivasam patacaraya theriya santike kammatthanam sodhetva attano vasanatthanam pavisitva pallankam abhujitva nisidi. "na tavimam pallankam bhindissami, yava me na anupadaya asavehi cittam vimuccati"ti nicchayam katva sammasanam arabhitva anukkamena vipassanam ussukkapetva maggapatipatiya abhinnapatisambhidaparivaram arahattam patva ekunavisatiya paccavekkhanananaya 4- pavattaya "idanimhi katakicca"ti somanassajata ima gatha udanetva pade pasaresi arunuggamanavelayam. Tato sammadeva vibhataya rattiya theriya santikam upagantva ima gatha paccudahasi. Tena vuttam "kata te anusasani"tiadi. Sesam sabbam hettha vuttanayameva. Uttaratherigathavannana nitthita. @Footnote: 1 Si. patipatiya 2 cha.Ma. aniccatipi dukkhatipi @3 i. va-saddo na dissati 4 cha.Ma. paccavekkhanananayaThe Pali Atthakatha in Roman Book 34 page 206-207. http://84000.org/tipitaka/atthapali/read_rm.php?B=34&A=4422&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=4422&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=459 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9394 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9446 The Pali Tipitaka in Roman Character :- http://84000.org/tipitaka/read/roman_read.php?B=26&A=9446 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]